السلام عليكم ورحمة الله ,
سامي الجابر اسطورة الكرة السعودية بعد الثنيان وهو رمز من رموز نادي الهلال
كلاعب والاعجاب في سامي كبير كلاعب وهو النجم الثاني المفضل بعد الثنيان
وكثير اعتزلو التشجيع وعدم مشاهدة المباريات كالسابق بسبب اعتزال سامي الكورة
وسامي انا شخصياً اعتز فيه و احببته كلاعب ولا ارضى عليه بالخطاء كلاعب وهو نجم المنتخب واعظم لاعب في المنتخب السعودي من ناحية الانجازات .
هذا سامي كلاعب .
لكن كإداري ؟
الحقيقة تقال بانه غير متمكن وغير محترف ادارياً وصراحه تغيرت وجهة نظري في سامي بعد ماقريت كلامه في تويتر او تغريداته ولم اتخيل سامي بهذا الاسلوب و الفكر الادراي ومن اكثر الاشياء اللي استغربتها واستفزني فيها سامي
فيه احد الجماهير كتب لسامي ( سامي ماتلاحظ انك اغلطت يوم تصرح ان حسن معاذ قالك ترا انتهى عقدي !! حطيت الولد بوقف بايخ ..واحسه كان بيجينا بس بعد مافضحته هوّن )
وكان رد سامي
والله قلت الصراحة وانا اخوك يرضيك اكذب مثلاً
طيب ياسامي من قال لك لا تقول الصراحه ومن قال اكذب بس ليه تصرح في تويتر وليه تتكلم بشي خاص وبيفيد الهلال وحتى لو الهلال ماجاب حسن معاذ ليه تفضح الرجال عند الشبابين
وياسامي ماتوقعت اسلوبك كذا في تويتر وصراحه بعيد كل البعد عن سامي لما نشوفه يعلق او يتكلم في التلفزيون . الشي الثاني ياسامي المحترفين والله لما اذكر بشكل عام التيماوي والمسعري والدوخي وليتانا وسيرجو والتايب والتخيفي والنعيمة والثنيان وابوثنين اتحسر ان من يرتدي شعار الهلال هالاجانب الموجودين حالياً وبعض الاعبين المحليين .
سامي والله اني احبك بس مابيك تطلع بهذا الاسلوب لاني دايم اشوفك خير مثال رياضي
مشكلتي ماعرف اكتبت في تويتر وبس اتصفح
ولا احد يجي يقول اني مندس ومعرفي قديم وتاريخ التسجيل يثبت .
الوضع الشجري
