عــاجل : إنشاء استاد للهلال ... ((مجهود شخصي)) - نادي الهلال السعودي - شبكة الزعيم

هلال أطلس · #1 07/09/2011, 02:01 PM

بسم الله الرحمن الرحيم..

ما أعرف للمقدمات .. يعني بطب سباحي بالموضوع

تكلمت جماهير الهلال كثيرا عن ملعب الهلال ..

بل وأصبح هاجس لكثير من الجماهير انشاء استاد خاص بنادي الهلال على طراز عالمي..

وسمعنا كثير أخبار واشاعات عن اتفاقيات على بناء الملعب .. بس راح وقتها المحدد ولا شفنا شي..

انا حبيت أقول بما أن تكلفة بناء ملعب كبيرة جدا .. وبحاجة الى شركة عالمية لبنائه وانتظار ما لا يقل عن سنتين..

نقدر نبي ملعب الهلال بأبسط الطرق..

بتقولون وشلون؟؟

أنا اقول لكم الحين..

بما أن ملعب الهلال ازالوا المضمار راح يكون تصميم الملعب على الملاعب الإنجليزية..

#

1- بناء مدرج دور ثاني في الواجهتين الرئيسية..

2- بناء مدرج كامل دور أول ودور ثاني في الجهتين الفاضية ..<لا تدققون ما اعرف الاتجاهات

والتوضيح بالصور.. :

.
وبعد كذا توضع الكراسي..

#تكلفة كراسي ملعب الملز حول مليونين ريال وهو يتسع لـ 28 ألف متفرج ..

وتقريبا اذا وضعت هذي المرجات بتطلع سعة الملعب من 25 ألف - 30 ألف ..يعني نفس المبلغ تقريبا ...

وتقريبا بيكون كذا شكل المدرج بعد تركيب الكراسي..

.

~~~~~~~~~~~~~~~~~~~~
لو بنحسب التكلفة الأجمالية..

صراحة ما ادري كم يكلف بناء مدرج ..بس خل نفرض تقريبا كحد أقصى 20 مليون

مع تركيب الكراسي 2 مليون..

التكلفة الإجمالية 22 مليون ..

يعني بـ 22 مليون بيطلع استاد للهلال.. وتكون كل مداخيل الجماهير للنادي ..

وبدل ما ندفع 15 مليون في لاعب شاب .. ندفعها في ملعب للنادي..

واتوقع اذا بدوا بالبناء ما يجي نص الموسم أو نهايته ألا وكل شي جاهز..

وفوق كذا موقع الملعب حلو ما يكون مثل الملز ولا الأستاد زحمة وغثاء.. بالعريجا موقع حلو ..

يعني اضمن ثلاث ارباع المدرج ممتلي طول الموسم نسبيا ..

شطحة< ريال مدريد يعلن أن 25% من ميزانية النادي من دخل الجماهير في الحضور للملعب

..

يعني على كذا بندعم النادي دعم موب صاحي ...

............

وأتمنى الفكرة توصل للأمير عبدالله بن مساعد أو عبدالرحمن بن مساعد أو حسن الناقور ..

>مب شرط تتخيل المدرج بيطلع نفس الصور ..
مجرد تقريب الصورة لكم ..وبأمكان الادارة اضافة لمسات فنية عالمية على الملعب بعد الإنتهاء من بنائه..
لقطة ختام..

>>>>>>>>>>>

منورين كلكم لبى قلوبكم..

> بالنسبة للي يقول القياس.. انا اتوقع القياس راح يكون ممتاز ..

لأن قبل كان فيه مضمار وكانت تلعب فيه مباريات رسمية...

والحين بعد ازالة المضمار اكيد راح يكون وسيع وبتكون القياسات المناسبة للأستاد..

ع ـبود الودعاني · #2 07/09/2011, 04:57 PM

فكره حلوووه
والله راح يكون استاذ خيالي
لكن العيب الوحيد الموقع

نزيه المشاعر · #3 08/09/2011, 08:44 AM

إقتباس

الرسالة الأصلية كتبت بواسطة الناقد الفنان


	فكره حلوووه والله راح يكون استاذ خيالي لكن العيب الوحيد الموقع

فعلا فكره حلوه بس العيب الموقع اتمنى يكون شمال الرياض

واعتقد شمال الرياض قريب من العريجا ومافيه زحمات

عاشـق الزعيمـ · #4 07/09/2011, 05:00 PM

فكرره حلووه , و صعب جدا
لكن هل تضن ان قياسات ملعب التمرين نفس قياسات ملعب المباريات !!
احسه بيصير زي ملعب نجران وملعب الحزم

أمورة الزعيم · #5 07/09/2011, 05:03 PM

والله فكررررة مششش بطالة لكن تتوقع فيه وقت @@
وحتى مثل ماقال اخوي الي قبلي انو هل تضمن انو المقاسات
راح تكون كويسة بحيث يكون الملعب حجمه حلو !

شكراََ لك

عبدالله الغاامدي · #6 07/09/2011, 05:05 PM

بالصميم الملعب روعة

يتسع الى من 25 الى 30 الف مشجع مثل ملعب مكه اذا ما خاب طني من ناحية المساحة

بالتوفيق للزعيم

@مؤيد@ · #7 07/09/2011, 05:38 PM

فكرة حلوة بس وين التنفيذ .....

تحياتي..

koko533 · #8 07/09/2011, 06:02 PM

مشكووووور وماقصرت
فكررررررره رووووووعه

الحرس الوطني - · #9 07/09/2011, 06:14 PM

فكره حلووووه جدا
يارب توصل للاداره

غـــــريـــــب · #10 07/09/2011, 11:25 PM

يعطيك العافية فكره حلوه وانا كنت افكر فيها من زمان لكن اتوقع ان الملعب ملك لرعاية الشباب وعشان كذا يمكن النادي ما يقدر يتصرف فيه, وافضل شي ما يكون فيه فراغات بين المدرجات.