انا متأكد انك ماتابعت محمد لطف

لأنه كان صانع ألعاب ممتاز

ولولا الله ثم الإصابة التي تعرض لها بسبب لاعب الرياض القاضي

لكانت بصماته على بطولات الهلال وقتها أكثر وضوحاً

وأكبر دليل هو تحقيق منتخبنا للشباب لكأس آسيا عام 1993 هـ

وكانت غالبية الأهداف إما تسجيل أو صناعة محمد لطف بما فيها هدفي النهائي

أمام كوريا الجنوبية بصناعة ولا أروع من محمد لطف

ومن بعدها المشاركة في كأس العالم وفي مباراة البرازيل التي أبدع فيها فهد الغشيان

وانتهت بالتعادل السلبي كلف مدرب البرازيل كابتن المنتخب البرازيلي اللاعب زي إلياس

بمراقبة لطف لأنه مصدر الخطورة الحقيقية بحسب وصف المدرب البرازيلي

ناهيك عن هدف الفوز في نهائي البطولة العربية أمام الترجي صناعة لطف

ومهارة عالية من أبو يعقوب ملك المهارات

رجاءاً تحري الدقة في وصف لاعبي الهلال السابقين الذين أبدعوا وأسهموا في تحقيق البطولات

الامير بندر بن محمد ابعد من رئاسة الهلال قبل 4 سنوات .. بقرار من الامير هذلول ..


و الحين الامير بندر بن محمد يتجهز لترشيح نفسه لرئاسة الهلال .. و انا بصراحة راح اكون معه ضد استثمار عبدالرحمن بن مساعد ..

و خاصة ان الامير عبدالرحمن بن مساعد جهز ملف قوي كله تخطيط و استثمار ..


×_×

يسويهآ الخاين عزيز مع برميل البلآوووي
بس الحمدلله اللي افتكينآ منه
ويمكن كلام محمد لطف في شي من الصحه
لكن مآهو وقتته ابد
يعني مالققى الا هالتوقييييت

هههههههههههههه
واذا كان كلام محمد لطف صحيح؟؟
واذا كان خالد عزيز فعل كل ماقلت؟؟؟
واذا كان الجمعان فعل ماقلت؟؟؟
واذا كان خلاف بين بندر بن محمد وبن مساعد صحيح...
السؤال الاهم وبعدين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الموضوع يناقش احداث تاريخيه ومشكله انتهت
وبدل مناقشة مباراة الاتحاد وموقف الفريق الاسيوي
وبدلا من مناقشة موقف الفريق الاسيوي وتخبطاته
يناقش لاعبين انتهوا في وقت مثل هذا
وانا رديت لأبين للناس وليس لك انت واضح ان لك هدف شخصي
اما للذم في شخص او انك تغير تفكير الناس ناحيه موضوع تافه وكانه موضوع
الساعه ....
قال محمد لطف قال
بكره تقولي النزهان
وبعده تجيب موضوع خاص عن العنقري هههههه

إقتباس الرسالة الأصلية كتبت بواسطة AHMED999 مثل حسن خيرات الان يلعب بواسطه ... واهم شي اكد على كلامي ان فيه فجوه بين عبدالرحمن بن مساعد و بندر بن محمد ...

ترا واسطة تركي القحطاني هو بندر بن محمد وهو الي كان يلعب الجمعان رغم غياباته عشان مايزعل عليه خالد بن الوليد وقتها

وسالفة حسن خيرات حسن خيرات على رغم مستواه لكن لو كان في نادي غير الهلال كان طلعتوا لنا وقلتوا فاوضوه على الاقل كبديل

إقتباس الرسالة الأصلية كتبت بواسطة Tswa 3yoony .. 7 الامير بندر بن محمد ابعد من رئاسة الهلال قبل 4 سنوات .. بقرار من الامير هذلول .. و الحين الامير بندر بن محمد يتجهز لترشيح نفسه لرئاسة الهلال .. و انا بصراحة راح اكون معه ضد استثمار عبدالرحمن بن مساعد .. و خاصة ان الامير عبدالرحمن بن مساعد جهز ملف قوي كله تخطيط و استثمار .. ×_×

ابعد !!! من جدك انت !! هذلول بن عبدالعزيز من ست سنوات وهو في شبه غيبوبه
هههههههههههههههههههه عندنا جمهور يحشش خلقه تصدق عندنا جمهور اخطر على الهلال من صحافة الاتحاد والنصر

الشي الاهم بندر بن محمد ماراح يترشح الا اذا رجعت علاقته مع شقيقه الاكبر والداعم الاول له وهو الامير سلطان بن محمد

والان العلاقه ليست على مايرام
وهو من كان يدعم بندر ماديا
بندر حاليا والي يعملون في مؤسسة النقد السعودي والبنوك يعلمون انه مطالب بسداد مبالغ تصل الى 120 مليون ريال وبسبب علاقته الغير جيده مع شقيقه لم يستطع سداده من سنه او اكثر
وهالشي سبب ماكل على مستوى الفرق السنيه تاخر الرواتب الى فترات وصلة الى 10 شهور ومن ثم تدخل الاميرين خالد بن محمد وفهد بن محمد لتسديد هذه الرواتب المتاخره


بندر بن محمد كاي هلالي احمل له في قلبي كل محبه
ولكن مشكلتنا اننا نتذكر بندر والاسيويه ولكن المفاتيح التي ساعدته وقتها لم تعد موجوده
فلم يعد هناك لاعبين محليين مثل يوسف وسامي ونواف والتيماوي والشريده وخميس والدوخي

والاسيويه الان اصبحت اصعب من قبل

وصلنا الى نصف النهائي مع بن مساعد وكان يفرقنا عن النهائي بلنتي ويلي الذي لوتسجل ضد الفريق الايراني لتغيرت اشياء كثيره

لا اتمنا استرار عبدالرحمن بن مساعد ليس لكره لاسمح الله ولكن لاني ارى ان الرئاسه افضل شي تكون اربع سنوات ثم يفتح المجال لدماء جديده
اتمنا ان نرى اشخاص جدد

انا من يوم شفتك تقارن بين لطف وباقي اللاعبين اللي ذكرتهم
وانا داري انك من جنبها
لمعلوميتك تم تسجيل لطف في موسم 1414 واستمر مع الفريق حتى 1422 تقريبا
وكان يلعب على الطرف الايسر سواء وسط او جناح
ولكن الحاجة لظهير ايسر بعد اصابة واعتزال حسين الحبشي
اظطرت الفريق كالعادة الى ان يلعب في هذا المركز الحساس
مع العلم بأنه اصيب بالرباط في بداياته ولكنه عاد اقوى من السابق
فرجاء اترك لطف فقد كان من الجيل الذهبي الذي جلب البطولات الاسيوية
بالنسبة للقحطاني والشايع وابانمي فلم يستمرو مع الفريق طويلا
واكثرهم استمر لمدة موسمين ولم يكن اساسيا
بالنسبة للجمعان وغيابة عن الاسيوية فلا زلت اتذكرها وكان في نهائي السوبر
2002 امام سامسونج الكوري والذي خسرها الهلال بركلات الترجيح
وكانت اسهل بطولة ولو فاز بها الهلال لكان عنده سبع بطولات اسيوية
====
على طاري الواسطة افضل لاعب آسيوي من وجهة نظري يوسف الثنيان
غاب عن آخر التمارين قبل بطولة آسيا 1992 والتي فاز بها الهلال
وقررت ادارة النادي ايقاف ومنعه من السفر مع الفريق لقطر
ولكن وساطة رئيس البعثة سمو الامير نواف بن محمد جعلت يوسف
هو سبب تحقيق الهلال للبطولة

تبغون الصراحة
جمهور الهلال ليس له فائدة للنادي ابدا
جيدين بالتنظير في المنتديات
والغياب عن مؤازرة الفريق في احلك الظروف
والمصيبة انه عندما يحظر جزء منهم تجدهم ساكتين
ويقشمون فصفص

طيب يامحمد لطف ليش تكلمـ بهالوقت بالذاااااااااات ؟؟؟؟؟

انا باختصار اقول لجماهير الهلال
احذرو الاعداء الذين لم يستطيعون اسقاط الهلال الا بجماهير
ومالقاء لطف الا اكبر دليل واكبر دليل انه مدفوع له او مو صاحي
اشياء تكلم عنها لم يلحق عليها
مثل سالفة محاربة سامي للدعيع وياسر وعزيز
هو كيف عرف وهو مبتعد من 11سنه تقريبا
رجاء يامحبين الهلال لاتسمحون لهم بهدم ناديكم
واذا فيه جماهير مع رئيس واخرى مع رئيس الرجاء
الاعتبار من النصر والاتحاد كيف يسقطون
لهذا السبب

إقتباس هذا مع احترامي أسمه موضوع تافه الغرض منه تشتيت الفريق والجماهير خالد عزيز ولطف من ماضي النادي ولايستحقون حتى الذكر لأنهم لايرتقون ولم يقدروا الثقه التي اعطيت لهم واكثر من مرة..... ولو سمحت اذا نزلت موضوع حاول يكون مفيد أو نقد هادف لأحداث جديده وليس نقد لأحداث عاف عليها سنوات

صدقت ياخوي والله اذا ماتعامل المشرفين في المنتدى مع المواضيع اللي زي هذا الموضوع بيصير.منتدانا زي منتديات الفقر اللي كلها تحزبات وشلليه
فال موضوعك الحذف

إقتباس الرسالة الأصلية كتبت بواسطة حب الزعامة مع احترامي لوجهة نظرك لكن حتى لو فرضنا ان لطف بغض النظر عن ماضيه كان كلامه صحيح لكن يتكلم عن شي مر عليه حوالي العشر سنوات وش الفايده من هالكلام الحين !!!! الكلام في الماضي نقصان بالعقل والاختلاف بين اعضاء الشرف موجود وشي طبيعي جداً لكن الخلاف بإذن الله غير موجود وحتى لو وجد مو اعضاء شرف الهلال اللي يأثر اختلافهم على علاقتهم بالزعيم لان الكيان عندهم اهم والا بندر بن محمد مايقدر يطلع بالاعلام ويهاجم عبدالرحمن بن مساعد زي مانشوف باقي الانديه محد يقدر يمنعه مصيبه اذا كلام الاعداء يردد من جمهور الهلال ومو عافين وش المقصد من ضرب الهلاليين ببعض وبهالوقت بالذات

سؤالك جاي في الصميم .. لكن تأكد إن ماله إجابة ..
أتحداهم يجيبون بشكل مباشر ، لكنهم يحورون إجاباتهم !!
صدقيني الهلالي الأصيل لن يقبل بمثل هذه المواضيع التي من شأنها تشتيت الفريق الهلالي أو بالأصح إلإدارة الهلالية .. وراجعوا مداخلتي الماضية .. شكري وتقديري لك

إقتباس الرسالة الأصلية كتبت بواسطة JIC-M صدقت ياخوي والله اذا ماتعامل المشرفين في المنتدى مع المواضيع اللي زي هذا الموضوع بيصير.منتدانا زي منتديات الفقر اللي كلها تحزبات وشلليه فال موضوعك الحذف

أنا أخشى ماأخشاه إن مسألة الضيوف الأعزاء ( الغير هلاليين ) تطوروا في ترقياتهم وأصبحوا مشرفين !! اتمنى أني أكون واهم ومايكون صحيح .. هي مجرد مخاوف فقط !
عموما أنا شايف بعض الطرح يعني فاضح وواضح بشكل أوضح من الوضوح في تشتيته للوضع الهلالي ومع هذا نرى الإصرار من بعض مشرفينا في طرحها !!!
فأنا اضم صوتي لصوتك إنه لابد يكون فيه تعامل حازم وصارم والأهم من هذا إنه يكون عند المشرفين فكر ومهنية احترافية في معرفة ماينبغي أن يطرح ومالاينبغي أن يطرح ..وهاذي في نظري إنها بالدرجة الأولى راجعة للمركز الإعلامي في تنظيمه وتوجيهاته وتوزيع مهام العمل ومعرفة الأكفاء في توظيفهم لمثل هالأمور هاذي ..
شكري وتقديري ..

هاذي لازم يكون فيه خبايا ويطلعونها ثم ........

ومن ناحية اللعيبه
الدنيا كلها فيتامين وااااااو


مو بس هم