قد يكون في الموضةع بعض الصحة لاكن ألا ترى أخي أن الوقت غير مناسب لهذه المواضيع

اول شي اللي قال انه موضوع تافهه مع احترامي لك الكاتب نقل حدث مهم وله اسبقيه في النقل يشكر عليها ..

ثاني شي كلام لطف خطيرررر وكلنا كنا نقوله واتهمنا من البعض اننا متحاملين على الاداره ..

هذا لطف اليوم وضح لنا كيف انحرمنا من الرئيس الذهبي بندر بن محمد وجانا ابن مساعد واستثماره اللي خرب الدنيا ..

الواسطات معروفه ونتكلم عنها من اول ..

الله يعين بس

محمد لطف لاعب كبير وكان من افضل صانعي الالعاب في الهلال وكل كوره للمهاجمين مثاليه و صاروالمهاجمين انت والمرمى ومين ينسى كورته لسامي الجابر في نهائي الدوري امام الشباب عام 92 وكمان كورته ليوسف الثنيان في نهائي البطوله العربيه امام الترجي التونسي عام 95 لكن حصل بعدها شي غريب وقررت إداره الهلال إنه أفضل شي انه اللاعب يغطي خانه الظهير الأيسر وحرمت الزعيم من صانع العاب رااااائع واللاعب المغلوب على امره كان يجهل المؤامره المحاكه ضده لانه بعد موسمين في خانه الظهيرالأيسر قررت الإداره الهلاليه ان اللاعب إنتهت صلاحيته ولم يعد لديه اي شي يقدمه للفريق وتم تنسيقه بشكل غرييييييب وانا ما ألوم اللاعب على كل اللي قاله لأنه تعرض لظلم مبيين وبخصوص كلامه عن خالد عزيز فأنا معاه في كل اللي قاله لأني متأكد انه خاالد عزيز أكبر مرتزق وخاااائن وكل أفعاله مع الزعيم تثبت كلامي وبالذات امام الاتحاد وخصوصا إذا كانت المباراه مفصليه وحساسه واخرها العام المنصرم امام الإتحاد في الأسيويه وحتى الكابتن محمد الدعيع في تصريحه لإحدى القنوات اللتي لا يحضرني إسمها قال انه يعرف خالد عزيز جيدا ويعرف عقليته ولمح إلى أن خالد عزيز ماعنده مبدأ ولايستبعد منه أي شي وكان تصريحه بخصوص اللاعب مبهم ويتسم بالغموض

هذه مرحله وتلك مرحله والعوده للوراء انتكاس وما الفايده من هكذا موضوع زمن الفوضى انتهى الان عقد الاعب سنويا اكثر من ثلاثه مليون لمتوسط الاعبين يعني راتب شهري اكثر من 250000ريال اي خصم يحسن من سلوكه اما في السابق فحدث ولاحرج ومع سامي ومساعديه انس الفوضى
المقال فيه شك

بالعكس ابانمي كان لاعب موهوب والشايع بدع الا القحطاني كان عادي
واستغرب للان ابتعاد ابانمي كان وسط ايسر موهوب

هو مثل غيره يسمع ويردد ولا هو بعيد عن الغشيان !!

عموما ينطبق عليه مع عزيز المثل الشهير ما اخس من قديد الا عسفان !!

أنا أحترم صاحب الموضوع .. بس ليسمحلي مواضيع مثل هاذي إيش الهدف منها؟؟
هل هو حق ضائع لإدارة الهلال يريد يطالب فيه ؟؟
أو شي يشعر إنه فيه فائدة مرجوة للهلال ؟؟
مع احترامي أنا أشوف أنه مثل هالمواضيع هاذي أقل مايقال عنها : إنها تشتيت للفريق ، خصوصاً في محك ومنعطف خطييير جداً !!!
والأدهى والأطم وأم الكوارث الأخ اللي اسمه 999حمد اللي بصراحة مع احترامي له ماأدري وش يبي يوصل له بالضبط ؟؟؟
طيب لو سلمت لك جدلا ياأخ حمد إنه فعلا فيه مشكلة بين رئيس الهلال سمو الامير عبدالرحمن بن مساعد وبين سمو الأمير بندر بن محمد !! طيب وبعدين ؟؟
وش الفائدة من طرح معلومة مثل كذا ؟؟ هل تتوقع يعني انه الجمهور على طول بيركبون سياراتهم ويروحون سيدا لسمو الأميرين ويصلحون بينهم ؟؟
يعني إنت شايف انه فيه مصلحة ؟؟؟ يااااأخي إركد شوي وخل عندك بعد نظر ، مو أي كلام تسمعه من هنا وهناك تقوم وتردده !!
بس أنا ا لى الآن ماأدري وش هدف هاللي يروجون لمثل هالإشاعة هاذي في التوقيييت هذا بالذاااات ؟؟؟ الحقيقة ماوجدت إجابة إلا إنها تدمير للهلال وتشتيته سواء شعروا بذلك المروجون أو لم يشعروا .
أقول الفريق بحاجة لجمهوره والله بحاجة لكم ولوقفتكم واتركوا عنكم السخافات والمهاترات في الأمور اللي ماتودي ولا تجيب .. لنرتقي شوي بطرحنا وبمواضيعنا ..ونقف مع فريقنا وقفة صادقة ومخلصة ، مو الواحد تحس إنه كأنه يتمنى هزيمة الهلال بس عشان يثبت رؤيته ونظريته !!!
لكم خير مثال بجمهور الأهلي ووقفته مع ناديه .. والله يوم شفت الجمهور في مباراتهم مع النصر الإماراتي والله ولا كأنه خاسر الدوري !!! وصدق اللي قال الحي يحييك والميت يزيدك غبن ، خلوكم بس مع ناديكم وفريقكم ولا تختلط عليكم بعض مفردات المثبطين والمخترقين بأن هاذي من المجاملات ولا مفردة التطبيل اللي جتنا عدواها من النصر ! ماأقول الا الشكوى لله إذا هاذي عينة من عينات الجمهور الهلالي

انا ماذكرت كل الي ذكره لطف ولكن ركزت على الواسطه الي تلعب ناس مايستحقون يلعبون للهلال وانا نقلت الي ذكره الاعب وبعض الذي ذكره لم انقل حتى لايكون هنالك مشاكل بالنادي

إقتباس الرسالة الأصلية كتبت بواسطة سوبر الازرق انا ماذكرت كل الي ذكره لطف ولكن ركزت على الواسطه الي تلعب ناس مايستحقون يلعبون للهلال وانا نقلت الي ذكره الاعب وبعض الذي ذكره لم انقل حتى لايكون هنالك مشاكل بالنادي

مع احترامي لوجهة نظرك
لكن حتى لو فرضنا ان لطف بغض النظر عن ماضيه كان كلامه صحيح
لكن يتكلم عن شي مر عليه حوالي العشر سنوات
وش الفايده من هالكلام الحين !!!!
الكلام في الماضي نقصان بالعقل
والاختلاف بين اعضاء الشرف موجود وشي طبيعي جداً
لكن الخلاف بإذن الله غير موجود وحتى لو وجد مو اعضاء شرف الهلال اللي يأثر اختلافهم على علاقتهم بالزعيم لان الكيان عندهم اهم
والا بندر بن محمد مايقدر يطلع بالاعلام ويهاجم عبدالرحمن بن مساعد زي مانشوف باقي الانديه محد يقدر يمنعه
مصيبه اذا كلام الاعداء يردد من جمهور الهلال ومو عافين وش المقصد من ضرب الهلاليين ببعض
وبهالوقت بالذات

إقتباس الرسالة الأصلية كتبت بواسطة حب الزعامة مع احترامي لوجهة نظرك لكن حتى لو فرضنا ان لطف بغض النظر عن ماضيه كان كلامه صحيح لكن يتكلم عن شي مر عليه حوالي العشر سنوات وش الفايده من هالكلام الحين !!!! الكلام في الماضي نقصان بالعقل والاختلاف بين اعضاء الشرف موجود وشي طبيعي جداً لكن الخلاف بإذن الله غير موجود وحتى لو وجد مو اعضاء شرف الهلال اللي يأثر اختلافهم على علاقتهم بالزعيم لان الكيان عندهم اهم والا بندر بن محمد مايقدر يطلع بالاعلام ويهاجم عبدالرحمن بن مساعد زي مانشوف باقي الانديه محد يقدر يمنعه مصيبه اذا كلام الاعداء يردد من جمهور الهلال ومو عافين وش المقصد من ضرب الهلاليين ببعض وبهالوقت بالذات

سؤالك جاي في الصميم .. لكن تأكد إن ماله إجابة ..
أتحداهم يجيبون بشكل مباشر ، لكنهم يحورون إجاباتهم !!
صدقيني الهلالي الأصيل لن يقبل بمثل هذه المواضيع التي من شأنها تشتيت الفريق الهلالي أو بالأصح إلإدارة الهلالية .. وراجعوا مداخلتي الماضية .. شكري وتقديري لك

صراحة مقابلة سخيفة جداً
وأسخف منها طريقة إملاءات المذيع على لطف .
يعني جالس يلقنه ويفرض عليه
مثل ذلك الشخص الذي قابل المدرب توماس دول .
يعني مذيع لا مهنية ولا احترافية
بل برتبة مشجع متعصب وجاهل

يعني كل واحد يبزوط يخرج من الغد يتكلم في الفريق ورجالاته

يعني تخيل بكرى يخرج شراحيلي أو عزيز أو غيرهما

ياخي روقنا انت ومحمد لطف الي توه يطلع

وينه من اول طيب الحين ماحنا فاضين لمحمد ولا عزيز ولا غيره


الهلال مستواه في انحادر ويجب الاداره ان تشوف حل في اسرع وقت


وياريت تحذف موضوعك ولا تكتب مواضيع ثانيه


يعطيك العافيه انت ومواضيعك المميزه

محمد لطف نجم كبير بالوسط الهلالي وقدم الكثير والكثير

بالنسبه لموضوع اللاعبين اللي يلعبون بالواسطه وحب الخشوم فـ موجودين حتى اليوم بالهلال


عندك الغنام والمرشدي والزوري .. بالله فيه فريق صاحي ياخذ هالثلاثه معه واساسيين .؟

خالد عزيز ومحمد لطف ماضي الهلال

الله يستر على لاعبين الهلال الحاليين والله يوفقهم مع الزعيم

سوبر الازرق الله يعطيك العافيه