السلام عليكم و رحمة الله و بركاته


اسعد الله صباحكم و مسائكم بكل خير و فرح

العنوان واضح كثير

و حاب اغتنم الفرصه و ابارك لكم في الفوز الهلالي في مباراة الهلال و الشباب الاماراتي

يا اخوان اللي يعتبون على عدم حضور الجماهير انتم يمكن المبارايات اللي تقام في غير العاصمه يكون الامر مختلف عندكم و الاوضاع مساعدتكم

لكن حنا يا اهل العاصمه انواع التعب و القروشه و الواحد يكره عيشته قسم بالله

الامن التابع للأستاد """ حدددددددددددددددث ولا حررررررررررررررج """
انواع المضايقات بالتفتيش و يمنع حمل الشالات و الاقمشه المكتوب عليها بعض العبارات العاديه اللي ما تسئ لاي احد او اي نادي !!!

ليه يا اداراة الملاعب ؟؟؟

الرابطه مكرفون واحد ؟؟؟

تذكرون جماهير الهلال وخاصه في استاد الملك فهد بالرياض وشلون كانت تحضر بسبب الاشياء اللي نراها عاديه في وقتنا الحالي و اداراة الملاعب تراها حرام حالياً

الجماهير لا تحضر بسبب الاسباب اللي قلتها لكم و الخافي اعظم

تطلع تاخذ شي تاكله او تشربه ما ترجع ولا تدخل <~ وخاصه في المبارايات الكبيره و الهامه

يفتشك الامن في المباراياات الكبيره وكانك تشيل قنبله و فيه خبر واصلهم ان فيه احد راح يهرب قنبله و يفجر الملعب !!!!

يا ادارة الهلال يا ابن مساعد يا من يهمه الامر الرجاء النظر في الوضع الحالي
الجماهير العربيه و الاوروبيه تسبقنا بكثيييييييييير و حنا مكانك واقف ولا بعد صرنا نرجععع للورى !!!

الرجاء فتح هذا الموضوع في احد القنوات الاعلاميه او الجرايد من قبل اي كاتب اعلامي و الرجاء الضغط على من يحمل القرار و هم اسباب تدهور الجمهور الهلالي وعدم حضوره في الرياض

الزحمه و حركة السير سيئه لابعد درجه تطلع من الاستاد الساعه 10 و نصف توصل للبيت الساعه 1 الفجر او 2 الفجر !!!

وانا اهلي يرفضون الرجعه من بعد الساعه 11 ونصف و اذا اخذتها بالمقياس اشوف اني احضر بـ كافي شوب محترم و اشرب و اكل و اتابع و اتحسر و اتالم من داخلي في ضياع الهجمات لكن حضوري للملعب شايله من مخي الى ان يتم اتخاذ الاجراءات الازمه و الحد من التخلف العقلي للمسؤولين من ادارة الملعب و حتى اتحاد الكره السعودي لابد انه يتدخل و يضع القوانين اللي تخلي الواحد يحضر وهو مرتاح

الرجااااااااااااااااااااء ان الموضوع ياخذ حقه يا شباب و توصيل الصوت لكل من يهمه الامر


و شكراً

صراحهـ الحضور الجماهيري مره يفشل

يعني معقوله جمهور القاره الاسويه الهلال بس 2000

يا اخوان يا عقلاء ما هكذا تأخذ القضية

لابد علينا ان نجبر الفريق الازرق على بطولة الملك لابد يا خوان

^
يا اخي الكريم لو الحضور راح يغير شي كان اخذنا كأس كؤوس آلكآسآت آلعآلميه آلآوروبيه !

بالعقل يعني

احنا صحيح نعشق الهلال و لعيونه يستاهل كل شي لكن بحدود المعقول يعني

للأسف رياضتنا بشكل عااااااااااااااااااااااام فااااااااااااااااشله بكل المقاييس والله لما اتابع الدوري الانجليزي او الاسباني او حتى الالماني اشوف متعه ما بعدها متعه من الجمهور حتى لو فريقهم متأخر بهدفين او هدف و احنا الله يخلف الحضور بكبره ماهو متواجد و الاسباب كلنا نعرفها

في اليابان شفت مره لهم برنامج كيفية التعامل مع اوقات المباريات و تجهيز الامن و الونشات في حالة حصل حادث لا قدر الله كيفية التعامل مع الحادث و سحب السياره بسرعه و كيفية تسهيل الوصول للملعب بشكل سلس و سريع و اللي يخليك تتعجب اكثر ان الملعب له اكثر من طريق و في كل الطرق مجهزه بالتقنيه و الامن و السرعه في الوصول و السرعه في الاخلاء

و حنا الله يخلفففففففففففففففففففففففففففففففففف

اكثر حضور جماهير في عهد محمد بن فيصل طيب الذكر
كان يحبونه الجماهر عشانه كل مباراه يتحدى
وكان موجود حقوي والي كان موجود ايام حقوي يعرف زين مو الحين الحضور ما يحمس
بس الشكوى لله نحضر لعيون الزعيم
ومحمد بن فيصل جاب ياسر للهلال غصب عن البلوي لعيون الجماهير

اتوقع اكبر حضور حصل
مباراة الهلال و ذوب اهان

لان الاحصاءات اللي طلعت في شاشة الملعب انا متاكد انها غلط لان البوابه اللي تدخل من عندها و تقطع التذكره حارس الامن كان لابس بدله و الناس كانت تدف بقوه و ابتعد عنها و انفتحت و دخلووا الناس بدون ما تقص تذاكرها

اتوقع وصلت الى 80 الف مشجع

المشكلة والله ميب في الزحمة ولا في قلة محبي الهلال ، ،

المشكلة إن هلالنا يجيب المرض الله يمرض من امرضه ..

هلالنا يجيب الهم والغم !

لا مستوى ، ولا لاعبين !

ولا تصاريح إدارية تطمن !

سكتم بكتم !

قسماً بالله اني تمنيت ان الهلال يخسر من الشباب ، والله تمنيت !

علشان يعرفون مره ثانيه يجيبون مدربين ولاعبين صح !

وعلى شان ما احد يتهمني !

قسم بالله اني عاشق ومتابع للهلال من ايام الثنيان والتيماوي وابو اثنين وسامي ونواف وصفوق !