نادي الهلال السعودي - شبكة الزعيم - الموقع الرسمي - إلى متى [ جرآة هاسيك + الحضور الجماهيري ]

السلام عليكم ورحمة الله وبركاته ..
× بدون مقدمات ×
اعتقد الكل شاف مباراة الهلال والشباب في الريااض ..
انا اشوف ان جمهور الهلال في دبي اكثر من الرياض !! وش صار فيكم ..

يعني لهالدرجة مو راضين عن الزعيم رغم انه اخذ بطولة ولي العهد الإعتراف بالأخطاء لن تبقيك يا هاسيك !!
صحيح انك اعترفت بالأخطاء بس هذا ما يشفع لبقائك داخل الكيان الآزرق صدقوني هاسيك قالب الهلال حقل تجارب ومغامرات .. ياخي ادرس الخصم مزبوط وحط تشكيلتك الي تتوقعها راح تفيدك وقارن كل لاعب مع اللاعب الي راح يغطيه انا شفت خيرات يغطي سياون في المباراة ورغم كذا كنت اشوف ان سياون يتخطى خيرات في كل الهجمات حتى اني لاحضت المرشدي غير مكانه مع خيرات وفي لمحة البصر المرشدي يجلي والسبب انه يبيها تجي عند رجله عشان يسدد ياخي الكورة ما راح تجيك انت روح لها !! وفي اغلب الكرات كان الغنام يسد الدفاع بالكامل ما قصر صراحة وانا اعتبره قلب الدفاع الثالث في المباراة بإختصار ( 1-4-5) وما قصر الغنام ولا ننسى فضل المرشدي في الهدف الاول للعربي قفز عاليا وزبطها للعربي يسلم راسك يا مرشدي .. و لغم الرشاش يا عربي :)
الهلال بحاجة لمدافعين ابطال امثال ( وليد عبدربه + تفاريس + القاضي + هوساوي + كامل الموسى )
نبي لاعبين يدافعون عن المرمى بكل قوتهم نبي لاعبين ما يخلون اللاعب يتعداهم نبي صخرة بالدفاع ما نبي ناس مايعين بالدفاع !!
اهني الزوري على عودة مستواه ومن افضل الى افضل و نامي كلنا منتضرينك والله يقومك بالسلامة يا عزوز الدوسري ..
اشتقت لمهارة التايب .. اشتقت لرفعات رادوي .. اشتقت لسرعة ويلي هامسون .. اشتقت لتسديدات نيفيز .. اشتقت لرئسيات القحطاني .. اخ بس يا هلال كوزمين
اتمنى من كل قلبي ان الادارة الهلالية تراجع نفسها ..
تشكيلتي المتوقعة لمباراة الاتحاد في كأس الملك "الذهاب" ..
حسن العتيبي
الفرج - المرشدي - هوساوي - نامي
الشلهوب - ويلي - العابد - هرماش - القرني
العربي

× سبب اختياري للفرج هو إراحة الزوري
× سبب اختياري لنامي هو العودة لجو المباريات
× سبب اختياري لويلي هو العودة لجو المباريات
× من ناحيتي اتوقع المدرب يستعين بالكوري بديل للعربي لإراحة العربي قليلا ..
مع اني اتمنى هاسيك يلعب بكل جدية للعب في دور الآربعة امام الأهلي
صحيح فرصتنا ضعيفة في كأس الملك بس بأذن الله الواحد الأحد نختمها بالكأس لأول مرة في تاريخ الهلال
~~~~~~~~~~~~~~~~~
اهني الاهلي على جمهوره :( .. رغم انه ما اخذ بطولة كأس ولي العهد ولا اخذ بطولة الدوري ..
جماهيره واقفة معاه .. وهالحين انا جالس اشوف مباراة الاهلي والنصر الإماراتي الملعب فل ..
واما انتوا فرحانين في كأس ولي العهد ورغم كذا ما تحضرون ..
كلمة اخيرة للإتحاد .. قسم الملعب 95% لكم و 5% لنا .. لان الجماهير ما راح تحضر للإسف
انا من سكان مكة المكرمة ولو اني بالرياض ما راح افارق الملعب وانا بأذن الله اول الحاضرين في مباراة الإتحاد ..
وبإذن الله راح اناقشكم المرة الجاية عن اسباب قلة عطاء اللاعبين داخل الملعب !!

وصلى الله وسلم على سيدنا ونبينا محمد .. ( صلوا عليه )
وألقاكم مجددآ في وقت آخر