|
الدقيقه 52 كشفت ( علة ) الزعيم حينما استخف خيرات ( ضاحكا ) بقرار مدربه !! بسم الله الرحمن الرحيم وانا اتابع اعادة مباراة الزعيم والشباب الاماراتي شاهدت حركه اكدت لي بما لا يدع مجالا للشك ان الزعيم في ( ورطه فنيه ) !! لقد كشفت واكدت هذه اللقطه لمن يريد اصلاح ما يمكن اصلاحه ان الزعيم يعيش في ازمه !! اللقطه يا ايها القائمون على شؤون الزعيم تختصر كل الاشياء لتريكم العله ( بالصوره المتحركه ) ان هناك خلل كبير في منظومة الزعيم !! ففي الدقيقه الـ 52 عند تغيير خيرات بالكوري ( سخر ) خيرات من قرار مدربه بابتسامة ( الاستغراب ) !! وهذا معناه انه غير مقتنع بقرار المدرب ! وهذه القناعه لم تأت من فراغ !! اما انه غير مصيب فتلك ( مصيبه ) !! اين دور المدير الاداري ؟! وإما انه مصيب فـ( المصيبة اعظم ) !! فعدم اقتناع لاعب هو في الاساس احتياطي ( متعود ) !! فما بالكم بشعور النجوم الاساسيين تجاه المدرب ؟! اخطر ما يواجهه اي فريق عمل حتى في غير الكره ازمة عدم الثقه في القائد الذي يرسم الخطط وينفذها اعضاء الفريق التابع لهذا القائد !! لان المصير هو عدم تنفيذ التعليمات !! عندها ( تضيع الطاسه ) !! |
وين لقطة خيرات كنت حاضر بالملعب بس ماشفتها نظراً لبعد المسافة ... ! ياليت اللي عنده اللقطه يحطها لنا هنا مشكوراً اما من ناحية ماذكرته في موضوعك اخوي ، للأسف اللاعبين غير مبالين لا بإدارة ولا جهاز فني ولا جمهور والسبب هو الدلال من الرئيس مافي قوة شخصية .. ومافي عقاب كل اللي نشوفه هو مكافأت ومدح وثناء ودلال ويعطيك العافيه اخوي ع الطرح |
والله ان الطاسه ضايعه واخاف مايحصلونها |
الله يستر على الزعييييييييييييييييييييييييييييييييييييييييييييييم |
أنا توني شفتها بالإعادة بعد بس اللاعب باين انه غير مقتنع بقرار المدرب يمكن يحس انه مستواه جيد وهو و يا المرشدي و الغنام صايرين هايوي |
انا كنت جدآ مستغرب من تبديل خيرات بـ الكوري بيونغ سو و اتوقع ابتسامة خيرات كانت سخرية من تبديل هاسيك هههههه |
ياليته على كذا البلى مافي جمل تكتيكية ومافي استراتجية في انهاء الهجمه .. !! |
للاسف خيرات نقطة ضعف بالفريق ولا يطور نفسه مايقدر الا يشدد اللاعبين وتغيير المدرب له ممتاز للأسف حال الزعيم لا يسر ابدا |
خيرات عنده كرت اصفر وارجع شف ليش سببب الكرت كره ميته بالنص يروح يسحب الاعب خيرات مافي خبره وافضل انه بدله |
مو بس خيراااات يبغاله تغيير كل الهلا مع الاداره يبغالهم نفظ رايحين فيها بس اهم شي نطلع الافريقي وتصير رد عليهم من الموسم الي راح هذا الي اتمناه وبالنسبه ابطال اسيااا من جدكم بالعقلانيه بتقابلوون الفرق الكوريه واليبانيه والايرانيه بالمستوى هذا وبالمدرب هاسيك الفاشل على فكره مدرب هاشيك سمعت انه بيتعاقدون معه فريق برشلونه مدرب عظيم هاسيك وحتى خيرات يضحك عليك ياهاسيك والله انت رايح فيها اهم شي مباراه الهلال والاتحااد رد اعتبار بس هذا الي اتمناه وله جزيل الشكر وبوسه على صلعه هاسيك وغيرها مانبي لانه ماكو امل الهلال في تخبطات واللعيبه سهر اخر الليل وفول ومعصووب واذا طب الملعب مافي تركيز والا داره متكتفه مدري وش ذا الاداره ... عموما كل الكلام الي قلته حصل مع جارنا النصر وبعده تتحدر للخلف الله يسنر ليكون حنا بنلحقهم الله يصبرك ياجمهووور كنا كل يوم نفرح ببطوله والحين نفرح بتعادل والا هدف واحد الله يصبرنا ... محبكم دمي غذاء للزعيم |
المدرب هاسك سوف تتم اقالته لاكن بعد خراب مالطا بعد نتيجه كوارثيه من الاتحاد ساعتها تتحرك الاداره الموقره وتقيله 0هذه الاداره لاتتعلم من اخطائها من المفروض انه من بعد مباراة الشباب البارحه تتم اقالته فوراً قبل يحدث ما لاتحمد عقباه لاكن ادارة الاسثمار خايفه من دفع الشرط الجزائي 0انا اراهن على ان هسك ماراح يكمل مابقي من الموسم لكن بعد تطير الطيور بارزاقها وذكركم0 |
انا شفت اللقطه وخيرات يستاهل من الاساس مايلعب اساسي والمدرب معاه حق في التغير |
:rose: انعدام الثقة بين المدرب والاعبين هو بداية لحلول كارثة ستعصف بالأزرق الملكي - لاقدر الله - الهلال يعاني فنياً ونفسياً وادارياً واستمرار المفلس هاشيك هو استمرار كبير للمشكلة الزرقاء حالياً .. فطرده هو حل لنصف المشكلة مدرب مفلس ، ولاعبين غير مباليين والضحية .. تاريخ الهلال وجمهوره الكبير اي كارثة هلالية مقبلة تتحملها الإدارة لمكابرتها في طرد المفلس هاشيك الله يستر من الجاي .. والله يسهل ويعين |
حسن خيرات بداياته كانت جيدة كنترول وهدوء ، لكن للأسف أقدر أقول خرب خيرات بعدها مدري من اللي خربه ، هو غرور والا اش الحكاية.؟ مستواه ضعيف ومهزوز. أما حركته وحركة صديقه الحميم محمد القرني يوم تهور في الدقيقه 90 بارتكاب خطأ خطير كاد يعصف بالفريق. تدل على اللامبالاة والاستهتار؟ أشوف اللي حاصل إشكال إداري، يحتاج حزم أكثر مع أمثال خيرات والقرني وغيرهما، يبيلنا مدرب قوي شخصية + إدارة كرة جديدة. الله يذكرك بالخير يا منصور الأحمد . سامي يصلح في الإدارة ، يحتاج الأمر إلى تجديد في الإدارة توري اللاعبين العين الحمراء، مللنا من التسيب والملاحظات على بعض اللاعبين من التفلت والسلوكيات تحتاج لصرامة. بعدين وين إدارتنا عن الزج بفواز فلاته اللي أخاف بكره يسرحونه كالعادة؟ ووين شافي الدوسري..................؟ شئ محير بالفعل......؟ |
خيرات يبتسم من قوة واسطة الغنام .. لانه عارف ان خروجه بيرجع الغنام سنتر |
| الوقت المعتمد في المنتدى بتوقيت جرينتش +3.
الوقت الان » 12:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd