في بداية الموسم ( الاعبين مادخلوا اجواء المبارايات ) نهاية الموسم ( الاعبين مرهقين ) الى متى ؟؟ - نادي الهلال السعودي - شبكة الزعيم

Ĝeηtℓe Ḿαη · #1 19/04/2012, 02:00 AM

الي شاهد مباراة الأمس مع الفريق الأماراتي
يقول صعب نتخطى دور الـ 16 من البطولة الآسيوية وحتى كأس الأبطال راح نطلع من اول مباراة يمكن انا متشائم بس هذا الصحيح ،،

للياقه الاعبين سيئه للغايه مافي ضغط على الكورة فزنا بمجهودات فرديه بحته والمدرب ماله فضل فيها ،، اهم شيء في كرة القدم اللياقة البدينه مفقوده لاحد يقول لي
( روح الاعبين مفقوده )
اذا الاعب مافيه للياقه مستحيل يقدم شيء لو عنده افضل روح ،،
وهذا ماشاهدناه من بدايه الموسم

الأعداد سيء

تذكرونا مباراتنا مع الشباب ثاني مباراة بالموسم
الجميع توقع راح نخسر وخسرنا المباراة ليه ؟؟

لان فريق الشباب تم اعداده بالشكل الصحيح ،،
لم كان غريتس ماسك الهلال اول موسم وتم اعداده بالشكل الصحيح كان رتم الهلال من بداية الموسم الى اخره برتم واحد حققنا الدوري وكأس ولي العهد ونهائي الأبطال خسرناه بركلات الترجيح وتخطينا دور الـ 16 بقوة ورتم عالي عالي ..

لان الأعداد كان بشكل صحيح

الجميع شاهد سامي الجابر واضح حزين على الهلال لاكن دائما سامي يدافع عن الهلال مستحيل يفتح النار على الأجانب او المدرب ( لازم يدعهم )

رجاء الوحيد

اتمنى من ابو فيصل وهذي اخر مره اقولها

( انقذ الزعيم من تخبطات هاسيك )
المدرب هذا
( زاد الطين بله )

لم كان توماس دول موجود يتحمل مسوؤليه كل مايحدث لانه تم اعداد الفريق بالشكل الخطا لاكن ياربي لك الحمد لله
افتكينا منه من مباراة الأهلي وارتفع الرتم واستعاد الزعيم عافيته وحققنا كأس ولي العهد بدون الأجانب ..

لاكن الأداراة اخطاءت للمره الثانيه وتعاقدوا مع المفلس هاسيك
وهبط الاداء ورتم الهلال والى الآن الزعيم يعاني ..

ماذا لو الهلال طلع من البطولة الآسيوية وكأس الأبطال وتم اقاله هاسيك
وش الفايده ( طارت الطيور بارزاقه )

كلنا نعلم انا سامي الجابر رافض تدريب الزعيم بس والله صدقوني لو ابو فيصل
يطلب من سامي انه يمسك زمام الأمور ويقيل هاسيك والله فلا يرفض له طلب
لان سامي محب للزعيم ولـ ابو فيصل .

تكفي ياابو فيصل انقذ الزعيم ولا تأخر مثل مافعلت مع توماس دول
وطار علينا الدوري .

الجميع يخطي لاكن الرجل الناجح لا يكرر الخطا مرتين
"لا يلدغ المؤمن من جحر واحد مرتين"

اتمنى التوفيق للزعيم في مبارياته المقبلة