بسم الله الرحمن الرحيم


السلام عليكم وحمة الله وبركاته


وانتهى الموسم وجاء دورنا كجماهير هلاليه لـ تقيم العمل الفني والاداري


نبداء بالاداره واخص بالذكر الامير / عبدالرحمن بن مساعد .. والامير / نواف بن سعد

الامير عبدالرحمن من قبل بداية الموسم وهو مجتهد ومو مخلي شي ناقص على النادي يعطيه العافيه , هو قد يكون حاد في تصريحاته على الاعلام بس مانشوف هذي الحده موجوده داخل النادي على عمل المدربين دول وهاسيك الان وقبلهم كلهم مانشوفه يناقش الكابتن سامي الجابر اللي بصراحه مانشوف له ولا حسنه من يوم جاء للهلال .
يعني الامير / عبدالرحمن بن مساعد . هيبته خارج النادي على الاعلام واحنا نتمنى وجد هيبته في النادي


الامير / نواف بن سعد . اللي اعرفه نائب رئيس بس ماادري وش دورك . بس نشوفك طال عمرك مرافق الفريق دايم


نجي للكبتن سامي الجابر / منذو قدومك للهلال تتغني بك الجماهير والى الان تتغنى بك بس ودي اعرف وش حققت من انجاز يمكن لانك سرحت عمر الغامدي واتيت بالجيزانى يمكن لانك طفشت الدعيع البن اعتزل يمكن لانك طفشت عزيز اللي مو منظبط يمكن لانك ورا انتقال ياسر للعين وهو مبدع معاهم اللحين يمكن لانك جلبت المغربيين ويمكن لانك جبت الفلته الكوري ويمكن عشان قهرت النصر وجبت سعدهم ويمكن لانك جبت هاشيك وعطيته قايمه باللي يلعبون وخليت الفريدي احتياط عشان قال احنا بزمن احتراف والى الان جاري تطفيشه
سوال اخير للعقلاء .. وش ورا تدهور مستواى اللاعبين فنيىآ وليه اللاعب مانشوف فيه حماس داخل الملاعب هذا الموسم .؟
دول وربي مجتهد وحرام يروح بس كان محارب زي ماطلع وقال في احد القنوات
هاشيك مايدري وش الطبخه طاردينه الاهلى الاماراتي ومالقى نادي قال نجيبه سامي مثل ماجبنا كالديرون الموسم الماضي


اللاعبين


هذا الموسم مافي الا الشلهوب . الفرج . البيشي .

الباقين حرام فيهم الهلال

امنيات :

اتمنى سامي الجابر يوقع مع اي نادي اوربي مثل مايقول ويترك الهلال

اتمنى سامي مايمسك الدفه التدريبيه بالهلال

اتمنى عدم القسوه على الفريدي واعطاءه حقه

اتمنى تسريح الغنام والكوري والعربي وويلي

اتمنى عودة ايمانا وياسر

اتمنى حضور اداري وهيبه داخل النادي ومحاسبة المقصر

اتمنى الحناكي او الناقور يستلم نائب الرئيس

اتمنى تكونون واقعيين في ردودكم



s13s