|
دفاع الزعيم بعد انتقال اسامه هوساوي ،، اتمنى من ابو فيصل يسمع نداء الجماهير الهلاليه هذا الاعب افضل خيار متاح بعد خبر انتقال اسامه هوساوي الى اندرلخت البلجيكي المفأجاء اشوف اغلب الجماهير مو مصدقه وانا منهم ويمكن الأغلبيه يقولون ( كوبري ) انا عن نفسي ما اعتقد انه كوبري لان اسامه هوساوي مو محتاج لهذا الكوبري لان بأستطاعته الانتقال الى اي نادي يرغب محليا" او خارجيا" بدون الرجوع لنادي الهلال لاكن ماهو هذا موضوعي انا بتكلم عن خط الدفاع بعد ( اسامه هوساوي ) قبل سنتين ما اتصور الهلال بدون هوساوي مدافع فيه كل الصفات الموجوده لقلب الدفاع ،، لاكن موسم عن موسم مستواه بأنحدار مثل جميع الاعبين السعوديين .. بعد هذا الموسم انا ماني متندم على هوساوي شاهدنا دفاع الهلال كل مباراة من سيء الى اسوا بوجوده او غيابه دفاع الهلال بخير بأذن الله مكان هوساوي فيه قلوب دفاع مستقبل الهلال ( رضوان الموسى ، فواز فلاته ) بأذن الله اذا اعطوا الفرصه راح تشاهدون هذا الثنائي بس اتمنى من اداراة الهلال ياليت مره وحده تسمع نداء الجماهير الهلالية وتطلع ( الريال ) وتجيب لنا لاعبين ماهم ( رجيع الأندية ) افضل قلب دفاع يمكن نفكر فيه ( يحيى المسلم ) انا شاهدت هذا الاعب في اكثر من مباراة دفاع صلب ( طويل القامه ، سريع مو مثل المرشدي بطيء ، هداف وهذا ما افتقدناه في الكرات الثابته ، وصغير بالسن ، ويلعب بالقدم اليسرى ) افضل خيار يكون بديل المرشدي مانبي لا سياف البيشي ولا ماجد بلال ماهم بمستوى الهلال (إن أحسنت فمن الله، وإن أسأت أو أخطأت فمن نفسي والشيطان) ( راح صالح النعيمه اسطورة قلب الدفاع والزعيم باقي بالمنصات شامخ ) الي يسمع بعض الجماهير يقول اسامه هوساوي جايب لنا آسيا بالتوفيق لزعيمنآآآ :alzaeem: |
كلامك سليم 100 % مدافع صلب وهداف .. والهلال يحتاج مدافع بدال طيب الذكر ابوكلبشه يعطيك العافيه .. |
يحيى المسلم مهم جدا ليكون مكان المرشدي ولكن اعتقد أن الاداره سيكون خيارها الاجنبي القادم مكان أسامه وهذا سيؤثر على الفريق لا نريد أن نجلب محترفين بالدفاع نريد أستغلال الاجانب في اماكن يحتاجها الهلال مثل صناعة الالعاب والمحور والهجوم أتمنى أن يتم تجربة رضوان الموسى وعبدالله الدوسري و فواز فلاته للوقوف على مستواهم لتحديد أمكانية الأستعانه بلاعب أجنبي بهذه الخانه و عدم التسرع بالتعاقد مع اجنبي قبل تقييم أداء هؤلاء اللاعبين |
لمن يقول المسلم مدافع صلب ارجع لمباراة الرائد أمام الأتحاد تجده يفتقد لاهم ميزات المدافع الصلب وهي الهدوء وحسن التغطيه لمهاجم الخصم ,بعكس سياف فقد وصل لعصارة الخبرة وثباته في دفاع الإتفاق خير دليل لجدارته والهلال بعد احتراف هوساوي يحتاج باقي مدافعيه الشباب لمثل خبرة سياف ,وحتى بلال سبق له تمثيل المنتخب حتى فترة قريبة وله مواقف تدل على صلابته. |
ياااااااااااارب وفق الاداااااااااااره لحسن الاختيااااااااااار.... مشكوووووور..... |
يحي مسلم بقوة تكفي يابوفيصل لا يروح علينا |
الله يكتب الي فيه خير:alzaeem::alzaeem: |
بعد تفاريس استبشرنا باسامه لكن الموسم هذا قدم اسوأ مواسمه ورحل الهلال بحاجة الى مدافع أجنبي + مدافع محلي بدال النكبات بالفريق |
كلامك سليم من ناحية تأثيرسماسم .. صدقني ما راح يتغير شئ من العام مستواه نازل .. طلعنا مرتين بسببه هو يحيى جيد .. لكن الاجنبي المدافع لابد منه مع تصعيد رضوان واعطاء الفرصه لفلاته فلاته محد عارف وضعه اسمع انه لايزال مو متأقلم مع الفريق 3 مدربين ولا واحد لعبه لو شوط نشوفهs13s |
اتركوا عنكم رجيع الأندية واذا طلبتوا اطلبوا بمستوى عالي ارفعوا رؤوسكم فوق نريد دفاع أجنبي أفريقي طويل لا يقل عن 190 بديل أسامة |
لايوجد مدافع يعوض غياب هوساوي الا مدافع اجنبي لكن ليس المشكلة في هوساوي الذي لايعوض المشكلة لازم كذا نحتاج مدافعين اجنبيين وليس واحد لان لا المرشدي ينفع ولا خيرات ينفع ولا حتى الصغار بالاولمبي يصلحون الله كريم الهلال سىء دفاعياً |
الهلال يحتاج مدافع أجنبي وذو بنية جسمانية تجعله يستطيع مقارعة أطول واقوى المهاجمين ويجيد تخليص الكرات العرضية وهذا لايوجد في اي مدافع سعودي للاسف حالياً |
اي يحي مسلم أي خرااابيط والله الدوري كله مافيه مدافع صاحي اذا الهلال يبي يعوض اسامه لا زم يشوت حسن خيرات بصراحه خيرات لااااااااااعب فاااااااشل ما يعرف يركش ولا يتمركزولا يباصي |
ياليت الادارة الهلالية تجيب ها الاعب |
يجب على الادارة التعااااااااااااااااقد مع مدااافع اجنبي وتجيب بعد يحيى المسلم والله يكتب اللي فيه الخيرررررررر للزززززززززعيم |
| الوقت المعتمد في المنتدى بتوقيت جرينتش +3.
الوقت الان » 07:05 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd