وانت ياسامي من جلب لنا بطولات اسيا وجعلتنا نتزعمها ونتربع على عرشها عقد من الزمن ونيف وانت من جعلت من منتخبنا عالمي يقارع العالم ..

ومن جاب قريتس يابطل غير سامي .... لكن لو ينزل فريقنا درجه ثانيه والسبب كان سامي على قلوبنا مثل العسل ويكفي انه شايل حمل الفريق اكثر من عشرين سنه ما بين لاعب واداري وصال وجال به جميع المحافل ورفع رؤوسنا فوق .. وبسبب موسم واحد الله عليم بالضروف اللي مرت على الفريق لو مرت على فريق برشلونه لاصبح ترتيبه الرابع عشر .. وسؤالي المهم هو لو ان الله اكرمنا وجبنا اسيا هل ياترا بتنصف سامي وتنسب الفضل له بذلك بعد الله ؟؟؟؟

والله ياليت حااااااسكـ مااادري هااااااسيكـ يشتغل سباااااااكـ يمكن يفهمـ فيها اكثر

من التدريب........

نقد الجهاز الاداري والفني من قبل جمهور الهلالي بشكل قوي يضع حدود يجعل الإدارة تحاسب نفسها كثيراً لان هناك جمهور قوي ،،، وهذا مالم يكن الجمهور الهلالي يفعله طوال السنين التي مضت ،، فكنا نجامل بعض كبار الهلال ونغطي بعض العيوب ولكن الآن لابد من أن يكون الجمهور الهلالي هو اول من يحاسب قبل الإعلام،،

وأكرر شكري للجميع

السباك فنان ومهندس اما هاسيك لاهو مدرب ولا سباك فقط متخبص ولو فيه خير ماعفه الطير الله يعفو بس

السلام عليكم ورحمة الله وبركاته
أنت تقول ومن جاب قريتس يابطل غير سامي نعم سامي ولكن في المقابل لم يحالفه التوفيق بعد جلبه لقريتس بأشياء كثيره ذكرتها لك سابقا واعيدها لتذكير ( كالديرون + الكوري السابق سول + هاسيك + الكوري الحالي + سعد الحارثي الذي لم يقدم له عرض من أي نادي اخر في المملكه حتى نادي النصر نفسه لم يقدم له عرض سوا راتب شهري 20 ألف ريال دون مقدم عرض) .

أنت تقول ويكفي انه شايل حمل وهم الفريق اكثر من عشرين سنه ما بين لاعب واداري وصال وجال به جميع المحافل ورفع رؤوسنا فوق .
أقول هل الهلال قبل سامي لاعب وإداري لم يكن شيئا مذكورا ؟؟؟؟ اترك الجواب لك .

ايضا أقول طالما سامي (حسب كلامك) شال هم الهلال أكثر من 20 سنه وهذا صحيح . الان يفضل ان يترجل عن فرسه ويترك المجال لغيره لينالوا شرف حمل وهم الهلال مثل ( صالح النعيمه + يوسف الثنيان + منصور الأحمد الذي بعهده هو وصاحب السمو الامير محمد كان عهد الزعيم ذهبي + والقائمة تطول واسماء رجالات الهلال الذي يتمنوا هذا الشرف كثير جدا لاحصر لها )

انت تقول لكن لو ينزل فريقنا درجه ثانيه والسبب كان سامي على قلوبنا مثل العسل..
ياشيخ عشان شخص واحد هانت عندك ملايين من عشاق الزعيم . وهذي الملايين حسب ماعودها الزعيم تتمنى البطولات والمنصات . وتقول ننزل درجة ثانية وعلى قلوبنا عسل . الهلال كيان ولولا الله ثم الكيان لم نعرف سامي ولاغير سامي ..

أخيرا لا انكر مجهودات سامي وتفانيه لكن ان الاوان ان يترك المجال لغيره والافذاذ والمخلصين كثيرررر .
تقبل مروري وسلملي على الحارثي والكوري

والله انه سباك هو ورئيسه

ماراح نحقق شي بوجود الاداره هذي

الحين سامي راح فكره لمصطلحات والقاب تطلق من الجماهير

وترك الاهم هو وضع الفريق ومستوياته السيئه وتخبطات الاصلع السباك

اسف اقصد السيد هاسيك، يمكن يزعل سامي من سباك واصلع

اقول لا هاسيك ولا دول ولا سامي




البلا في التعاقدات .. لاعب وسط ماعندنا صانع لعب الا الشلهوب !ّ! وان مالعب طلع فريقنا كنه فريق نادي صافيو

والمهاجمين عندنا مهاجمين ياحلوهم يازيـنهم ماشاءالله يهبلون ... وش هذا ياأداره اتحتفونا بالمهاجميـن

والمحور وقلب الدفاع عندنا مشكلـه

بهذا الفريق لو يجي مورينهو ماسوى شيء ...

عندنا لاعبين مهاريـيـن ولو كان معاهم لاعبين صدق لاعبين .. وتكانه .. كان شفت الفريق مو يقول الكايد احلى ونسوي مثل السد

ياعمي افلقني ان جبت الاسيويه.. ولا ان جبت اي بطوله الموسم هذا او الموسم الجاي بذا الفريق .. وسلامتك

اتمنى ن السيد هاسيك أن يقرأ رأي الجماهير فيه،، اعتقد سوف ينهي عقده بيده ،،،،

اللي آختآآر الكووري بالهلآآل .. هو حتمآآ (( سبآكـ .. )) وشكرآ

انت تشجع سامي الجاابر ؟؟ (( آنا اشجع الهلال )) لا والله يروح سامي ولا يهبط الهلآآل .. !!

آول بهذلتونا بمشجعي ياسر .. ووالله على قلبي مثل الجمر .. !! وشكر|آآ

اهم شئ لآيزعل سآميَ ،،

شبآبَ رقوه لمهندسَ :yes:

اولا شاكر لطفك وذوقك وأدبك بالحوار .. ثانيا كالديرون جاب بطولتي ولي العهد والدوري العام الماضي وآسيا مشكلتنا النفسيه هي من اضاعها امام الاتحاد وضروف الاصابات التي صادفت مبارياتها ولا لسامي بها اي علاقه والكوري الحالي هداف منتخب كوريا وقبل مجيئه الكل كان يتمناه والتوفيق وعدمه علمه عند الله والحارثي لاعب من الطراز الكبير الذي يتمناه اي مدرب ومن الخطأ انك تحكم عليه وهو لم يشارك الا دقائق معدوده خصوصا ان حال الفريق هذا العام لا يساعد على الانسجام والتأقلم بحكم عدم ثبات الفريق على تشكيله واحده وحال الحارثي كحال العربي والمحياني ولك بويلهامسون خير مثال بمستواه السابق وهذا العام .. اذا الكل معذور بما يحدث من جراء ما حصل من ارباك بما فيهم الاداره والمدربين خصوصا ان الكل اجمع على ان جدولة المباريات هذا الموسم وتخبطات الاتحاد السعودي بتقديم وتأجيل المباريات واختيار لاعبي المنتخب وارهاقهم وايضا اختيار اللاعبين الاجانب كالعربي وهرماش وهم لاعبي منتخب ونسيان اننا سنفقدهم اغلب مباريات الدوري واللاعب ايمانا الذي فرحنا بتعاقدنا معه ولكن عقليته الصغيره احرجت الاداره ومن ثم الفريق خلاف اننا نحن كجمهور قاسي ومتسرع من اول مباراة تجدنا ننتقد اللاعب والمدرب ناسين او متناسين ان المدربين تحديدا عندهم من الخبره والعلم والدرايه ما يؤهلهم لقيادة منتخبارت وفرق تفوقنا قوة ومكانه ومتناسين ان دور المدرب لا يتجاوز 30% من تأثيره على نتيجة المباراة و30% على الادارة و30% على اللاعبين و10% للتوفيق والحظ كل ذلك حصل ورغم ذلك حققنا بطوله ونافسنا على الدوري لاخر جولاته وكنا قاب قوسين او ادنا لولا ارادة الله ثم الاخطاء التحكيميه التي تعرض لها الفريق وحضوضنا بآسيا ما زالت قائمه بل وكبيره وهذا لا يمنع ان فريقنا يحتاج عمل وعمل كبير لتحقيق ما تصبوا له الجماهير العريضه وانا وانت احدهم من تقدم وازدهار وصعود للمنصات وتحقيق الالقاب .. اسف ع الاطاله شكلي استرسلت بالحديث حيث ان الحديث عن زعيم نصف الارض بالنسبة لي لا ينتهي وليس له اخر شاكر لك مره اخرى لطفك ان اصبت فمن الله وان اخطات فمن نفسي والشيطان ورحم الله عبدالرحمن بن سعود حين قال اختلاف الراي لا يفسد للود قضيه .:rose: