|
اقولها وبالفم المليااااااان ياهلااااال رغم النتيجه المخيبه للآمال السلام عليكم أخواني الهلاليين اكتب لكم بعد نهاية المباراة وكما رأى االجميع مستوى الهلال وكأن المباراة لاتعني له شيء أبداً ولسان حال اللاعبين والإدارة يقول (( طار الدوري علينا إذاَ علينا التفكير بالموسم القادم والدليل تصريح حسن العتيبي بعد المباراة حينما قال : المباراة تحصيل حاصل ؟؟؟ لان الهلال متعود على تحقيق البطولات فقط !!!!!!!!!!!!!!! )) وكأن فوزهم بأكثر من ثلاثة أهدااف لايمنحهم المركز الثاني ؟؟ اقولها لكم ياهلاليين حتى لو كانت نتيجة فوزكم على الاتفااق وهزيمة الاهلي (( اللي مايآكل بيده لايشبع )) .. يفترض أنكم أعطيتوا المباراة حقها من الجهد وكأنها مباراة بطولة الدوري كونها تبقي أملكم في الحصول على االمركز الثاني لتضمنوا التأهل لبطولة آسيا على أقل تقدير رغم أن هذا الموضوع لم نفكر في يوم من الايام كهلاليين أن يكون مطلبنا وأملنا ولكن (( قدر الله وماشاء فعل )) .. بصراحه أنا شاهدت شوط أول هزيل وشوط ثاني ليس عنه ببعيد وكان بإمكان الهلال تحقيق نتيجة افضل لو تعامل اللاعبين بجديه مع المباراة لاسيما أن الشوط الأول انتهى بين الشباب والأهلي بتقدم البطل الشبابي ولحق به الاهلي بالتعادل الغير عادل ولكن كانت أهميه المباراة في تسجل أكبر عدد من الاهداف وهذا الأمر يخدم الهلال للحصول على المركز الثاني ... ولكن حدث العكس ... وااااااااااااالله يستر من القااااااادم ياهلااااااااااااااااااااااااااااااااااااااااااااااااااااااال ولكن نحن نعيش بإنتظار مستقبل هلالي زاهر بلاعبين على شاكلة الغنام وغيره!!!!! ... |
اليوم لو فزنا او انهزمنا ماتفرق يعني لو فزنا مع تعادل الاهلي والشباب راح نبقى الثالث ولابد من الاجتهادات من الحين والاستعداد للموسم المقبل |
استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار استثمار والله تعبنا من هالكلمة ماعاد فيه صفقات محلية تبرد القلب مادام هالادارة مستمرة احلمو بصفقات محلييية انتهى الدوري والهلال المركز الثالث فعلا كان موسم اثتنائي يابن مساعد !! |
متعودين من اللاعبين هذا البرود وخاصه باخر الوقت لاعبين ماعندهم اي احساس باهمية المباراه وياليت لايطلع لنا الرئيس ونائبه ويقولون اللاعبين معذورين عندهم ضغط مباريات ما صار البرود هذا عند اللاعبين الا باعذار الاداره واقول للاعبين الهلال جهزو نفسكم السنه القادمه تلعبون مع الكويت الكويتي والفيصلي الاردني والمشكله يتشرطون ويبون ملايين في عقدهم |
ياخي يرفعون الضغط مايبون الثاني خلاص بطوله راحت معاد تقاتلون على الثاني اللي يأهل لاسيا مسوين ضامنين كاس الملك لكن مدام فيه الغناام والزوري والمرشدي ردد تنافس على شي اااخ بس ليتني الرئيس |
حبيت اوضح لصاحب الرد الأول اليوم الهلال لو فاز والاهلي متعادل يكون الهلال الثاني |
حتى الجمهور مخيب للآمال كل شي في المباره يرفع الضغط |
احسن الله عزاكم في طموح الزعيم خلاص مات دام هذا رد اللاعبين |
الحل اقالة هاسيك لانه فاااااشل ومعاه راح نفقد كل شي الا سوال ليه الوقت بدل الضايع4 د ؟؟؟؟؟؟؟؟ بس الحمد لله الدوري للشباب والا كان قهري زاد الف مبرووووك ل لليوث |
الله يرحم زمان اول يوم اللاعبين يحرثون الملعب ويحترقون عشان الشعار الي لابسينه لكن وش نقول عن جيل اللاعبين هذا ؟ |
اقول لازم اقاله. المدرب هاسيك قبل مباراه الشباب والله لو بقى هاسيك على الهلال السلام |
افضل شئ لعدم التاهل لاسيئاء لاننا غير مؤهلين لهذه البطوله نادينا للاستثمار وتحقيق مكاسب شخصيه |
الهلال بلا طموح من المدرب مرورا بالاعبين والاداره الفوز يمنحهم المركز الثاني يعني مشاركه مضمونه في آسيا ولكن يبدو انهم بدأو يخافون من آسيا حالنا يسير على منوال الجار ابن مساعد قاعد يستثمر في الهلال ولايهمه لا آسيا ولا غيرها |
انا ما اكتب بالمنتديات ابد بس ثاني مشاركه لي بمنتدى الهلال والي حددني اني اكتب القهررررر الي صاااير فيييييني قسم بالله الهلال السنه ذي يلعب مع كل الفرق بمستوى واحد يعني اتمنى اشوف قوته على فريق حتى لو ترتيبه 14 تلقاه يفوز بطلعة الروووح واقول لابن مساعد تعلم من البلطان بس وخلوووكم من التجاره بس واجل حسن العتيبي تحصيل حاصل هاه آآآآآآآآآه بسسسسسسسسسسسسسسسس ابي اللعيييبه يلعبووون للقميص الي هم لابسييييينه هاسيك لم عفشك بس لانك ما حطييت الروووح في الفرييييق |
بغض النظر حتى لو مانحصل ع المركز الثاني مايكون فيه استهتار كذا .. وبعدين كله كوم وتصريح حسن العتيبي كوم .. وش هالكلام الفاضي وش هالتصريح ماحنا مركزين وداخلين المباره مافيه دافع !!! ياحسن لو فزت بفارق هدفين كان الحين المركز الثاني ومتاهل لاسيا ع طول .. شوف عندك الاتفاق اللي ماعنده اي دافع وشوف كيف حارسه بدع وانقذ الاتفاق من اهداف بالكوم .. اللاسف حسن العتيبي هذا شايف نفسه كثير وحرام يلعب في الهلال في وجود شراحيلي والشمري وغسلت ايدي منه من يوم قال الموسم اللي فات انه مستغرب ماله صوره في نادي الهلال وهو من اكبر اللاعبين في النادي ..لاعب جدا مغرور هدفين اخطاء قاتله من حسن وبكل بروده وخصوصا الهدف الثالث وربي حرام الاداره تتركه بعد تصريحه الغبي قال ماحنا مركزين والمباره لا تهمنا وكانك ماتنافس ع المركز الثاني وحتى لو الهلال ماينافس تلعب وتحترم الشعار اللي انت لابسه .. دامه مو كفو ولا فيه دافع يلعب لا يلعب لان الهلال اكبر منه .. لو ابن مساعد مايشوف حل اللاعبين هذول بنشووف تكبر الفريدي وغرور العتيبي ولامباله هوساوي وبيتفشى في اللاعبين الثانيين .. اتمنى ابن مسااعد يضحي بالعتيبي لكي يكون عبره للبقيه .. |
| الوقت المعتمد في المنتدى بتوقيت جرينتش +3.
الوقت الان » 03:20 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd