طبقو هذه الائحه وراح يتغير كل شي ياشبيه الريح يكفي دلال للاعبين - نادي الهلال السعودي - شبكة الزعيم

سوبر الازرق · #1 15/04/2012, 03:23 AM

لائحة فريق الشباب الداخليه :

هذه اللائحة اشمل واعم من السابقة إذ أن أننا أعدنا صياغة تعريف الأجر

الشهري للاعب والمتعارف عليه سابقاً بالراتب الشهري فقط" مضيفاً أن

إدارة النادي غيرت من تعريف الأجر الشهري ليصبح جميع ما يحصل عليه

اللاعب طوال فترة عقده بالإضافة إلى مرتبه الشهري مقسمة على عدد الأشهر.

وضرب الأستاذ خالد مثالا :" إذا كان اللاعب يحصل على مقدم عقد في

السنة 1.2مليون ريال ومرتب شهري بمقدار 10 ألاف ريال, فعندما

تعاقب الإدارة اللاعب بالخصم 50% فان الجزاء العقابي على الراتب

الشهري بالإضافة إلى مقدم العقد فيخصم منه 55 ألف ريال, وبتفصيل

حسابي يتم خصم (5 آلاف ريال ) من الراتب بالإضافة (50 ألف ريال)

من مقدم العقد الذي يكون 100 ألف ريال لكل شهر ،إذ كان سابقاً يتم

الخصم من الراتب الشهري فقط وهذا لا يعادل شيئا عند اللاعب المحترف

الموقع لعقد احترافي يتجاوز الملايين

هذا هو الحل مع مدرب قوي مايفرق بين نجم ولا لاعب صاعد للفريق الاول انا

سمعت تصريح وليد عبدالله حارس الشباب وقال قبل التمرين بساعه وحنا بالنادي

وياويل الي يتاخر من المدرب لانه مايفرق بين لاعب ولاعب اما حنا لاعب ياخذ

مقدم عقد بالملايين خلاص كذا يضمن نفسه واخذ الي يبي ويقل عنده الطموح

الهلال دلل لاعبينه اكثر مايستاهلون صحيح يمكن المدرب جزء من المسئوليه

بتحمل نزول المستوى ولكن اكثر من ثمانين بالمئه الاعبين يتحملون

طبقو لائحة الشباب الداخليه وراح يتغير المستوى والانضباط عند الاعبين هذا جزء

من الائحه فقط لاني لم اجدها كلها صورة مع التحيه للادارة الهلاليه

حب الزعامة · #2 15/04/2012, 04:34 AM

موضوع رائع
حتى اذكر ابو فيصل اشاد فيها مره وقال سندرس تطبيقها
ولكن لازم نعرف انها ممكن تخليك تخسر الكثير من النجوم
اللي راح يدور له على نادي ثاني يسوي اللي يبي بدون خساير ماديه تذكر

للزعامه مهابه · #3 15/04/2012, 04:42 AM

الله يعطيـــــــكـــــــ العافيه لكن

ترى الشباب فاز بالدوري مو بكأس العالم حتى نقتدي بهم الهلال حقق الدوري مرتين متتاليتين ولا احد مدحنا ولا فوقها كأس ولي العهد وهذا الموسم عمل بكل ماا اوتي من قوه رغم الظروف القاهره وزياده التحكيم الي وصلت درجه اني اشك انهم متعمدين انهم يجعلون الهلال لا ينافس ومع ذلك الهلال لآخر جوله ينافس
كـــــــبـــــــيـــــــر يازعييييييييم

أنس الأسد · #4 15/04/2012, 05:11 AM

نادينا نادي الشرهات و لن يطبقها ألا بمعجزة.

مشكوووور

هلالية العشق · #5 15/04/2012, 05:20 AM

ودي اقول للعيبتنا اذا صار حبيبك عسل لاتلحسه كله
اتسحوا على وجيهكم شوي يالعيبتنا
موضوعك روعه

الهلال دنيتي (يوسف) · #6 15/04/2012, 05:26 AM

انا من المؤيدين لتطبيقها وبقووووووووه

<هلاليه> · #7 15/04/2012, 05:36 AM

ياليت عالشيء يصير

لان مو طبيعي المستوى اللي عليه لاعبينا والله عيب

الدلال وصل اعلى مستوياته عندهم

واللي يقول الفريق ليخسر نجومه اقوله اللي مو محترق عشان الشعار فرقاه عيد

اقلها مانعتمد عليه ويخذلنا.

يبون الاحترافية بس بطلب عقود عاليه بس الالتزام بهالعقد اخر شي يفكرون فيه