|
( الحلقه ال 12 ) من قرارات غير موفقه ( الهلال شحاذ ملاعب ) بسم الله الرحمن الرحيم السلام عليكم ورحمة الله وبركاته النقد هو طريق النجاح وطريق تعديل الاخطاء وطريق تصحيح المسارات واداره الهلال وموقعنا هذا الكبير عودونا على الشفافيه وحرية الراي والديمقراطيه بقانون هلالي يقول لا احد فوق النقد ابدا في الهلال ولكن بشروط منها عدم التجاوزات ومثل ما اشدنا في اداره الهلال سابقا نرغب في توضيح بعض الاخطاء اداره الهلال لها من الايجابيات الكثير والكثير والجميع يعلمها ولا تخفى على احد فرئيس الهلال نقل الهلال نقله احترافيه وقانونيه واداريه على اعلى مستوى ولا يوجد انسان على هذه الارض لا يوجد له سلبيات واخطاء والهلال قارب على نهايه الموسم ولم يتبقى له سوى 9 مباريات بشرط تأهل الهلال للمباراه النهائيه لكأس الابطال ان شاءالله وانا احد المشجعين للهلال احببت ان اوضح هذه الاخطاء الاداريه لعل وعسى ان تتحول لايجابيات الموسم القادم الحلقه ال12 الخطأ الاداري ال 12 رئيس الهلال اسس المهم وترك الأهم رئيس الهلال كان له دور في تأسيس معسكر للفريق الاول وكان له دور في تأسيس مركز اعلامي للنادي وكان له دور في تجديد ارضيه ملعب النادي وكان له دور في تغيير شكل منظر النادي وكان له دور في تأسيس مقر لاداره النادي وكان له دور في تغيير غرف ملابس اللاعبين وكان له دور في تغيير وتجهييز عيادة النادي وكان له دور في الكثير من تجهيز بعض المرافق الاخرى وكل هذه المشاريع ايا كانت صغيره او كبيره لم يتم فعلها من قبل ولم يقرر اي رئيس سابق للهلال ان يفكر ما فكر فيه ابو فيصل ابو فيصل وفقه الله جمع الاثنتين حصد البطولات والاهتمام بمرافق النادي لكن تعلمون ان عقد الشراكه الحالي مع موبايلي لم يستفد منه كيان الهلال على المدى البعيد وجميع ما تم انشائه من مرافق في النادي ستتغير مع مرور الزمن وستطلب ترميم عما قريب ابو فيصل عمل المهم وترك الاهم الهلال يملك قدره ماديه هي الاعلى ربما في الشرق الاوسط من عقد الشريك الاستراتيجي ورؤساء الهلال واعضاء شرفه ورغم ذلك هل تصدقون ان الهلال لا يملك سوى ملعبين اثنين فقط يتناوب عليها الفريق الاول والاولمبي والشباب والناشئين والبراعم وتجربة اللاعبين الجدد شاهدنا في السنوات الاخيره ان الهلال طلب اكثر من مره التدريب على ملاعب نادي الرياض وشاهدنا في السنوات الاخيره ان الهلال طلب اكثر من مره التدريب على ملاعب اعداد القاده وسمعنا في السنوات الاخيره ان الفريق خرج لمناطق تشبه الاستراحات لغرض التدريب لسبب انشغال ملاعب الهلال بمباريات او اصلاحات انظروا للمثال فقط نادي النصر والشباب والاهلي تملك ملاعب كثر وربما ابالغ اذا قلت انها تشبه مدن رياضيه مكونه من ملاعب ارضيه صناعيه وملاعب ارضيه بالعشب وملاعب رمليه لغرض التدريب وملاعب لكل الفئات السنيه عقد الشريك الاستراتيجي القادم لابد ان يستثمر لصالح مستقبل الهلال لامد بعيد ولابد من النظر في الارض التي بجانب النادي واستغلالها في بناء اكثر من ملعب لغرض تدريبات كل الفرق السنيه بالنادي نحن لا نريد ملاعب بمدرجات نحن نريد ملاعب تدريب محاطه بالشبك او اسوار فقط سيجعل الراغبين الجدد في التسجيل والتجربه يأتون بكثره وهنا ستستمر زعامه الهلال بقوه والله لن ينفعنا صبغ مدرجات او شكل جمالي او بناء غرفه جاهزه او تجهييزات بصناعه صينيه او احضار لاعب اجنبي لاجل حصد بطوله واحده او بطولتين اتمنى من رئيس الهلال ان ينظر لمستقبل الهلال وان يجعل الهلال يملك ملاعب تدريبات لكل الفرق بالنادي وان ينهي شئ اسمه استعاره ملاعب انديه اخرى لانها والله كبيره في حق الهلال وجماهيره خاصة ان هذا الهلال يملك من الرجال والمال الشئ الكثير غدا ان شاءالله الحلقه ال 13 من قرارات اداريه غير موفقه الحلقه الاولى انتقال عمر الغامدي قبل تجهيز البديل الحلقه الثانيه اختيار المفاوض الهلالي للصفقات الحلقه الثالثه التعامل مع اللاعبين الهواه الحلقه الرابعه غياب الرئيس ونائبه عن بعض المباريات الحلقه الخامسه الاداره وموبايلي يوقفان الاحتفالات بانجازات الهلال الحلقه السادسه التعاقد مع ( 10) مدربين في ( 4 ) اعوام الحلقه السابعه تهميش موقع الزعيم في الاخبار الحصريه الحلقه الثامنه الاداريين يختارون اللاعب الاجنبي الحلقه التاسعه الاتراس واثره على الجمهور الهلالي الحلقه العاشره الصفقات المحليه الحلقه ال11 كثرة الاداريين تحياتي |
وعليكم السلام اخوي الناقد الصريح الهلال بحاجة الى انشاء على الاقل اربع ملاعب مجهزة بالكامل غير الملعب الرئيسي مشكلة الهلال ان البراعم والناشئين والشباب والاولمبي والكبار هذا الكم الهائل من الفرق على معلب واحد يجب اعادة النظر وتكون اولى الخطوات المقبلة للنادي هي انشاء اكثر من ملعب مجهز بكل الاحتياجات |
مثل هذي الاشياااء من المفترض ان يقووومووا بهااا اعضااء الشرف..الاشخاااص الدااعمين... ليس فقط الرئيس,,,لكن للأسف ’’لاايوجد لدينااا اعضااء شرف مؤثررين,,الاامااقل.. اشكرك لحرصك الشديد على هلاااالنااااا:rose: |
يجب اعادة النظر وتكون اولى الخطوات المقبلة للنادي هي انشاء اكثر من ملعب مجهز بكل الاحتياجات |
وعليكم السلام .الناقد الصريح اسمح لي بديت تشطح كثــــــــــــــــــــــــــــــــــير على الهلال كل هالحلقات عشان الهلال ب الكثير نقول مركزه الثالث !! اجل لو صرنا مثل الجار كم حلقه بتسوي بصراحه اتوقع تتفوق على حلقات المسلسلات التركيه كل مافي الموضوع هالسنه مامشت مع شبيه الريح والاسباب ياسر وحط على ياسر ب الخط العريض والاحمر وثانيا رادوي وثالثا جيرتس وعدم اختيار البديل الناجح يعني لو استمرينا بسامي ومدرب الاولمبي كان امورنا كلها OK العين العام ينافس ع الهبوط السنه هذي مركزه الان الاول وقريب من التتويج والبركه بلي كانو ب الهلال اجل جايبين لنا الكوري ويوسف العربي هذي الزبده وفكنا بلله من هالاوهام وهالمسلسلات حقتك حسستني إنا صرنا مثل الجار الناقد الصريح ورب الكون من اشد المعجبين بمواضيعك خاصتا بعد المباريات تجيب الايجابيات والسلبيات بشكل وبسلوب حلو بس بهالحلقات مررررررررررررره متفق معك وبليز خليها اخر حلقه وخلنا نبدا سنه جديده حلوه |
,, كل التوفيق للهلال وباذن الله الاموور ستتغيير ان شاء الله يعطيك الله الف عافيه |
اتفق معك تماما لاكن خلال ماسمعت ان الامير عبد الرحمن سوف يبداء في انشاء ملاعب جديده خصوصا ان هناك ارض بجوار النادي تعود للنادي ويمكن استغلالها لبناء ملاعب عليها |
صح لسانك أخوي الهلال من المفروض أن لديه مدسنه رياضيه تفوق كل الانديه وهذا مايجب على الاداره أن تنظر له الموسم المقبل :-) .... |
كل التوفيق للهلال وباذن الله الاموور ستتغيير ان شاء الله يعطيك الله الف عافيه |
بالنسبة لعقد موبايلي لابد ان ننظر للشرارة الاولى لهذا العقد بإختصار شديد .. أخطاء هذا العقد من الأساس كانت في عهد الإدارة الماضية والادارة الحالية صححت في أغلب بنود هذا العقد وان كنا كجمهور نطمح لأفضل من ذلك. وبالنسبة لعقد موبايلي فقد كان لي فيه رأي مفصل ولكن لم أطرحه هن ا في المنتدى. وان كنت لا اتهم هذا أو ذاك وجيع من يخد النادي اكن له التقدير وان اختفت معه ولكن هذه رؤيتي للموضوع بالنسبة لعقد موبايلي. أما بالنسبة للملاعب فأنا اتفق مع زيادة عددها وتخصيص ملاعب خاصة لكل فئة بالنادي بغض النظر عن من سوف يمول هذا المشروع. صراحة انا لا احبذ الرد عبر المنتديات وافضلها عبر روم الهلال في البالتوك ( الزعيم و المدرج) واختار اوقات معينة للرد لعلمي بأن هنالك زوار لاصحاب القرار الهلال في ذلك الرومين ولكن قلمك يا عزيزي جذبني للرد ولو بشكل مقتضب تحياتي لك |
مهلاً .. فالأمير عبدالرحمن يعمل ويجتهد .. لا يمكن أن نحمل الأمير عبدالرحمن فوق طاقته .. ايش قالوا لكـ بنك متحركـ ؟؟ ليش ما تلوم أعضاء الشرف ؟؟ صارت موضه بصراحه .. كل واحد يضع اللوم على أبو فيصل , |
إقتباس:
هل طلبي تجهيز ملاعب تدريب للهلال من مبلغ عقد الشراكه الجديد الذي سينتهي نهايه الموسم القادم فيه لوم على رئيس الهلال حسب قولك يبدو انك عزيزي قرأت الموضوع ولم تقرأ المحتوى انا اعطيت رئيس الهلال حقه وما قدمه من اهتمام لمرافق النادي لكن يبقى الاهم وهي تجهيز ملاعب تدريب لكل الفرق بالنادي تحياتي لك |
كل التوفيق للهلال وباذن الله الاموور ستتغيير ان شاء الله الله يعطيك الف عافيه |
الف شكر لكـ لك التحيه والاحترام ,,,,,,,, |
اتفق معك وان شاء الله يتحسسسن وضع الززززززززززززعيم يعطيك العااااااااااااااااااااااافيه |
| الوقت المعتمد في المنتدى بتوقيت جرينتش +3.
الوقت الان » 09:10 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd