سواليف لـــــــــــيــــــــــــل ,,,,,,, اجل يوم انها سريه وماودهم احد يدري وش دراك يا كونان,,,, وماشاء الله بيوقعون مع مدرب السي في حقه افضل من مورينيو والصحافة العالمية ماتدري وانت تدري ؟؟؟؟؟ اسمح لي اقولك تسمع بالحصريات

<CENTER>
</CENTER>

كان قدامك سنه ونص من قل حتى لا يروح جيرتس وبدل ما تجيب الادارة مدرب ممتاز جابت كالدريون وبعد كالدريون دخلنا في مسلسل السباكين دول وخلافه والتفريط في لاعب مهم مثل عمر الغامدي ورادوي وياسر وجلب الاعب المتوفي كرويا من الجار كل هذا وفي الاخير تكملها بنحترفين ماركه تجاريه للاسف لحد هنا وخلاااااااااااااص كفانا ما جانا كثر الله خيرك يا شبيه الريح وما قصرت

اشكرك. اخوي. علي. واحنا. كلنا. نعرف الامير. عبد الرحمن. بن. مساعد. مايصرح. لي. الناس. الي. كل. شي. قد. انتهي. وان شاء. الهلال. في. الموسم. القادم. نار. وخلي المندسين. يموت. من القهر. بي. التوفيق. لي. الادارة. الي. تقوم. بي شغل من الحين. علشان. الموسم. الجاي. يكون. الهلال. في أحسن. مستواه. يكون الهلال. قوي. ويفتخر. فية. كل. الناس. بي التوفيق. لي. الزعيم. الموسم. الجاي

الموسم الماضي سمعنا اكبر من هالكلام

ومركزنا الثالث في الدوري وتعادلات متتالية في اسيا

ما نبي وعود!

كلامك يونس بالحيل

يارب كل حرف كتبته يتحقق

والله اني انبسطت

عجبتني عبارة موسم استثنائي !!!!!
وبعدين ليش الادارة تشتغل للموسم القادم وهي بتنتهي فترتها بعد شهر من الان وممكن يترشح احد اعضاء الشرف؟؟؟؟؟
اما المهم فأنت ماجبت أسم المدرب ولا مكان المعسكر ولا اسماء اللاعبين اللي بنتعاقد معاهم ؟؟ لا وبعد محليين !!! الله يستر لايكونون مثل الجمعان والجيزاني والكعبي والحارثي....
تقبل مروري ولك ودي

ابن مساعدافضل من يقودالزعيم في هذة المرحلة وهو افضل ريئس بالمملكة وخسارة الدوري ليست نهاية العالم فقد حققه الزعيم مرتين متتاليتتين وبفارق كبير من النقاط!! اتمنى عدم التشكيك من قبل البعض وخاصة اصحاب معاهم معاهم عليهم عليهم !!1
بالتوفيق الدائم للزعيم ان شاء الله

بالتوفيق للزعيم وان شاء الله يكون اللي كتبته صحيح

أولاً : سواليف كونان ..تجدها عند الأطفال !!
ثانياً : أنا ماقلت إن المدرب أفضل من مورينهو ! أنا قلت لايقل كفاءة عن مورينهو باعتبار السي في تبعه !! آمل التفرقة بين العبارتين ..
ثالثاً : هل الصحافة العالمية كانت تعلم عن تعاقد الهلال مع جريتس في حينها ؟ ولا بعد ماأعلنت ؟؟
رابعاً : احسن الله عزائك مرة أخرى ..

أولاً : الإدارة لم تعشم أحد ـ الإدارة كانت صااادقة في وعودها وفعلا كانت هناك مفاوضات مع المدرب مارتن اونيل وكان قاب قوسين أو أدنى من الموافقة ـ ولكن كما قلت لك يبق التوفيق بيد الله ـ فالمدرب نفسه لظروف غامضة رفض الذهاب للرياض بعدما كان موافقاً في البداية !!! فإيش تبغى من الإدارة تسوي ؟؟ تبغاها تغصب المدرب بالقوة يجي يدرب بالسعودية ؟؟
إنت الآن لما إنك على سبيل المثال تواعد زملائك بوليمة دسمة ويجونك للبيت بنفس الموعد المحدد ـ وموعد تجهيز الوليمة مثلا محددينها الساعة 11 بالليل ،وبنفس التوقيت هذا ينفجر المطعم باللي فيه ويحترق كل شي !! هل مثلا يحق لزملائك يقولون والله انت وعدتنا وأخلفت وعدك ؟؟ ياأخي لايكلف الله نفساً إلا وسعها ،
فرق كبير بين إن الإدارة تعشم وفرق بين انها توعد ولكن تحصل ظرووف خارج إرادتها ـ طبعاً لايلغي هذا كله بوجود أخطااء ، وليس معنى هذا أن الإدارة منزهة وملائكة لايخطئون ـ لاشك هناك أخطاء بل وأخطاء من العيار الثقيل وقد تطرقت لها انا شخصيا لمقالات سابقة لي ـ ولكن هالأخطاء هاذي ماتكون على ماقال نهاية العالم وكأنها ذنب لايغتفر !!! وننسى جميع الجوانب الإيجابية للإدارة ؟؟ لا لا هذا ليس من العدل
كما أننا ننقد الإدارة ببعض الأخطاء ويجب في ذات السياق أن نثني عليها في الجوانب الإيجابية ، وبكل الأحوال نكون معهم قلبا وقالبا
أتمنى المخلصين فعلاً ، وانتبه لكلمة فعلاً ـ أتمنى منهم إنهم يتعبون أنفسهم لو بالثلاثة اشهر مرة واحدة ويتفضلون بزيارة نادي الهلال ـ ويقدموا حلول وأفكار وخطط استراتيجية لمن يملك عقلية الخطط ، مو مجرد حضور فقط ، مع تشرف النادي بحضورهم ، ولكن نريد فكر رياضي احترافي ..
أما وانا أخوك فالحاصل الآن يشعرك أحد أمرين :
إما شخص يريد يفضفض مابه من تراكمات ـ فقط لمجرد الفضفضة ـ أما مصلحة الهلال فآخر مايفكر فيها ـ
وإما شخص زائر غير هلالي ـ سواء مبعوث أو غير مبعوث ـ فقال خلني اتسلى بالوضع الحاصل ـ وش وراي ـ خلني اضرب جمهور الهلال ببعض ـ ويخدم ناديه المفضل..
ولا شك أنا شخصياً : أؤمن أن هناك من اعضاء هذا المنتدى من هم هلاليون ومخلصون ولكن من شدة حبهم للهلال وتفانيهم لأجله خانهم التوقيت وخانتهم حدة العشق ، وحدة سياطهم لمعشوقهم ، فكتاباتهم حادة وقوية وجارحة بعض الشي، وطرحهم قااسي ولكن لاشك أن قلوبهم دامية لما يكتبون ، ولكنهم لايملكون أنفسهم في صراحتهم وقوة لهجتهم الدالة على نقاء سريرتهم وبياض قلوبهم ، فلهؤلاء اقول لهم هونا ورويدا على الهلال فما هكذا تورد الإبل ياسعد !!
أعيد وأكرر وسبق وقلتها في مرات كثيرة وأسمعوها مني ياجمهور الهلال الغالي :
من كانت عنده فكرة أو عمل أو خطة استراتيجية سواء قصيرة أو بعيدة مدى ـ تتشرف الإدارة الهلالية وعلى رأسهم رئيس النادي وكل منسوبي النادي إن تأتي في أي وقت وتعطي ماعندك من أفكار ورؤى ـ
الإدارة تبغى فكر ، فكر وعقلية رياضية ثاقبة لديها بعد نظر ـ والنادي أبوابه مفتوحة للجميع ـ نريد من يحمل الهم الهلالي ويخلص لمصلحة الهلال بعيدا عن الأشخاص والرموز وحب الأنا ، بعيدا عن الشهرة والفلاشات وحمل الأوسمة ..
هناك أعضاء في الواقع أتشرف بمعرفتهم وبعقليتهم وثقافتهم وحسهم الرياضي وقبل كل شي إخلاصهم وتفانيهم لمصلحة الهلال ـ ومعرفتهم للتوقيت في الطرح وانتقائهم لعباراتهم وتوصيل أفكارهم بكل يسر وسهولة ..
أسأل الله أن يوفق الإدارة الهلالية سواء الحالي أو القادم بمختلف الأسماء ـ أن يوفقهم لكل خير ولكل ماهو صالح للهلال
ـ تحياتي وتقديري للجميع ..

ان شاء الله لاكن اهم شي لايرجع كوزمين ولا يستمر الكوري والعربي