رجال الزعيم والله انكم تستاهلون المشوار !!!!!!
 

بسم الله الرحمن الرحيم .

اول شي الف الف مبروووووك الفوز والتأهل للنهائي الغالي نهائي كاس ولي العهد .

الصراحه رجال الهلال ماخيبوا الظن ورفعوا رؤوسنا ولا راح مشوار الطريق من القصيم الى الرياض عبث وحنا ماجينا للرياض الا وحنا واثقين برجال الزعيم الكبار .

يوم امس كان يوم شاق الى ابعد الحدود من الساعه 6 صباحا الى الساعه 3 ليلا مانمنا ولا ارتحنا من المدرسه من الساعه 6 صباحا الى الساعه 1ظهرا ومن الساعه 1 ظهرا وحنا ماسكين طريق الرياض وصلنا الرياض الساعه 4 عصرا تقريبا ورحنا تغدينا واخذنا لنا لفه بالرياض ويوم صارت الساعه 7 دخلنا للملعب وخذ تشجيع وصراخ وحماس وفرح واعصاب مشدوده الى الساعه 11 ليلا ومسكنا طريق القصيم تقريبا الساعه 12:30 ليلا وصلنا للقصيم بالسلامه حوالي الساعه 2:30 ليلا . اول مره اجلس الى الوقت هذا في ايام الدراسه :p يوم وصلنا وخذ نومه الى الساعه 1 الظهر وابشركم حصلت اجازه مرضيه لهذا اليوم ( بالواسطه ) :D ودكم يدرون اني رايح للرياض احضر مباراه والله ان يذبحوني :D

<<<< قال قصه حياته كلها :D

الشباب الي معي ناموا بالسياره من اول مامسكنا الطريق الى وصولنا للقصيم وانا اسوق كذا وجهي :embarrass :D

نجي للمهم :

نجوم الزعيم كلهم كانوا نجوم وخـــــاصه (( فـيـصـل الصالح و عـبـد العزيز الخثران وخـالد عزيز )) .

كنت متخوف جدا جدا يوم قال المذيع الداخلي غياب اندريه و نواف عن التشكيله الاساسيه لاكن الحمد لله وفقنا الله .

اتمنى ان يكون نهائي كاس ولي العهد في الرياض وعلى استاد الملك فهد الدولي ويكون هذا الاسبوع ويكون يوم اربعاء او خميس لان الاسبوع بعد القادم يصادف اختبارات شهريه :(

صراحتن انا متفائل الى ابعد الحدود حضرت نهائيات كثيره جدا للهلال واكثرها يفوز بها الزعيم ابرزها نهائي ( الثمامه الشهير ) ونهائي ( هدف سامي الشهير ) ونهائي ( ناجويا الشهير ) الصراحه مالي حيل اكتب مسميات البطولات :D

بالتوفيق ان شاء الله للزعيم وعقبال الكأس .

مع تحـياتي .

أهلا أخوي رامي وبس.
والله الزعيم يستاهل مننا كل خير والله ما قصر وإنشاء الله يطلع المجهود مضاعف أمام الأهلي.

تحياتي