|
( الحلقة السادسه ) من مسلسل قرارات غير موفقه ( 10 مدربين في 4 مواسم ) بسم الله الرحمن الرحيم السلام عليكم ورحمة الله وبركاته الانتقاد هو طريق النجاح وطريق تعديل الاخطاء وطريق تصحيح المسارات واداره الهلال وموقعنا هذا الكبير عودونا على الشفافيه وحرية الراي والديمقراطيه بقانون هلالي يقول لا احد فوق النقد ابدا في الهلال ولكن بشروط منها عدم التجاوزات ومثل ما اشدنا في اداره الهلال سابقا نرغب في توضيح بعض الاخطاء اداره الهلال لها من الايجابيات الكثير والكثير والجميع يعلمها ولا تخفى على احد فرئيس الهلال نقل الهلال نقله احترافيه وقانونيه واداريه على اعلى مستوى ولا يوجد انسان على هذه الارض لا يوجد له سلبيات واخطاء والهلال قارب على نهايه الموسم ولم يتبقى له سوى 10 مباريات بشرط تأهل الهلال للمباراه النهائيه لكأس الابطال ان شاءالله وانا احد المشجعين للهلال احببت ان اوضح هذه الاخطاء الاداريه لعل وعسى ان تتحول لايجابيات الموسم القادم الحلقه السادسه الخطأ الاداري السادس ( 10 ) مدربين خلال ( 4 ) سنوات الاستقرار الفني دائما نسمع من رئيس الهلال ان اهم شئ للفريق هو الاستقرار الفني لكن من خلال فترة رئاسه الامير عبدالرحمن بن مساعد لم نشاهد هذا الاستقرار الفني الذي ينشد فيه بل شاهدنا استقبالات وتوديع كثر في مطار الملك خالد بالرياض للمدربين الموسم الاول ( 4 مدربين ) درب الهلال في الموسم الاول المدرب الروماني كوزمين وخلفه مساعده المدرب الروماني كتالين ثم استلم مهمام التدريب البلجيكي ليكنز ثم استلم مهمه التدريب السعودي عبداللطيف الحسيني وهذه التغييرات صراحه لا تلام عليها الاداره لان سبب التغييرات اتى من موقع اخر لا دخل للاداره فيها الموسم الثاني ( 1 ) مدرب في الموسم الثاني كان قمه في الاستقرار الفني نظرا لتواجد جيرتس المدرب الوحيد طول موسم كامل دون تغيير حقق الهلال بطولتين وارقام قياسيه بكثره تسجيل الاهداف في الفرق المنافسه الموسم الثالث ( 3 ) مدربين هذا الموسم موسم بدايه التأثير على الفريق جيرتس درب الهلال حتى منتصف الموسم وغادر للبحث عن مصلحته الشخصيه دون النظر لمصلحه الفريق وهذه الخطوه باركتها الاداره دون استفاده ماليه للفريق كشرط جزائي بعدها استلم المدرب كالديرون مهمه الفريق حتى قرب نهايه الموسم ثم درب الهلال اخر مبارتين الاداري سامي الجابر الموسم الرابع ( 3 ) مدربين والرابع قادم كانت البدايه مع توماس دول حتى منتصف الموسم ثم استلم المدرب بونان مهمه الفريق في 4 مباريات بعدها استلم المدرب هاسيك مهمه تدريب الفريق حتى الان ويبدوا اننا نسمع ان هناك مدرب جديد مؤقت حتى نهايه الموسم رسالتي للاداره جميع تشتيت الذهن لبعض لاعبي الهلال حاليا نتيجه قناعة المدربين العشره بسبب التغيير الواضح في خانات بعض اللاعبين جميع التصاريح الرنانه التي سمعناها من لاعبين غادروا ولاعبين لا زالوا في الفريق سببها تغيير المدربين حتى الان الاستقرار الفني سبب رئيسي في عدم خروج الهلال بصورته المعتاده والسبب الرئيسي في ذلك الاداره ومن اوصى للاداره بالتغيير المستمر والذي ربما لن يتوقف غدا ان شاءالله الحلقه السابعه من قرارات اداريه غير موفقه الحلقه الاولى انتقال عمر الغامدي قبل تجهيز البديل الحلقه الثانيه اختيار المفاوض الهلالي للصفقات الحلقه الثالثه طريقه التعامل مع اللاعبين الهواه الحلقه الرابعه غياب الرئيس ونائبه عن بعض المباريات الحلقه الخامسه الاداره وموبايلي يوقفان الاحتفالات بانجازات الهلال تحياتي |
شكرا لك يا صديقي بصراحة الواحد تعب من الزعيم و حاله و مهما قال ما يوصل اللي في القلب لكن للاسف الكل يتحمل هذا المستوى الضعيف الادارة هي المسؤلة في الاول و الاخير عن احظار المدرب و الغير سعوديين و في النهاية من يدفع الثمن و خزينة الزعيم المدرب بكل امانة ما عنده اي شيئ يقدمه و الدليل عندما ذهب دول ارتفع اداء الاعبين و بعد حظوره انخفض الاعبين ما عندهم الروح و لا فيه قائد يشيل الفريق في حال انخفاض المستوى ك ( يوسف الثنيان ) |
في هذّهـ الحلقة .. آتفق معـآك بِ الككككككآمل ! ,, ب آنتظـآر الحلقة 7 ,, يعطيكك العافية |
كلامك واقعي وعين العقل .. اتمني من الامير عبدرحمن يراجع حسباتههه .. ولافي غيرهه اتمني حضور : الامير بندر .. لانه نبي فريق يجيب محلين اقوياء + اجانب اقوياء .. مو اجانب بدون محلينن اتمني من الامير عبدالرحمن .. يجيب مدرب جيرتس او كوزمن |
إقتباس:
إقتباس:
تسلم اخوي على نقدك الرائع وكلامك الجميل وهذا الانتقاد الصحيح وأبن ادم مو معصوم من الخطأ ومثل ماقلت والي انا شفته بإدارة الهلال مافي أستقرار فني والثانيه بعد الي شدتني ولحظته الموسم الي طاف اخذنا الدوري وكاس ولي العهد وكأن شي ماصار شفنا الأهلي يوم أخذ بطولة الملك وش سواا فرح جماهيره + فرح لاعبيه + تشجيع لهم + رفع معنويات ماا احطه على قناه رياضيه الا والأهلي بخشتي هههه محتفلين بهالمناسبه ويحق لهم ماقلنا شي ليه الاداره بعد نهاية الموسم انهم يحتفلون ببطولاتهم ويفتحون النادي لجماهير الزعيم اتمنى ان هالشي مايطوف على أبو فيصل وأدارته وفي عندي كلمة ودي اقولها ومادري انتم توافقوني عليها ولالا اتمنى جلب اجانب من نوعية نيفز اوالروماني رادوي يعني برازلين لاعبين ياكلون الاخضر واليابس بصراحه ماكنت متفأل بالاجانب الي جلبهم الهلال هالسنه كلها بأستثناء عادل هرماش الي اشوفه تأقلم وأثبت جدارته الدليل مباراتنا امس ومباراة الغرافه الشوط الثاني شفنا تأثير قوي قوي قوي وصار الوسط مافيه احد مع احترامي للبقيه والدفاع لازم يلقون نظره عليه صرنا نخاف اي كوره تجي في ملعب الهلال والله يوفق الزعيم في جميع بطولاته وان يعدي هالازمه على خير يارب |
يـــــــــامالك من الأخطاء .. ما يكفيك ولا مسلسل مكسيكي...!!! |
فيه مبالغة في رصد المدربين !!! يعني إذا كان مساعد هسيك يجي يرتب الأمور قبل قدوم المدرب سيحسب مدرب على الإدارة فهي والله مصيبة ومبالغة ممجوجة .. كما ان سامي ومدرب الأولومبي يحسبون مدربين رسميين مثل دول وهسيك هذي ايضاً مصيبة و تصيد .. بالتوفيق للهلال و لإدارته .. وبالتوفيق لك في مسلسلك الجديد وعقبال الوسام الجديد من إدارة الموقع ... |
إقتباس:
اولا سامي استلم تدريب الفريق رسميا اخر الموسم الماضي اذا لم تعلم ثانيا بونان استلم تدريب الفريق رسميا بعد توماس دول اذا لم تعلم ثالثا مساعد هاسيك وصل للهلال قبل هاسيك بفتره ربما اسبوعين اذا لم تعلم رابعا تأكد انه الوسام الاغلى عندي هو حب الهلال وكيانه فقط خامسا اتمنى لك توفيق وتحياتي لك اخي العزيز |
يبي له ثورة عشان يمشي مايستحي الريس جالس للاحين |
كلامك جميل وسليم 100 % خطأ إداري يجب على الإدارة الإنتباه له الله يصلح حـــال الهلال يآرب الله يكتب اللي فيه خير للزعيم لآهنت |
اخوي الناقد بعض المدربين اللي ذكرت توفقوا مع النادي وجت مشاكل خلتهم يغادرون ككوزمن وقصته معروفه وجريتس هذولا اللي تجيك الحسوفه عليهم اما البقيه ما فادو الفريق وما فيه عيب من تغيير المدرب اذا كان وضع الفريق في الحضيض وياما فرق عالميه غيرت 3-4 مدربين في الموسم كالانتر . |
وش تبي الادارة تسوي اذا ماغيروا طلبنا حنا بالتغير الزعيم علته من بطنه لاعبين لا يبالون امثال الفرج وعبدالله الدوسري ومحترفين ليسوا على قدر القيمة عدى هرماش هو افضلهم وياخي العزيز والله الادارة ماهي مقصرة ولكن اسئل الله التوفيق للزعيم |
أتفق مع أخوي المختار بوجود بعض المبالغة لما واحد يقود الفريق لمدة قصيرة ومحدده سلفا نظريا ما يحسب كمدرب. |
كلام سليم الله يصلح حاااااااااااااااال الزززززززززعيم يعطيك العاااااااااااااااافيه |
وايضآآ في موسم كوزمين , كان هناك 4 مدربين كوزمين في البداية ثم مساعده كتالين ثم اكمل جورج ليكنز ثم الوطني عبداللطيف الحسيني |
| الوقت المعتمد في المنتدى بتوقيت جرينتش +3.
الوقت الان » 02:56 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd