|
ما نبي آسيا بس نبي شي واحد و يا خوفي ما يتحقق !! السلام عليكم و رحمة الله و بركاته أولا : هارد لك لنا على المستوى الهزيل لزعيمنا في آسيا و الدوري ثانيا : والله أكثر شي يخوفني الحين الدوري و المركز الثاني علشان نتأهل للآسيوية السنة الجاية. آخاف نتابع آسيا بدون الهلال !! كأس الملك بكل صراحة ما ظنتي بنقدر عليه في ظل مستويات الأهلي و الشباب و الاتفاق و صحوة الإتحاد. ثالثا : الحمد لله على المجموعة الضعيفة اللي الهلال فيها و مع هذا ما أتوقع نتصدر بس ان شاء الله نتأهل ثاني. والله قهر طموحنا صار التأهل بس !!! رابعا : لا نكابر و نقول ما فيه مشاكل في الهلال, والله العظيم إن الإدارة هي السبب بسوء الإعداد للموسم. الأجانب مافيهم الا العربي و هرماش اللي تقدر تقول لهم فايده. خامسا : السيناريو اللي أتوقعه و أتمناه. الهلال يتأهل ثاني المجموعه و يفوز المباراه مع أول المجوعه الثانية. يتم الإعداد بشكل أفضل لاستكمال البطولة و أهمها رجوع ياسر القحطاني ان شاء الله. أيضا ثاني الدوري علشان نضمن التأهل لآسيا في السنة الجاية لأن بصراحة ما ظنتي ناخذ كأس الملك. أخيرا : اللهم وفق الهلال |
آلله يوفق هلآلنآ وبإذن آلله نتأهل للآسيويهه ، ونأخذ آلدوري بعد ... |
الله يسمع منك ياليت والله |
ليش فاقد الأمل و تقول نتأهل ثاني المجموعه إن شاء الله إذا الله كتب بنصيبنا نقدر نتصدر المجموعه ليش تقول مشاكل في الهلال هذا إللي ذكرته مو مشكله سوء أختيار وبس |
سنتأهل بمشيئة الله ثاني المجموعة ولكن سنلعب مع الاتحاد في جدة مثل السنه الماضية عندها سنخرج كالعادة لأننا لا نحسب الأمور من بدري ونركز على الأول لكي نلعب على ملعبنا ملينا كل سنه نقول هالكلام ولا من مستمع ؟ أما مشاكل فمافية مشاكل اللهم مدربين مضروبين ( دول وهاشيك ) ولا عبين محترفين أقل من الطموح ولا يستحقون البقاء سواء العربي او الكوري والأشقر ويلهامسون اذا كنا نتغنى في المواسم الماضية بأن الهلال لدية افضل لاعبين محترفين فنحن هذا الموسم نلعب بدون لاعبين محترفين ولا نقبل المساومه في ( الهلال وسمو الأمير عبدالرحمن بن مساعد وسامي الجابر وعشقنا للكيان الهلال ) |
الهلال يمرض ولكن لايموووت حسبي الله على من كان السبب بمستوى الهلال |
اصلاً نادي الهلال صار ياخذ الاعبين الاجانب تجاره واستثمار كيف الاعب الاجنبي تبيه يلعب صح وهو عارف انه بـ اي لحظه ممكن يجيه زبون صامل ويشيله .. مو كذا الاحتراف ,, طيب تبون كذا اشترو لكم نادي اوربي وابد تاجرو على كيف كيف كيفكم مو بالهلال التجاره خلاص ملينا موسم استثنائي ونلاقي هالمسخره .. يالله انك تصبرنا حتى نهاية هالموسم الاستثنائي وصاير يوم الاربعاء لنا تعكير مزاااااااااج مو اجازه |
أخوي ( احترت أسميك ) ما نقبل المساومة في الهلال فقط !! الأمير و سامي على العين و الراس و ما ينكر فضلهم الا جاحد بس إذا غلط واحد منهم لازم نتكلم. الهلال أولا أخوي ( فارس العمري ) أتفق معاك صراحة أختي ( أماني العمر ) سوء إختيار الأجانب يعتبر مشكله و مشكلة كبيره بعد لفريق يريد آسيا |
بالتوفيق للزعيم الله يصلح الحال بس يسلموو |
الحل الوحيد اقالة هاسيك وتعيين بونان وسامي |
السلام عليكم و رحمة الله و بركاته مستوى الهلال هذي السنه مره ضعيف من بداية الموسم مع دول و راح دول و جانا هاسيك اللي ما يزود عن دول شي اتمنى من ادارة الهلال انهم يشوفون لنا حل بالمدرب و قلب الدفاع مع هوساوي اتمنى انهم يجلبون لاعب اجنبي مو محلي و يستغنون عن الكوري اللي مهما سجل ما راح ينسينا اللي ضيع عندنا مهاجمين بما فيهم كفايه (يوسف العربي + سعد الحارثي + عيسى المحياني + و ياسر راح يرجع ) ياليت من الامير عبدالرحمن بن مساعد انه يستبعد الكوري اللي ما منه منفعه و يجلب لنا مدافع اجنبي و يكون جسمه صلب و اننا نبعد عن العاطفه المرشدي اكثر مدافعين الهلال تفليت و ارتباك داخل الملعب و الزوري جربناه امام الغرافه و الكل يدري في اخطائه اللي صارت و عبدالله الدوسري مثل المرشدي اذا تاهلنا بهذا المستوى للادوار المقبله ما راح نطول صدقوني و الان صار طموحنا اننا نحجز مكان في دوري ابطال اسيا السنه الجايه بعد ما كان طموحنا اننا ننافس عليها |
هو ما قدامهم الا بطاقة الاسيويه يكونون بذلك حققوا بطوله هالموسم اذا حصلوا عليها وان ضاعت جمهور الهلال ماراح يرحمكم بضياعها المركز الثاني متاح للهلال لان الاهلي متوقع خسراته مباراة ع الاقل وكأس الملك لو تحفرون تحفير ما جبتوه وهذا مدرب الهلال والكوري مهاجم زمن قاسي زعيم اسيا صار كل من هب ودب يتطاول عليه الله يعين وان شاءالله الموسم القادم يرجع الزعيم لهيبته يعطيك العافيه |
إقتباس:
اللي كان ممشي الفريق سامي والا بونان صوره عشان ان ماتوفق سامي يحطونها براس بونان اتمنى الاداره تجهز المدرب الكفؤ للموسم الجاي من الان مو اخر الموسم يفكرون وكل شوي مدرب ولاقرب الموسم يبدأ يتعاقدون مع مدرب مشي حالك لضيق الوقت :mad: تعبنا وارتفع ضغطنا وربي حرام عليكم |
تفائلو يازعماء بإذن الله نتصدر المجموعة والدوري الثاني وكأس الابطال لنا عوااااافي... |
إقتباس:
ممكن نتفأل اذا ابعد المدرب لكن بوجوده وعلى هالمستوى يمكن المجموعات ما نعديها اذا الانديه على ضعفها مانقدر نفوز عليها |
| الوقت المعتمد في المنتدى بتوقيت جرينتش +3.
الوقت الان » 11:27 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd