نادي الهلال السعودي - شبكة الزعيم - الموقع الرسمي - تبون اسيا تذكروا ايامهم وش صار ........

بدون اي مقدمة الكارثة الاسيويه مازالت تتوالى ثمارها وكأني اشاهد احد الفرق الضعيفة وليس هلالنا اتوقع قسونا على الرئيس واللاعبين والجهاز الفني وماتركنا احد في حاله لكن من ابسط حقوقنا محبين وجمهور الهلال الغيورين والعاشقين لهذا الكيان الكبير كفاكم رداءة مستوى وضياع نقاط ودوري راح واسيا راح نغني لها وداعية على هذا المستوى الهزيل لازم نرضى بالواقع هي وحدة من الاثنين يا نلاقي الحل من الغد او نفكر في اسيا 2013 والمخجل نجي نقول ياليتنا مثل فريق الاتحاد وياليتنا مثل فريق الاهلي وروحه حسافه بعد ماكنا قدوه لغيرنا صرنا نقتدي باندية اخرى روح الهلال اين اختفت في الدعم عندكم يالاعبي الهلال الكافي والمطلوب في المكافات اداره ماقصرت على الوجه المطلوب تبون تجديد عقود بما يرضيكم عطوكم حقكم وزود وش قاااااااااااااااااااصر عليكم بامانه ولا انتم بعتوا الروح والعزيمة اللي كان يحرثها اللي يذكره بالخير سامي ورفاقه تكفون تكفون صححوا المسار وراكم دور ثاني يعني ثلاث مباريات يعني 9 نقاط يعني احساس بالمسؤولية من حارس الى مدافع الى وسط الى هجوم رسالة بالغه وبلغة عتب كفاية مايحصل لزعيم اسيا كفاية حراسة نبي هيبة محمد الدعيع اه بس دفاع نبي صخرة مثل تفاريس وحبه للهلال لين يلعب بربطة في راسه ولا همه بس يفرحنا كجمهور ولا ليتانا اللي احسه موطنه الهلال من كثر حبه لهالشعار ونبي وسط ينثر ويبدع مثل التيماوي ابو اثنين يوسف ونبي هجوم يشق المرمى شق مثل الداهية سامي ولا المجنون سيرجيو واظهرة تمتر الملعب تمتير بس اللحين لا حس ولا خبر انتظار للمكافات والاجازات واخشى من ذهاب عقول اللاعبين اللي راح يكونون قادة للهلال بما يسمى الغرووووور والذهاب من جرف لدحديرة راجعوا حساباتكم ياساده فمن لايستطيع الوصول بهلالنا الى مانتمناه يتشرف مشكورا لترك المجال لمن هو اهل له

رسااله خاصة لهؤلاء :

هوساوي الكابتن هو على قولة صالح النعيمه مثل الببغاء ليس للاستهزاء بل صوته في كل زاوية في الملعب فاجعل نصب تفكيرك الهلال واذا تبي الاحتراف ربي يسهل دربك بس هلالنا نبيه بخير

خالد شراحيلي مثل مامدحناك في مباريات سابقة جاء الدور نلقي اللوم ارجعوا للخلف راح تلاقي اهداف ولجت المرمى فيك للاسف يتفاداها اضعف حارس بالدوري لدينا تعلم من عميد حراس العالم ليس بعيب

سالم الدوسري ظهورك بدا في انخفاض اخشى مما يسمى الغرور قد سيطر عليك فانت لاعب قدوة املنا بعد الله فيك كبير فما زال الطريق امامك طويل للوصول لما نطمح له وتتمناه لنفسك لاتجعل الفلاشات تزيد من غرورك وتذكر كلامك في بداياتك في مقابلة شخصية لك حيث افدت مهما بالغ الاعلام في مدحي لا يهمك اتمنى ان تتذكر هذه الجمل

المرشدي راجع نفسك مخارج الدفاع ماشاء الله سبيل صارت للخصم

هجومنا العزيز العربي ولي يونق وين التفاهم حق خماسية نجران ولا بس امام الفرق الضعيفة والباقي مش حالك

المحياني ياجماعة عطوووووووووه فرصه تكفون والله انه عاشق للهلال بس كذا يتم تحطيمه وتبون يقدم مستوى مستحيل

هاشيك بصراحة اثبت ان الهلال اكبر منه وليس طموحنا هذا المدرب الشهلوب احتياط وتغييراته لاحظت دايم قبل مباراة الشباب الاماراتي قبل نهاية المباراة بدقائق كابتن ماجد على غفلة لجل اللاعب يقلب النتيجه في ثواني اقرب طيارة يابو فيصل له تكفى وتوصيلة المطار عندي

بجد كلام مليء بالقهر ويطول لكن فضفضة محب لا اقل ولا اكثر عسى ان نجد الحل المناسب اللي يهون به الجرح ويطيب

امنية عاشق هلالي محبكم شلهوب آسر القلوب