يا شباب اشوفكم على طول نزلتوا في حظ هسيك

لا حول ولا قوة الا بالله ،، اشوف في كلامكم التحطيم والانتقاد كالعاده من حبكم للزعيم ما ادري ولا مسأله تضيع وقت ؟!؟!

لكن بسألكم ما نحترم العقد الموقع مع المدرب ؟!؟!؟ ولا نزيد الطين بله نرجعه ونجيب مدرب ثاني وخذ حرب طاحنه على المدرب الثاني طبيعي لانه ما يعرف الفريق وبيقعد يبدا من الصفر و ...و ... الخ

وبعدين ؟!؟!؟!

يا جماعة الخير المباراه خسرناها بفرص من لعيبتنا مافيه روح الهلال الا مع الشلهوب اما الباقين يلعبون تطبيق تكتيك وياريتهم يفلحون

عطوا المدرب مجال اكبر يفهم اللعيبه واللعيبه يفهمونه لا تحطون كل شي على المدرب الهلال ما يحتاج مدرب الهلال يحتاج روح من وجهة نظري

وين الفريدي اللي يلعبهم لعب وين الزوري يجيك مدرعم يقطع الكوره وبناء هجمه ويلهامسون يوسلهم حبه مرواح يجيك نواف العابد منطلق وبقتاليه ياخذ الكوره وتسديد

تبون الجد راح ياسر وراحت الروح معه

اول كان الواحد اذا جاب الهدف كلهم ينقزون لبعض
الحين الواحد يجيب هدف يتمشى لحاله وضيع لياقته في الهروله لحاله والشباب الثانين طردي وراه ولا منتظرينه لما يوقف عند مسؤول ولا اداري ولا مدرب يسون المجامل الاعلاميه

وفوق ذا كله نقول غيروا فلان وجيبوا فلان والمدرب مافي راسه واللاعب ما عنده سالفه والاداري الفلاني يجامل

الله يذكرك يا ياسر بالخير واحسلك تكّي في العين لان الجو الرياضي غير صحي في المملكه للابداع

الله يرجع الروح لجميع الهلالين مو لياسر بس