رحلتي الربيعية إلى الأراضي الصينية ( الصين- هونغ كونغ - مكاو ) - صفحة رقم 3 - نادي الهلال السعودي - شبكة الزعيم

قرقاص · #1 07/04/2012, 11:49 PM

إقتباس

الرسالة الأصلية كتبت بواسطة مـوت ومـيـلآد !


	مآشآءالله تبآرك الله موضوعك يبيله روقآن , على آخر الليل بدخل إن شآلله عشآن أروّق صح على الصور ! بغيت أنسسى موضوعك ! المهم نبدآ <<-- تتربع مرحبآ يَ أبو ثلآث فيسآت < تخيل ثلآث أصآبع ! - هالأجآنب ذولي يعجبوني مدري ليه < أقصد الأوروبيين فقط ! وهالشرق الأآسيويين ذولي مآدخلوآ مزآجي <<-- يَ سفآبتس شي جميل , لو أنآ بدآلهم كل يوم كل يوم كل يوم بركب فيه ! - أحسه طعمه يصك الرآس ويروّق ! - مآلقيت برج المملكه ولآ الفيصليه ولآ يآشيخ عمآير الملك خآلد ولآ المصمك منّآ ولآ منّآ شي يححسنآ إن لنآ معآلم ! - شوآرعهم إليممممممه , تحس فيهآ حيآة مب زينآ مآتسمع غير حس قطآوه ! - فلللللله ! - يععرفون للبيتزآ ! - شي يرد الروح , أحب منظر البحر وعنده عمآير وأنوآر تخرش رآسك - لبى المبآني الأوروبيه يآنآس ! - يآحلآته بعد لو بقطآر الموت شآيلك ورآميك بوسط هالمآء ! - شيروتي - خلآص من حبكم يآزين عزلنآ هههههههههههههههههههههههههههههههههههههههههههههههههه , جدآ جدآ جميله الرحله وإن شآءالله تكررهآ عمآ قريب ! بالتوفيق لكم !

هلا وغلا موت وميلاد

<< خليتهم اربعة عشانك

في حديقة شينزن بحثت عن معالمنا فماوجدت

مايعرفوننا!!

ابراج الكويت لقيتها!! قهر اقولهم السعودية يقولون وين هذي جنب قطر ولادبي

شاكر مرورك

ليتني همك حبيبي · #2 19/04/2012, 07:55 PM

آبو جنى تقرير رآئع وشيق ومنتـآز

لا هنت ننتظر رعصات قآدمهه وتنزل لنآ موآضيعكك الجميلهه اللي كجمـآل جنى

الخـالدي · #3 20/04/2012, 02:08 PM

الحمدالله عالسلامه والعافيه

هذا مطار ولا صاله افراح

نفس مطارنا بالضبط ماشاء الله

صراحه الصين مهضوم حقها من ناحيه السياحه
واعتقد السبب الاول ان ماليزيا واندونسيا وغيرها الي يميزها الطبيعه والخضره الي قل ماتجدها في دول العالم
بعكس الصين الي مافيها لاخضره ولا اماكن طبيعه مجرد نهضه عمرانيه وجميع الاماكن الاثريه والتجمعات تكون بأماكن صناعيه بحته

< كل شي بالصناعه عندهم

اهم شي استمتعوا بالرحله واتحفنا برحلاتك الجايه حتى لو كانت بمكه

ودي

STS2005 · #4 03/04/2012, 05:55 PM

اول ما اسمع كلمة الصين اتخيل 10 الآلف واحد متراصين في غرفة بدون مكيف ..مدري ليه؟ وحتى الاعلام الصيني في القنوات الفضائية ما يطلعون لنا مثل هذي الصور وكل اخبارهم يا زحمة في الشوارع او تلوث او عمارات مليانه . يمكن ما يبونا نسافر لهم

لولا معرفتي بمصداقيتك ايها المخضرم لقلت ان هذي الصور فوتوشوب وانك ماسح الناس اللي في الشوارع

كلمة ولو جبـر خاطر .. هذي الصورة تصلح فيديو كليــب ..

دائما ما تتحفنا بمواضيعك المميزة وبطريقتك وطابعك الخاص ويكون لحضورك شكل مختلف ورائع.
تحياتي لك

FAISAL AL7RBY · #5 03/04/2012, 06:46 PM

ما ششاءالله تغطية ولا اروع

الواحد و هو يشاهد هذي التغطية يحسس انه مسسافر معك

يازين الجـو وهو مغيم

حتى ششكل الاسسفلت حلو

شششكرا لك يابو جـنى

أميـــر الليل · #6 03/04/2012, 07:38 PM

-

ما شاء الله عليك .. رحلهه ولآ أروع .. والله دخلت جو مع التصوير الرائع
الحمد لله على السلامةة .. !

Fahad Al Sudais · #7 03/04/2012, 07:48 PM

ألف الحمدلله على سلامتكم يابعدي

وانت على فكرة واحد من الناس اللي الله عطاهم خاصية مميزة.. فن الاستمتاع بالرحلات

ماشاءالله تبارك الله والله لا يضرك ويخليك لعائلتك ومحبيك

أهنيك على تقريرك الرائع وهذا الكم من الصور اللي زادت التقرير روعة

لنا لقاء قريب بإذن الله.. الف شكر لك

Hictar · #8 04/04/2012, 01:08 AM

أنا كنت حاط في بالي أتوجه لأوربا بسفرتي القادمة
لكنك غيرت الخطة يا أبوجنى بهالموضوع

وأنا أساساً من عشاق السياحة في شرق آسيا
وأيه دولة يقل فيها تواجد ( المواطن السعودي بالأخص ) و( العربي عموماً )
أو يضيع بين ( المليار صيني ) ولا تشوف خشته

بمجرد ما أشوف سعودي في أيه دولة أسافر لها
يجيني ( إكتئاب )
وأستغرب من ( ربعنا ) بالعطلات سفرهم للدول العربيه
والحجوزات ( فل ) على إيش ما أدري!!؟

الوجيه اللي تشوفها كل صباح بالشوارع ( تلقاها هناك )!!؟
أنا مسافر أبي أفتك من وجيههم - آخذ إجازة وأسافر علشان أشوفك هناك

أبوجنى - وأنت بهاك الديار
ما شفت ( شبّوك )

موج الخليج الأزرق · #9 04/04/2012, 02:45 AM

من طول الغيبات جاب الغنايم

رحلة خيالية وطبيعة خلابة

والتصوير كان اروع

اهم شيء وسعت صدرك هناك وانا اخوك

بس شلون تتفاهم معهم مدام اغلبهم مايعرف انقليزي ؟؟؟ هذي مشكلة هههههه

خاص للإدارة /
مجلسنا الموقر ... أخونا الدوق عضو نشيط .. إللي مثله ما يتوقف .. وإذا مو عاجبكم كلامه ردو عليه بالحجة والدليل

™ ḞǎĩṦằŁ AĹ-ĤĩĹąĻĮ · #10 04/04/2012, 06:19 AM

الآن فهمتك يَ فراس بقنه :S2: مهب ملعوب علينا الا مزروفين زرف محتررررررم

رجآء لحد يتفلسف على راسي .. الصين لاعندهم لا نفط ولا خرابيط .. وسكان آكثر منك ب حوآلي 54 مره <= ترآ جلست آحسب بالجوال

وعلى الآمان .. يقولك العساكر منتشرين بشكل كبير وبكل مكان

تغطية جميلة آوي ونبيها المرة الثانية في استراليا واخواتها

آكثر ماافادي بالموضوع : توي آعرف آن مكاو اسيويه

.. كنت آحسبها من ربع غينيا وبنين وغانا والشلة الحلوة هذي

sanforah.16 · #11 04/04/2012, 06:36 AM

الحمد لله عسلآمتكْ ,
وتقرير ممتعْ << محد جالس يفكر يروح الصين

ما شاء الله عليهم المناظر والمباني شي يفتح النفس

منظر البيك هناا خطيييير جدااً

ال ocean park جرئتني على الالعاب تحمس عندهم مو اللي عندنا يركب الواحد ويده على قلبه ض1
نفسي احضر عرض دلافين مره ثانيه

الصور ما شاء الله ابدااع
وان شاء الله تكررونها مره ثانيه

أبو سواج · #12 04/04/2012, 05:39 PM

ما شاء الله تبارك الله

تقرير ممتع وموثق بالصورة والمعلومة

الله يسعدك ياقرقاص ، ليتك وفرت فلوسك ورحت لأبها ترى ماهي بعيدة عن شرق آسيا اللهم ينقصها بحر فقط فقط فقط !

أحلى عشاء
وزّ مشوي مع الرأس + ديك رومي
والله أعلم !!

وعلى طاري الصين ، نسيبي قبل سنتين اشترى أثاث منزله كاملاً منها ، وكما تفضلت عندهم العديد من الأصناف وبجودة متنوعة ، والتكلفة أقل بكثير عن الموجود لدينا ، وشحنها إستغرق شهرين على ما أذكر .