نادي الهلال السعودي - شبكة الزعيم - الموقع الرسمي - يآسر يرفع شآل آلهلآل وآلعين (قمــةة الوفـآآء)

إقتباس:

الرسالة الأصلية كتبت بواسطة aboody29 (مشاركة 19910783)

ياخي والله حنا جمهور عاطفي لأبعد درجه

موضوع طول بعرض على اساس (( قمة وفاء )) انا قلت الحين تبرع بنص عقده للهلال .. او مثلاً الهلال عنده مشكله وقف مع الهلال رغم مشاركته مع العين

طلع شايل الشال فقط !!

إيه شفت عاد للأسف خيبنا ظنك طال عمرك طلع شايل شال فقط اصلا مايتساهل لازم اذا جا يتبرع للهلال يجي يعلمك طال عمرك ويعطيك نصهن والله ماترده حق وواجب عشان يمكن تسمح لنا نقول عنه وفي ،، وننزل مواضيع عنه ولا شرايك :)

ناسي انه موقع شيك على بياض للهلال يعني عطون اللي تبون اهم شي اني هلالي ،، جب لي لاعب تحسه وفي ،، يوقع شيك على بياض الحين يتشرطون الملايين قبل ينتهي عقده بفتره واعتقد من كلام عبدالرحمن بن مساعد ان روحته للعين فادت النادي لانه كان بازمه ماليه فادرس الوضع مع عبدالرحمن بن مساعد منها يفيد نفسه ويفيد النادي يعني لاتتكلم وكنك رئيس النادي وكل شارده ووارده تدري عنه وعن نية ياسر وعن تبرعاته وتنازلاته لنادي الهلال يكفي اننا ضامنينه انه مستحيل يروح لنادي سعودي غير الهلال لو يغرونه بإيش

إقتباس:

اسطورة الملاعب

المشكله ان مكان الموضوع ماهو في المكان المناسب فقط هذا الي مزعجنا

لاتقعد تلف وتدور الموضوع كله مزعجك عارفين يعني مايحتاج نوعياتك معروفه والله اني ارحم اللي يغيضهم وجود ياسر او كتابة اي موضوع عنه مسكين الله يشفيك يارب

إقتباس:

اتمنى من الاشرف حذف هذا الموضوع السخيف

انا اخبر الشي السخيف مايدخلونه ويتفاعلون معه الا سخفاء ولا شرايك ،،
ونتمنى من كل عضوحاقد على نجم من نجومنا ان يحذف من هذا المنتدى اللذي لايرتقي لمثل هذه الردود الطفوليه للاسف

إقتباس:

الرسالة الأصلية كتبت بواسطة مستشاره (مشاركة 19914840)

+1

صح نحب ياسر بس عاد بشووويش :yes:

حلوه بشويش وش شايفتنا ساجدين له مثلا او وش ،، مشكله الناس اللي مع الخيل ياشقراء

رفع علم الهلال وهو محترف بدوله اخرى وشكرناه الحين الله يهدينا ويصلح قلوبنا ازعجناك وكل مواضيع المنتدى بنظرك انقلبت عن ياسر ،،
هو موضوع واحد ترى دققي زين اطلعي وادخلي يمكن صفحتك مخبطه اتوقع قلبت لك كل المواضيع عن ياسر انصحك تفرمتينه قبل تتوهقين بردود غلط :)

ع العموم اشكرك اختي ترحال الحب على تقديرك لنجم من نجوم الزعيم << ولازال حطي تحتها الف خط يمكن بعضهم يحسبونه اخذ الجنسيه الاماراتيه

واي نجم من نجومنا يبيض وجيهنا بأي محفل لابد نشيد له ونشكره هذا واجبنا كجمهور ولا ليه اسمه منتدى الجمهور الهلالي الا عشان نشيد بمن اشاد وننقد وليس نجرح كل من اخطأ
ومن حسن الاخلاق اننا كجمهور ماتهون علينا عشرة اي لاعب سواء اعتزل او انتقل وهذا من حسن الاخلاق واكيد الناس مو كلهم سواء منهم من تهون عليه العشره وشفنا كثير منهم بالمنتدى ومنهم مثل صاحبة الموضوع مثال للجمهور الواعي

دمتم بود