سمعتوا بسالفة ::النصر مسحور؟؟:: هنا اعلمكم السبب
 

السلام عليكم ورحمة الله وبركاته
قبل تقرؤون الموضوع والمقدمة وقبل تدخلون رابط الحوار كاملا
مايحصل لنادي النصر ليس الا نتيجة لأعمالهم ودلالهم وسرقة حقوق الآخرين
أرجو منكم إخواني عدم التهكم بعبارة النصر مسحور وتضحكون منها
السحر ذكر في القرآن ويجب أن نؤمن فيه بشكل عام
أعاذنا الله وإياكم من كل سحر ومن كل ساحر
*************************
هذا حوار نشر قبل حوالي ثلاث سنوات للاعب نادي الرياض سابقا حسين العييد
أترككم مع المقدمة واترك لكم الرابط لقراءة كامل الحوار
وذلك فقط لتعرفوا أن سبب تدهور حال النصر هو بإختصار مايلي:
السرقة
التزوير
الظلم
الدلال
الهمجية
السلب والنهب
**********************
يحفل التاريخ الرياضي لأندية المنطقة الوسطى بالعديد من الأحداث والمواقف المثيرة المحفورة في ذاكرة رياضيي الأمس حتى اليوم.

ولعل من أبرز تلك الوقائع التاريخية أحداث المباراة الشهيرة التي شهد فصولها ملعب الصايغ قبل 47 عاماً وكان طرفاها فريقين من أندية الدرجة الثانية يبحثان عن الأضواء والصعود لمصاف أندية الدرجة الأولى آنذاك وهما فريق النصر وفريق الاتحاد (الرياض) فحدث بعد نهاية المباراة التي انتهت بفوز الاتحاد (الرياض) (1/0) ان تعرض حكمها السوداني محمد الجمل بجانب مدرب الاتحاد رمضان خضر للاعتداء بالضرب من قبل جمهور الفريق الخاسر وفوجئ الجميع بالغاء تلك النتيجة بقرار من رعاية الشباب وتقرر اعادة إقامة المباراة لكن الفريق الفائز - الرياض- رفض القرار واللعب فاعتبر منسحباً وخاسراً لتبدأ بعدها حكاية أشهر اشكالية كروية في تاريخ رياضة الوسطى عام 1383هـ

صورة اللاعب
http://s.alriyadh.com/2009/02/06/img/072089.jpg


لقراءة الحوار بالكامل اضغطوا على الرابط
هـــــنـــــا

دمتم بود

عزيزي الايمان بالسحر شيء والتصديق بان النصر مسحور شيء مختلف تماما ،،، تبرير مهازل النصر بالسحر امر يستحق التهكم والتندر من وجهة نظري. تحياتي.

اشكرك اخي بلوسكاي
من يصدق ان النصر مسحور إما جاهل أو مشجع نصراوي
وكلاهما نفس المعنى
الموضوع هذا غيض من فيض من أفعال هذا النادي المدلل
نادي كان يلعب مع النجمة والدرعية وغيرها
أمنيتي أن يعود لمكانه الطبيعي بينهم

يكفي ان مابني على باطل فهو باطل

ع حسب اللي وصلني
يقآل وحط تحتهآ خط
النصر مسحور من الامير ممدوح
وبعد فوق هذا الادآرهـ جآبت مشآيخ
ويقولون فيهـ سحر وفي أكثر من موقع
والله أنآ أحترت صدق او لا تصدق

يــعني زي اللي يقول انه انخفااض مستوى النصر
هو السحر .........!!
ب الله عليكم اداره فاشله لاعبين فينهم اللاعبين
م فيه لاعب تقول عنه تووب ماشا ءالله
اعضااء شررف ووينهم ع الناادي
ولاو يقوولوون سحر ....!!

عوااافي....!!

يحاولون يشغلون جماهيرهم بخزعبلات واوهام عشان ينسونهم فشل فريقهم ونتايجه السيئة

انتم صرتو مثل النصر كل سالفتكم سحر النصر ‏

بعض من جماهير النصر مغفلين

الاداره ما سوت اي شيء عشان تقولون النادي مسحور

رجيع الانديه خالد عزيز مالك حسينوه والقائمه تطول

لاعبين اجانب لهم كم شهر ما لعبو كوره اسماء غريبه

ممدربين فاشلين الاداره ما تبغى تدفع كثير

لو كانت الاداره قدمت لاعبين من الطراز العالي امثال رادوي فكتور ويلي

ولا نجحت كان نصدق السحر

عووووافي :rose:

قصة الحكم الجمل واعادة المباراة موثقة وتدرس بجامعة الملك عبدالعزيز بجدة
ومؤلف الكتاب ايمن ساعاتي على ماأعتقد
اما موضوع السحر فهو للتغطية على فشلهم والجماهير مصدقه
مرة التحكيم مرة اللجان مرة السحر مرة الحظ والحين دور السحر

يعطيك العافية

المغزى ان اعذارهم لتبرير الفشل خلصت
والحين طلعوا سالفة السحر للعب بمشاعر الجمهور المغلوب على امره
لكن السحر اللي يعانون منه هو اكل اموال اللاعبين بغير وجه حق ودعوات امهات المتضررين من هالنادي
سواءا لاعبين او حتى جمهور
يعني مثلا تخيلوا معي واحد يشجع النصر وانهزم فريقه وانحاست اخلاقه ونفسيته تدهورت؟؟
مثلا واقول مثلا (ويمكن صارت)
تجي امه تشوفه على هالحالة وش بتكون ردة فعلها؟؟؟
بتقول: الله يقطع هالنصر اللي ازرى بحالتك!!!
يارب ياكريم اشوف النصر مايلعب الا العصر
مع الشعلة والنهضة
يااااااااااااااارب نشوف ديربي بين النصر والرياض
نادي ظلم كثيرين
ناس اقرباء لي ومن اعز الاقرباء لي يشجعون هالنادي
والله ثم والله ان حالتهم يرثى لها
اللي يشوف مو مثل اللي يسمع
اكيد تسمعون عن احوال جمهور النصر
لكن اللي له اقرباء يشجعونه. يعرررررف حالتهم