][ ..Serie A 30 .. ][ كاتانيا يعطل الميلان بالتعادل , واليوفي بثلاثية يقلص الفارق مع المتصدر وروما والانتر يضربون بالخمسة ||] - نادي الهلال السعودي - شبكة الزعيم

M3AKS · #28 02/04/2012, 08:39 PM

..

مسيتوا بالخير ..

اليوفي الكاسب الوحيد من هالجولة ..

الميلان

ونابولي والفيولا أكثر الخاسرين فيها ..

الأوضاع حامية في القمة والقاع ..
الشيء المهم عندي هو الممثلين في البطولات الأوروبية الموسم الجاي ..
اتمنى يدخل الانتر أو روما أو نابولي للمركز الثالث ..
بنفس الوقت ما أتمنى أشوف لازيو في دوري الأبطال وما أبي أودنيزي في الدوري الأوروبي ..

الميلان أستنزف هالموسم بين الدوري والكأس والأبطال في ظل الاصابات الكثيرة والطويلة ..

أمام كاتانيا ظهر هالشي بشكل كبير وشفنا اللاعبين بالكاد يتحركون في الملعب حتى إن اليجري كان زعلان طوال وقت المباراة ..

أتمنى ترجع المعنويات لطبيعتها أمام البرشا لإن القرينتا احد أهم الأسلحة بكره ..

روما إذا ما أستعاد هالمزيون مع بداية الموسم الجاي فأوضاعهم راح تزيد صعوبة ..
الميركاتو لروما جيد جدا والريس يدفع اذا ما فيه مدرب على قدر الامكانيات اللي تقدم فما فيه فايده من الدفع في لاعبين جدد ..

انتر جديد مع المدرب الجديد ..

اذا صدق موراتي يبي ياخذ بواش الموسم الجاي فراح تتكرر حركة بواش مع لاعبي تشيلسي هذا الموسم ..
أغلب لاعبي الانتر من كبار السن وبواش ما راح يعتمد عليهم في ظل ميركاتو خايس من موراتي أكيد بينتج عنه تخبط كبير للفريق ..

اليوفي يقدم أفضل مبارياته أمام الكبار ..

معاناة الفريق تظهر بقوة أمام الأندية الصغيرة اللي تعتمد على الدفاع واللعب على المرتدات ..
اليوفي يحتاج تعزيز في الهجوم والدفاع من أجل تقديم مستويات أفضل الموسم الجاي أمام الصغار ولأجل المشاركة في دوري الأبطال ..

كونتي بدأ يتنازل عن بعض قناعاته ورجع يلعب باليكس

كل ما لقى إن هجومه في وضع سيء ..
أخر الحلول اللي حاول كونتي تجربتها في المقدمة الباكستاني بوريليو

ويوم تأكد من عدم نفعه نهائيا رجع يلعب بأليكس وهي حاجة تحسب له بكل تأكيد ..

بالو النفسية ..

بعد اللي صار قدام سندرلاند طلعت أخبار إن السيتي بينزل إسم بالو في الميركاتو الجاي ..
أتمنى من جالياني الدخول في الصفقة بحكم إن ما فيه عروض للاعب وبينزل سعره ..
الميلان نجح في ضبط أكثر من لاعب نفسية مثل كاسانو

وابرا

وأتمنى ينجح في ضمه وضبطه ..