29/03/2012, 01:26 AM
|
| زعيــم جديــد | | تاريخ التسجيل: 09/01/2010
مشاركات: 11
| |
دعوه للتفآؤل + رأيي + معادله جديده حديثة الاكتشاف + ومع الأسف !
السلام وعليكم ورحمة الله وبركاته ما تعودت أكتب ولا أردّ ولا أعلّق .. مجرد قارئ ومستمعٌ ومنصت  اليوم هذآ أول موضوع لي في الشبكه وأرجو أن أكون خفيف ظل عليكم .. ما راح أطوّل بالمقدمات وبدخل بموضوعي مباشرةً دعوه للتفآآؤل أول شي اعذروني بسرد كلامي بالعاميّه واقول اللي بخاطري  ثاني شي هاللحين لييش انتوا ما تتفائلون بالمرحله الجايه ؟ بقولكم شي تدرون إني عكسكم ؟ وأحس إن الجاي راح يكون أفضل من ماضينا القريب فقط !! أدري ليش مو متفائلين ! بتقولون الكوري ما يدل القول .. وبتقولون العربي ثقيل وويلي ماهو مثل أول .. وبتقولون الأظهره سيئين وقلب الدفاع اليسار سيئ .. وبتقولون المدرب ماعنده سالفه .. وبتقولون الإداره ضيعتنا يوم خبصت الفريق من البدايه .. وبتقولون وبتقولون وبتقولون طيب دقيقه دقيقه هاللحين انتو الموسمين اللي راحت ما كانت الأمور عكس كلامي اللي فوق ؟؟؟ يعععني ما كان عندنا اقوى دفاع واقوى هجوم وأعننف وسط ؟ وأطلق مدرب بعد ؟ ومع ذلك طلعنا صح ولا لا ؟ ( أقصد الآسيويه ) الموسمين اللي راحت كان الهلال يستعد أفضل استعداد من قبل بداية الموسم ويكون الفريق مكتمل والأجانب مكتملين الجاهزيه والمدرب ما تمر أربع جولإت إلا عارف الفريق صح والإداره ماشيه صح وبالفعل يكتسسسحون الفرق ويجيبون الدوري باكتساح وكأس ولي العهد بالراحه ويتألقون بالتصفيات التمهيديه للاسيويه .. لكن الإرهاق اللي يكون عليه الفريق نهاية الموسم خصوصا مع اشتداد المنافسه في البطولة الآسيويه والمنافسه على كأس الملك تعجّل بخروجنا والفريق تختفي روحه ويبون الموسم ينتهي بس .. تدرون ليش ؟؟؟ لأن العلّه من الأساس إنك تمشي صح وسياستك صح لكن الجدوله المحليه اللي عندك وحتى الجدوله الأسيويه اللي تكون على موسمين هي الغلط وتخلّي الإداره موقفها صعب .. كيف إنها توفّق بين كل المتاح من البطولات ! وهذي برأيي مستحيله لأن صعب تبدأ الدوري بنفس قوي وتنهي الموسم بنفس النفس اللي بديت فيه ! يعني بالعربي الرياضه عندنا " خلك عوج تمشي صح " !!! معادلة غريبه عجيبه ما أشوفها إلا عندنا .. وعلى فكره هذي اللي يمشي عليها الإتحاد ومطبقها بحذافيرها وشوفوه ماشاء الله متفوّق آسيويا .. ولاحظوه يبدأ بانحدار ومستوى سيئ وبنص الموسم يغيّر المدرب وينتفض الفريق وترجع المعنويات ويروّق نور .. بعدها يحقق مستويات جيّده بآخر الموسم ! الخلاصه اللي أبي أقولها واللي أنا متفائل بسببها " سوء الاستعداد بداية الموسم وسوء اختيار المدرب ومع الصعوبات الفنيه اللي مرينا فيها .. ممكن تكون نتايجها عكسيه بنهاية موسمنا الحالي " مع الأسف على أن مباراة غدا لا تبعد عني سوى شآرع واحد إلا أنني سأكون مضطرا لمتابعة نتيجتها عبر موقع كوره فقط : ( إنه دوآم الشفتآت يآ سادة !! أخيرا .. اعذروني ع الإطاله وعدم التنسيق ( أول موضوع ومنه نستفيد ) وإن كان هناك خطأ فتقبلوه مني وإن أصبت فاسعدوني بما سأرآه بالأسفل وبالتوفيق للزعيم غدا إلى الملتقى في حفظ الله جميعا  |
![الصورة الرمزية الخاصة بـ ..[ 3beer ]..](images2/images14/images/avatars/hilal/Logo2.png){kind=logo}
الوضع المتطور
