|
السلام عليكم انا والله من زمان تارك الكتابات بس قلت لا بد اكتب اليوم السلام عليكم ورحمة الله الهلال الحمد لله يسير بخطي جيده ما ينقصه فقط بعض الاجانب . الدفاع يحتاج قتاليه اكثر التغطيه وحسن التصرف في الكره وخاصه في الاوقات الحرجه والنتيجه حرجه الموضوع الذي دعاني للكتابه هو ضربات الزاويه التي تحتسب للهلال وعلى مضي اكثر من ثلاث سنوات الهلال لم يسجل من كورنر وبمعدل 10 ضربات زاويه للهلال لا يحسن التصرف بها وبعد عمل احصائيه قد لا تكون دقيقه 100% بس تقريبا وخلال ثلاث سنوات احتسب للهلال 200 لقاء حصل الهلال على 1900 ضربه زاويه لم يسجل سوي واحد او اثنتين والله اعلم وارجو ان كنت غلطان ان يصحح لي من هو اعلم مني . العيوب والاضرار اهدار فرص التسجيل تضييع الوقت حيث الهلال لا يستفيد من الكورنرتقدم الدفاع للامام من اجل التسجيل كونهم طوال رغم ذالك لا يسجلون ويحرجون الفريق بالمرتدات التوجيهات عدم الرفع المباشر بل مره رفع ومره تمرير للجنب والدخول بالكره لخط 18 والاستفاده تدريب اللاعبين على ذالك وشكرا لكم واسف للاطاله |
- كلامك صحيح وسليّم .. أأيدك وبشّدهـ ع آنه الاستفادهـ منها مهمّه وبشدّه ف المباراة ,, خاصة إنها تخلصّ لك مباراة ,, + - أعجبني آنك مو بس تنتقد ! .. جبت حل بعد .." هذا النّقد الي نحتاجه :rose: ألف شكر لك ولا قصرت أخوي احترامي لكك |
يعطيك العافية اخوي على الموضوع الجميل والتي للاسف هذه مشكلة معقدة في الهلال وسببها ان للأسف ماجد المرشدي - اسامة هوساوي ليس لديهم التحام قوي اثناء الرفعة اضف الى ذلك ليس لديهم ارتقاء عالي للكرة وقد تكون من الذي رفع الكره لا يرفعها بالشكل المطلوب اخر هدف اتذكره كان من ضربة ركنية هدف ماجد المرشدي على بنيدكور الاوزبكي في دور الـ16 من دوري ابطال اسيا حينها فاز الهلال بـ3-0 وكان الهدف الاول من ماجد المرشدي واذكر بعد هدف اسامة هوساوي على مااظن في 2009 على سبا باتري الايراني في الجولة الاولى من دوري ابطال اسيا اتمنى ان تحل هذه المشكله بااسرع وقت |
...صدقت والله الهلاااااال تجيه ركنياااااااات بااالهبل ولااايستفيد منهاااا قمة القهر... ...أتمنى المدرب في التدريباااات يركز على هاااالنقطه... ...وألف شكــــر لك أخوي على هااالموضوووع... |
يعطيك الله الف عاافيه كلامك سليم - الهلال بــ اللاعبين المحليين ممتااز بس الاجاانب مو ذااك الزوود - تخيلوا لو الهلال يستغل ضرباات الزواايه ايش رااح يصيرر ....؟؟!! لانهاا بجد ضرباات الزواايه مرره كثيرره اللي يتحصل الفريق عليهاا بس للاسف م فيه استغلال.... اتمنى منهم اسستغلالهاا جيداً...... |
كلالام سليم الكورنر عندنا مانستفيد منها والاهلي هذا الموسم اكثر أهدآفهـ عرضيات آهـ لو نستغلها كآن والله نطلع بمحصلهـ كبيرهـ من الاهدآف كل مبآرآهـ |
كلامك مختصر وجميل يعطيك الف عافيه يا اخوي |
فعلاً الفريق لآ يجيد الاستفآدة من الضربات الركنية :yes: ويجب التدرب عليهآ وعلى طريقة تنفيذهآ اللاعبين لازم يكون عندهم جرأة فالالتحآم :yes: , أغلبهم يبي الكورة تجي على رآسه :s5s: نقد هآدف , يعطيك العافية :rose: |
مستحيل 200 مباراة خلال ثلاث سنوات في السنه الهلال كحد اعلى يلعب مايقارب 40 الى 45 مباراة اما بخصوص الكرنر انا معك اتفق وبشده في ان الهلال يفتقد للاستفاده من الركنيات بشكل كبير لا اعتقد انه هدفين اللي سجلوا للهلال في الكرنر ماجد المرشدي على بنيودكور ماجد المرشدي على الفتح اسامه هوساوي على الفيصلي بالكعب اسامه هوساوي على الوحده في مكه اسامه هوساوي على سابا باتري اسامه هوساوي على الطحالب في الرباعيه الاليمه هذا مايحضرني الان تحياتي |
كلامك صحيح 00والمفروض الاداره تنبه المدربين لهالنقطة وتجعلهم يدبرون لها حلول ولا على ايش مدربين |
كلامك في مكانه ونقطه مهمه وحساسه لو تم الانتباه لها قد تكون مفتاحا لفوز في بعض المباريات [وبعد عمل احصائيه قد لا تكون دقيقه 100% بس تقريبا وخلال ثلاث سنوات احتسب للهلال 200 لقاء حصل الهلال على 1900 ضربه زاويه لم يسجل سوي واحد او اثنتين] اظنك بالغت شوي:yes: |
كلامك سليم 100% يعطيك العاافيه ع الطرح الرااقي <<ليت كل من انتقد تعلم منك ^_^ |
| الوقت المعتمد في المنتدى بتوقيت جرينتش +3.
الوقت الان » 06:34 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd