|
هل توافقوني الرأي ( اللاعب الكوري ) .. ؟؟ اولا بسم الله الرحمن الرحيم .. ماحب اطيل في المقدمات .. خلوني .. ادخل سريع في الموضوع .. جماهير الهلال .. خلونا نرجع شوي لـ ( الماضي ) .. وش كانو يقولون علينــا كـ جماهير عندما نحضر لاعب .. ( السي في ) حقه .. مش ولا بد .. وويلعب في الهلال ... ويكون الحافز المعننوي له .. واظهار مستواه هم ( انتم ) يـ جمهور الهلال .. في كل هجمة في كل لمسة له .. كانو جماهير الانديــه الاخرى تحسدنا ع هذي الميززه .. وللاسف اشوف ان هذه الميزه اقتبسوها مننا .. أنديـه اخرى اللاعب الكوري الكوري والله .. مو ناقصـــة شيء من الاساسيات الهجوميــه لاعب . ناقصـــــــــــــــــــــــــــــــــــــــــــــــــــــــــــــــه انتم يـ ( جمهور الهلال ) .. خلونا نوقف معه .. بس مره 1 وراح تشوفون مثله مثل ( ويلهامسون ) . الي كلنا قلنا افشل لاعب ... وصرتو ماتستغنون عنــــــــه .. اجلسو شوي مع انفسكم .. وارتاحو ترى صرنا نتنرفز بسرعه ع امور سهله .. والحمد لله امورنا سليمــة .. خلوني . اعطيكم مثال قريب .. لـ ( جمهور الاهلي ) ... ( فيكتور سيموس ) يوم غاب عن التهديف . وش سوو له جماهير الاهلي .. عبارات وتحفيز .. عشان يرجع لـ ( حس التهديف ) يمكن 3 مباريات او 4 مباريات ماسجل .. والكوري مباراتين .. سويتو من الحبه قبـــــــــــه .. خلونا .. بس نعطي ( الكوري ) حقه من الواجب علينــــــــاا .. الا وهو وقفتنـــــــــاا له .. واتمنى تكون ردودكم ( ايجابيـــــه ) في الموضوع .. |
ب صرآحة آخوي .. كم مرهه الجمهور آحسه وقف وآنتظرره آعطي افرصصة كثييير كثيرر ,, آخوي الواحد اذا الآسآس فيه كذا .. م والجمهور الي بغير آسآسه ! , , لكن ما آقدر آقول ان كلامك ماراح ينجح .. لان ف الاصل م جربنا ,, ولكن الاقرب آحس ,, آنه لا للأسف " والله آعلم - شكرا لك لمحآولتك دعم اللآعب ,, يعطيك العافية |
اللاعب الكوري لا يملك من الحس الكروي شيء وش تبينى ننفخ في قربه مفقوعه !! بعدين الهلال مقبل على بطولتين مهمه فمن باب اولى ان تبان من الان عيوب كل لاعب قبل لا يقع الفاس بالراس تحياتي |
كلام سليم وجميل >> يجب ان نعطي اللاعب كل الدعم والمؤازرة |
يبوي وش تحس فيه وانت تقارن الكوري بمكينة الاهداف السفاح سيموس !!! جمهور الاهلي لما شافوه وقف عن التهديف شجعوه ولاحظ قلت وقت عن التهديف لكن خوينا السواق الكوري ماشفنا يجيب اهداف !! كل اهدافه مافيها اي مهاره واي مهاجم عايدي يجيبه .. ولو كان مكانه وليد الجيزاني امس اراهنك انه بيحيب هاتريك فالنصر ! معليش اذا انت تبي تحمس الجمهور وتبيهم يوقفون من الكوري لاتحاول تستفزهم بمقارنه ضالمه ومافيها اي انصاف !! معقوله حالة الكوري مثل حالة سيموس !!! حدث العاقل بما يعقل ياصديقي |
والله ان اللاعب الكوري ممتاز وتحركاته ممتازه جدا ولاعب يخلفت توازن الدفاعات ويمكن الحظ ما يساعده في التسجيل بس مثلما قلت ياخوي لو الجمهور بس في المدرج يردد اسمه راح تشوف ابداع اكثر واللاعب ما شاء الله عليه على الأقل أحسن من العربي اللي الكورة ما تثبت في رجوله |
بسم الله ارحمن الرحيم موضوع جميل الاعب الكوري لاعب مهاجم صريح لاكن لم نقتنع بما قيل عنه لاعب مراوغ وهداف ولاكن نتمنى منه الكثير وبالتوفيق لزعيم |
الكوري سيء جداً ., ولو حمسته وشجعته ماراح تستفيد لأنه ماقدم شي من يوم جاء ! ماضيعنا إلا هو ! قدام الحارس مايعرف يشوت لازم يطيح امس الهجمة الي انفرد فيها في بداية المباراة يوم لمس الحارس الكورة وهي براا منطقة الجزااء ، لو لاعب غيره ماشات الكوره يمديه يعدي بالحارس ويسجل هدف لكنه مايعرف ينفرد ! |
يآرجآل هذا لاعب فآآآآشل !!! يضيع فرص ماتضييييع ؟؟! لو يعطون سعد فرصه ! بدال الفاشل ذا ... |
الكوري حرام يمثل الهلال مع احترامي له الله يوفقنا في الاسيوية وكاس الملك |
كيف نشجع لاعب مايعرف يركض بالكوره !!! قسم يقهر |
الكوري المركز المناسب له الحضانة مب حق كورة اجل نصبر عليه لين تجي له هجمة زي انفرادة الغرافة ويسجلها !! |
يآرجآل هذا لاعب فآآآآشل !!! يضيع فرص ماتضييييع ؟؟! لو يعطون سعد فرصه ! بدال الفاشل ذا ... |
مهااجم ممتاز جدًا، ويحتاج للصقل قليلًا، فهو موهبة سنندم عليها كثيرًا |
الكوري بيونغ سو مايعرف يتعامل مع الكورة يضيع فرص بالهبل انا مو متفائل بـ هاللاعب الافضل تنسيقة من الفريق المووسم الجـاي |
الكوري مشكلته في اللمسة الأخيرة ولكن تحركاته داخل الملعب وضغطه على المدافعين وفتح خانات وارتقاء ممتاز جداً, اعتقد مشكلته نفسية لأن مو معقول الهجمات اللي يضيعها سهلة جداً, وانا اتوقع جلسة معه بالإضافة للتحفيز من الجمهور راح تحصلون عندكم مهاجم على طراز عالي جداً . قبل احد يحكم على كلامي اتمنى يرجع يشوف المباريات اللي شارك فيها الكوري وتم استبداله بما فيها مباراة الأمس.. بعد خروج الكوري ماعاد نشكل اي ضغط على مرمى الخصم .. امس رجع الضغط في آخر خمس دقايق ولكن من خروج الكوري الى الددقيقة 85 هجومنا ضايع وبلا اي فعالية . |
+ 1 مميزات الكوري كان الجمهور كله يطالب بتلك المميزات العام الماضي وكل واحد يرجع لموضوعه ويكوون منصف : المميزات : (( من خلال المتابعة للمباريات وارجعوا لها تتأكدوون )) 1- يلعب الكورة من لمسه وحده يغمز الكرة ويتحرك وشاهدوا لعبه واحكموا 2- يتحرك بكل أرجاء الملعب عرضيا وطوليا وقطريا مما يرهق الدفاعات ويتيح الفرصة للاعبين الاخرين للتسجيل (( مثل انفرادة ويلهامسون )) 3 - يشارك بالكرات الطولية المرسله من الحارس ويكسبها لصالح أقرب لاعب وهذه كان الهلال يفتقدها على مدى 15 بعد أن كانت كل كور الحارس لصالح الخصم 4- لا يحتفظ بالكرة كثيراا ( ميزة رائعة جدا ) يفتقدها 90 % من اللاعبين 5- يقاتل على الكرة ان لم تكن بحوزته وعودوا للمباراة السابقة وغيرها كرتين بالامس حصل عليها بقتاليته وصنع هدفين احدهما اضاعها النجم سالم بقلة الخبرة. 6- يجيد ضربات الرأس باتقان وهذا ماكنا نطلبه. 7- لاعب سريع وسريع جداا . العيوب : (( بصراحة عيب وحيد )) وهو : الطــفـــاقـــة قدام المرمى وأنا أعزو السبب للثقة التي افتقدها بعد أن قام (( دوول )) بتهميشه على الدكة . والدليل : أنه كان هداف بارع بالقدم والرأس قبل (( الدكة )) مايحتاجه الكوري للابداع مايلي : 1- وجود مهاجم مساند بنفس المميزات وخصووصا ( السرعة - كثرة الحركة - ضربات الرأس - قوة التصويب = مهاجم لاتيني )) 2- وجود أضهرة ولاعبي وسط يتقنوون الكرات العرضية (( قوية + لافه )) وبصراحة نفتقدها بالهلال مثلا الفريدي ويلهامسون والشلهوب والعابد كراتهم تفتقد للدقة + التفاف الكرة التي تصعبها على المدافع . 3- وجود لاعب ينفذ الكرات الثابته البعيدة - ركنية أو فاول - داخل الصندووق وأرشح (( عادل هرماش )) مع تتدرب بقية اللاعبين على التمركز بالــ 18 وتشتيت الدفاع |
أتفق معك ما دام اللاعب يلعب بشعار الهلال فالواجب الوقوف معه من قبل الجمهور ومساندته ليتطور مستواهـ ويقدم أفضل ما لديه |
قالوها من قبل الكوري يبيله مترجم يبغى تشجيع وموآزره يبغى لوحة ترحيب وتشجيع باللغة الكوريه [[[ أحرفها بسيطه ,,, مخطط بيت مجلس ومقلط ومدخل وكراج سياره ]]] تحركاته تحركات لاعب مشاكس لا يكل ولا يمل يربك الدفاع بتحركاته |
لاعب مو قد الطموح نبي مهاجم ماايرحم قدام الباب واتمنى البرازيلي لاعب فاسكو دي جاما ديغو سواز قسم بالله مجنون Gols de Diego Souza no Vasco em 2011 - YouTube الرجاء كتم الصوت |
كلآم سليمٌ وإنإ إؤإفقكك إلرإيً : ) |
الكورى ضيع كم فرصة ، ولو ان ياسر مكان الكورى لسجل على الأقل 3 أهداف فقط .. النصر فريق سهل جدا .. تقدر تفوز عليه ، ولكن بسبب سوء المستوى من جانب بعض لاعبى الهلال وخاصة الكورى .. المستوى مايطمن |
فيهـ فرق بين لاعب غايب عن التهديف مثل فيكتور وفيهـ لاعب ماسجل مع الفريق الا أهدآف لا تتجآوز الثمانيهـ ولا تقولي هو هدآف الدوري الكوري خلاص الكوري بان ع حقيقتهـ هو يجيد التمركز الرائع والله يدل ع أنهـ مهآجم بس اذا جاتهـ الكورهـ يتورط بها والعربي والحارثي افضل منهـ بكثير حرآآم يوجد بالزعيممم لاعب مثل الكوري!!! |
انا اشوف الكوري من افضل اللعيبه بالفريق, صحيح احيانا يضيع قدام الباب وهي قليله لكن هذي تصير مع كل مهاجم لازم يضيع كم هجمه لكن تحركاته خطيره وتمركزه صح وبالركنيات لنا او علينا خطيرررر بس ناقصه دعم جمهور وهذا شي صحيح من جا ما سمعناهم يهتفون له,يعني مع النصر سجل قول وردها الحارس بيده برا المنطقه هذي كرت احمر لانها زي الاعب لما يصد الهدف بيده, ثانيا عدا من الحارس وبيسجل الثاني واعاقه وهذي ايضا كرت احمر لنفس اللاعب للمره الثانيه .. وفي كل الحالتين الكوري تمركز صح وانطلق صح ( وقت ما حصل له لاعب يفهم له ويمررها بشكل مناسب) ,, عالعموم انا اشوف انا اشوف ان العرضيات من الاظهره او ويليهامسون كله صيد عصافير ولعب العمق مو ي ماكان مع جيرتس لذا مالوم المهاجمين بنسبه عاليه ,, اجل ركنيات مافي امل واحد يرفعها صح .. ايضا استلام وتسليم الكوره وهي من الاساسيات نراها مفقوده عند بعض اللعيبه,, فيه بلا عندنا بالاظهره والمحاور.. وحاليا افضل من يسلم الكور الطويله هو هوساوي مع انه مدافع. |
لاعب مزعج للدفاع بلا شك ومكسب اتمنى ياخذ الفرصة اكثر |
لاعب فاشل وانت على كلامك نشجعه هو متى صار مستواه زين عشان نقول يرجع مستواه هذا الفاشل ماقدم شي يذكر عشان نقارنه بسيموس سيموس كان مستواه راقي ونزل مستواه وسانده الجمهور من اجل اعادة مستواه اما الكوري ماعتقد يبيله تشجيع وانت الصادق يبيله تسفير اغبى لاعب شفته احس ماله عقل بالعربي ابقر ماينفع يبيلي اسفره على حسابي والا اقول خل يرجع على حسابه ماعنديً فلوس |
موضوعك حلو من ناحية مبدأ الوقوف مع اللاعبين ، لكن لو كان هالكلام عن يوسف العربي كان ممكن اقول حنا مقصرين ! لكن يونغ سو ماتوقع مستواه حاليا مرضي للجميع .. وحنا مانقف ضده ، لا ابداً طالما انه لازال يلعب لشعارنا لكن بنفس الوقت ماحنا ملزومين نقنع انفسنا فيه :) |
شلك بالبحر واهواله ورزق الله على السيف هذا مثل يطلق على الحداقة الله يحبون السيف عندنا المحياني وسعد افضل بلميون مره اذا كان الاجنبي اقل من مستوى من المحلي وشلنا فيه ياخي المحلي افضل ليش ندور وجع الراس وبعدين خذ فرصته واكثر الله يرحم ايامك ياياسر في اضعف حالته افضل من الكوري وتراكم معطينا اكثر من حجمه |
اللمسه الأخييره عنده (صفرر) اضف إلى ذلك مايعررف يركض:razz:!!!! لككن يجب على الجمهور دعمه حتى نهاية الموسم لأنه لاخيار لنا غيير ذلك ومن ثم في نهاية الموسم إحضار بديل له لأنه بإختصار شديييد: (((لا يليق بمستوى زعييييييييم آسيا))):yes: :rose::rose: |
والله ترى لاعبنا خطير بس الوضع صعب في الهلال |
الكوري مواصفات مهاجم فايف ستار لكن ينقصه الحظ والتركيز سرعة / كسر لمصيدة التسلل / تمركز / إجادة ضربات الرأس / تحرك بدون كره عيبه الوحيد / إضاعة الفرص صح ان هذي الزبده في المهاجم التسجيل بس من المفترض على الجهاز الفني تخصيص حصص تدريبيه للاعب على التسديد من أماكن ومسافات مختلفة |
يعطيك الف عافيه على الموضوع تحياتي |
يا اخوووي اول مباراة لككوري بالهلااال وانا اقوول فاشل !! من لمساته ما ييعرف يمرر !! كيف تجيب لاعب ما يعرف يمرر .. واليسار عنده .. 0 .. ما يعرف يشووت "" لاعب فاشل بكل المقاييس مع احترامي |
كلامككككككك 100 % صحيح .. والله احسسه يبي له وقت لا تنسوون انه صغيير عمرهــ 23 سنه بسس .. !! |
إقتباس:
الله يعطيك العافيه كفيت ووفيت .. في الموضوع .. واشكركم كلكم ع الردود الجميله .. والي اتشرف بـ ارائكم .. بس انا قلت لكم . ترى لاعب .. ع قولتنا بـ اللغه العاميــــه لاعب ( مع نفســــــــه ) في النادي لا يتكلم الا الكوريــة.. كيف تبيه يفهم تكتيك المدرب ... ؟؟ الي ياخذ منــه ... ويلهامسون ترى ما ابدع الا في الموسم الثاني .. ويلهامسون قلنا فاشل .. في موسم كامل .. بس هذا فيه بصيص امل .. وقووي .. بس ناقصه الحظ .. ويبي له ( اخر لمســه ) .. والانسجام مع النادي .. وكلها امور ( فنيـــة ) ... هو الحين ترى عنده ضغوطات نفسيــــــــــــه قوية .. وان شاء الله راح يتغلب عليها . وانا اشوف ان حلولها في ( الطاقم الفني ) ... اذا كان ممتاز راح يحلها له .. اصبــرروا .. وراح تتذكرون كلامي .. |
وجهة نظري باللاعب الكوري يو بيونغ سو لاعب عادي لاعب يضيع اكثر مايسجل لاعب مايملك ابجديات الكوره الا وهي استلام الكرة وتسليمها ونادر تشوفه يستلم صحميزة هذا اللاعب التحرك بدون كرة طلب الكرة بالفراغاتالارتقاء العالي لكن مافائدة كل هذه الميزات اذا كان استلامه للكورة باغلب الوقت خطأ لاتقول سجل اي لاعب يسجل العربي رغم اني مو مقتنع باللي يقدمه مع الفريق بس افضل وجوده بالملعب مع الحارثي او المحياني الكوري لاعب جلب ليكون هداف مايكون مدافع خامس مع الخصم |
لو نصبر عليه ونعطيه ربع الفرصه اللي عطيناها القحطاني .. انا متاكد انه بينجح .. لاعب سريع ومتحرك ويلعب بالقدمين ويجيد الالعاب الهوائيه .. بالله لو هو فاشل كيف يصير هداف الدوري الكوري !!! لازم نعرف انه في حلقه مفقوده بينه وبين اللاعبين وهو لغة التواصل والتفاهم .. واحيان تجيه كور مو متوقعها بسبب عدم التفاهم .. |
ياليت الجمهور يهتف بأسمم الكوري والآعبين جميعاً .. الآعبين يفتقدون لمثل هالوقفات .. |
- يعطيك العافيةة .. واحترم وجهةة نظرك .. لكن خلناا نرجع أول ما جاء ويلهامسسون .. صح ما كان ب المسستوى اللي نطمح لهه اول موسسم .. لكن كان يبششر بخييير ؟ الكوري هالموسسسم في نظري ما سوى شيء يذكر أبداً ! حتى اساسيات الكورة ما يفهم فيهاا ويضيع الكثير من الفرص .. اتوقع جبنا الكوري يسسجل ما يضيع .. , ومع احترامي لهه ما يبششر بخير عالعمموم الله يكتب اللي فيهه الخيير للزعييم .. ! |
لاعب مجتهد .... ولكن لا يستحق ان يبقى مع الزعيمـ..... |
اشكر لكم مروركم .. جميعــــــــــآ .. وان شاء الله يجي اليوم .. الي يخش فيه الفورما ( الكوري ) .. ويأكد وجهه نظري .. |
الاعب الكووري هو صحيح مرره ينرفزني لدرجة احس انه مايصلح يلعب كورة لكن لو نجيبها بالعقل الكوري هو في تقدر تقول اغلب مقوماات المهاجم مثل التمركز والمشاغبة للمدافعين وقوة الراس والسررعة والقوة البدنية طبعاا بوجهة نظرري سبب ضياع الفرص هي قلة الخبررة يعني اتوقع لو هذا لاعب يمتلك خبررة كان من المهاجميين المميزين وبيصير افضل هداف الدورري |
إقتباس:
|
الكوري يحتاج للدعم والتأقلم وسيكون المهاجم رقم 1 بالملاعب السعودية |
كلام سليم وجميل >> يجب ان نعطي اللاعب كل الدعم والمؤازرة... |
الاخوان اللي يقولون يضيع اكثر مما يسجل نفسي اعرف لاعب واحد في العالم يسجل اكثر مما يضيع خلوكم منطقيين |
كلااااااااااااام سليم .............. |
| الوقت المعتمد في المنتدى بتوقيت جرينتش +3.
الوقت الان » 11:36 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd