|
إنه ابدال العرب بسم الله الرحمن الرحيم أيها الزعماء مبروك الفوز المتوقع الي متعودين عليه على ذا الفريق الي همه الأول والأخير الفوز على الهلال حتى إدارتهم تربط حبهم لناديهم بالإستمرار والإستقاله في حال الفوز على الهلال أي جمهور وإدارة أنتم مساكييييين. ابدأ في موضوعي الكل أشاد بالكابتن نواف العابد بالهدف الي سجله مع أنه مالعب إلا 20 دقيقه فقط ولكن نسينا من كان يلعب 90 دقيقه وكان يذود عن المرمى الهلالي إنه الزوري نعم كان مثال القلب الصلب المتعود على اللعب في ذا المكان منذو دخوله للنادي. عندما رايت التشكيله خفت والله على الهلال بيلعب قلب واحد مع فريق همه الفوز عليك فقط. ولكن اضهر النجم الزوري انه كفو وانه متى ماحتاجه الهلال في اي خانه يكون موجود. اتمنى من الزعماء عدم القسوه على هذا اللاعب بالصياح والاستهجان شفتو كيف لقيناه يوم احتجنا له بيض الوجه. مع اني متاكد إن سامي الجابر هو الي خلاله يلعب في خانة القلب كبير والله يابو عبدالله. اما مدربنا فهو فاشل بمعنى الكلمه. |
معليش اخوي الزوري قدم مستوى جيد يشكر عليه لكن انك تقول عنه انه ابيدال العرب ع اي اساس .. اتمنىآ نترك حركات جماهير الفقر كل مالاعب في فريقهم سجل هدف او لعب كوره قالوا هنري العرب راؤول العرب وميسي العرب ماكأن في العرب الا فريقهم .. اتمنىآ من الزوري انه يقدم اكثر من كذا ويستمر علىآ نجوميته وراح يكون جمهور الهلال كله معه .. شكرا لك .. |
الزوري لاعب جيد ولكن ينقصه بعض التركيز واتمنى له التوفيق تحياتي لكم |
لم نقسوا الا من محبه وقسوتنا لا تعني مطالبتنا بابعاده بقدر ما هو شحذ همته لبذل اقصى جهد والعمل على تطوير مستواه |
الزوري لآعب نآدر ومستوآة جدآ جميـل ولـة مكآنتة في الملعــب وبآذن الله من تحسسن لتحسن شآكر لك |
ودي أصدقك ،، أبيدال مرة وحدة !! الزوري يبيلة الدكتور اللي راح له عماد الحوسني ... يبيله سلك كهرباء 220 يدغدغ راسه ورجليه ، إن شاء الله إن يفحط على ابيدال بالـ خامس .. |
بارك الله أخي فعلاً يستحق الاشادة وشهادتنا فية مجروحة ولكن كذلك لاننسا المبدع الكابتن خالد شرحيلي إلى لو يظهر بجميع المبارايات بنفس المستوى الى قدمه البارحة لن يكون هناك قلق على المرمي الهلالي بعد توفيق الله -- تحياتي |
أرجع ياااااااااااااازوري محتاجينك |
مع كامل الاحترام لوجهة نظرك أخي الشاويش لكن إقتباس:
أعتقد أنها وجهة نظر المدرب 100% مع كامل التقدير للكابتن سامي الجابر المدرب يحتاج فرصة حتى يتعرف على كامل معطيات اللاعبين وحتى يستطيع اللاعبون التكيف على طريقته لكن يبدو أن البعض لن يعجبه أي مدرب بعد جيريتس |
ايوة طيروة في العجة زي بويول العرب قارنت الزوري بابدال من اي ناحية سرعتة ولا العرضيات اللي يعرضها برا الملعب . |
اتفق معك في نقطة الزوري واختلف في نقطة المدرب |
الزوري في قلب الدفاع .. ممتاز جدا .. أفضل من المرشدي المربوش ..!! |
اقول عين خير بس وان اراه جيد بقلب الدفاع وافضل من هوساوي وهوساوي اوت من الهلال |
الزوري لاعب جيد ولكن ينقصه بعض التركيز واتمنى له التوفيق تحياتي لكم |
الزوري آببببببببببببدآاع .. لكن سآلم يمكن شوي مشتت .. لكن ترـآه شآد حيله ف الاخير ! شرآحيلي آمسس آبدع .. ع آنه ف الغرافه جآب فينا العيد >< " مبروك الفوز أولا و آخيرآ |
إقتباس:
ماشاء الله تبآرك الله منو انت يوم تقول مآضيع الفريق الا سامي أقول من اللي مخليك بالشبكة بيينآ يـ ..... ماودي اقولها رح رح دور بطوله بس ض1 وسآمي ابرك منك ومن اشكالك والله أستغرب صرآحتن من الاداره على ابقاء بعض الاشخاص اللي يبثون سمومهم ضد سآمي الجآبر عقدتهم ياسآمي سر ي سآمي ونحن خلفك ولا تهتم لصغار العقوول يحآولون آسقاطك ولكن هيهآت هيهآت:s4s: رح لمنتدآك الله يصلحك:mad: |
مشكور على الموضوع لكن ابيدال بمره وحده صعبه ذي وين عايشين فيه على العموم بالتوفيق للزعيم |
الفريق ماشاء الله قدم مستوى رائع لكن على اي اساس تقول سامي اللي اشركه قلب دفاع لايكون سامي المدرب لايكون سامي حط التشكيله والمدرب يتفرج اقول لاتمجدون سامي اكثر اجل المدرب وش دوره دام سامي يحط اللاعبين وين مايبي جمهور مدري وش يبي ترى على فكره موجايبين المدرب نتمنظر فيه حط هالكلام فراسك |
صرآآآحهـ الزوري فكـ ازمهـ كبيرهـ في الدفاع وماقصر غطى مكانهـ بكل اقتدآر واتمنى تثبيتهـ ع القلب لان احنا محتاجينهـ كثير في هالمركز |
اشتقنا انا نشوف هاللاعب يلعب اساسي والله لاعب يصنع الفارق يالبى قلبه |
أعتقد أن اللاعب عاد لمركزه الأصلي فأبدع والمدرب أحسن بتوضيفه في مركزه الاصلي ينقصنا الان : 1- ضهير عصري أيسر وياليت برازيلي بمستوى نيفيز بس بالدفاع 2- صانع ألعاب يصنع الفارق يحل مكان الشلهووب الذي أرهق !! لابد أن يفووق لاعبينا بمراااحل والا لانريده فعندنا الافضل |
إقتباس:
هههههههههههههه وبخبرك حاجة فيه مواضيع بمنتداكم يشكروون الحكم الألماني انه حافظ على خمستكم لاتطير ههههههههههههههههه رح لمنتداك سجل شكرك للحكام اللي حافظوا على خمستكم |
الزوري ينقصة الجديه مع المهاجم وعدم السرحان والتسليم الصحيح وإعطائه الثقه وكثرة المباريات للتعود علي الخانة |
...فعلااااا الزوري أمس أبدع في المبااااراااة... ...الله يعطـــيه العااااافيه... |
الزوري لاعب ممتاز اذا استمر على مستواه واهم ثقته بنفسه وترك كلام الناس اخر اهتمامه لاني سامعه مره سأله المذيع راضي عن نفسك رد الزوري المدرب يقولي مافيك شي وهذا بسبب ضغط الاعلام والجمهور عليه |
إقتباس:
بسم الله من قبل ومن بعد اخي الكريم مع كامل احترامي لك لا يجب ان نبالغ في طرحنا الغير مقبول اطلاقاً الزوري لاعب نشيط وفي بداية مشواره الكروي وامامه ان شاءالله مستقبل كبير ما يخجل المرء وما يفسد الامر هي مواضيع مثل هذه . انا ضد اي موضوع سواء بالاشاده او النقد المبالغ خصوصا للاعبين الصغار بالسن . بالامس القريب عندما لعب سالم الدوسري وسجل للهلال والمنتخب مدحناه بشكل مبالغ فيه انا مع الشكر والثناء وليس مع المبالغه مثلما وصفة اللاعب . لما لا نبتعد عن هذه الالقاب الغير مفيده والتي نأخذها من لاعبين عالميين !!! هل هذا نقص فينا كـ متابعين ؟ اتمنى ان يكون لدينا قناعه بما نحن عليه حتى نتطور كثير ما اسمع واقرأ اللاعب الفلاني ميسي العرب والاخر ماردونا وبيليه وتشافي وبيول و.... والخ يجب ان نعتز بلاعبينا بعيداً كل البعد عن التشبيه والمبالغه الزائده . دمت بخير |
شوف أنا من زمان ابيه يكون قلب دفاع طوله و ثقته هذه تخليه نجم في قلب الدفاع اتمنى يكون هو القلب و المرشدي أوت |
أنا من أشد المنتقدين للزوري وأمنيتي بالحياه أقوم يوم وأحصله مو بالهلال هذا طبعا يوم كان يلعب ظهير لأنه مايمتلك مقومات الظهير بس بصراحه أعجبني كقلب دفاع مقارنة بمستواه في الظهير صح مو المدافع اللي الواحد يتمنااه كأساسي للهلال بس والله يقدم أفضل من الظهير وجهة نظري |
يعطيك الف عافيه على الموضوع الرائع تحياتي |
| الوقت المعتمد في المنتدى بتوقيت جرينتش +3.
الوقت الان » 08:57 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd