إقتباس الرسالة الأصلية كتبت بواسطة مايو1981 عندما تلغي عقد مدرب في منتصف أو قبيل نهاية الموسم فأنت بحاجة لمدرب يعرف الدوري جيداً ويعرف كل صغيرة وكبيرة عنه مدرب يعرف الفريق ولاعبيه وقريب منهم حتى تصلح الأوضاع لذلك كان من الأجدى على إدارة الفريق بعد إلغاء عقد السيد دول أن تتعاقد مع مدرب محلي (ناصر الجوهر أو حسين الحبشي) مثلاً أو أن يتحلى سامي الجابر بشجاعة أكبر ويستلم مهمة تدريب الفريق فيما تبقى من الموسم

ياحبيبي قال ايش قال ناصر الجوهر

منتخب بكبره ماافاده تبي نجيبه عندنا يتخبط >> مع احترامي له ولشخصه الكريم

سامي الجابر يشتغل بالفريق وش حضرته

لاتدخل ناس مو فاهمين الكوره عندنا بو عبدالله مغنينا عن الناس

شكرا لمرورك عزيزي مايو 1981
نعم اشاطرك الرأي في أفضلية التعاقد مع مدرب يعرف الدوري ، والأسماء كثيرة ، وعلى مستوى جيد من التأهيل والجدارة ، وعلى سبيل المثال لا الحصر أذكر اضافة لمن ذكرتهم ، مدربون من ابناء ومحبي نادي الهلال ، عبد العزيز الخالد ، عبد اللطيف الحسيني ، جاسم الحربي وغيرهم كثير،
وأود التأكيدعلى نقطة مهمة ، وهي ان الفريق قدم مستويات رائعة في الفترة الفاصلة بين مغادرة دول وقدوم هاسيك ، تحت اشراف مدرب الفريق الأولمبي ، وكان ايضا يلعب بدون أجانب ولكن الحال لم يستمر مع الأسف وعاد الفريق للتراجع المخيف بعد قدوم هاسيك وعودة الأجانب
كما ان فريق يوجد ضمن جهازه الفني ، قامة رياضية بحجم النجم سامي الجابر ، لا أعتقد انه يحتاج للبحث عن مدرب ، فهو يملك فكر فني متميز ، يفوق بكثير ما نراه من أنصاف المدربين المتواجدين في ملاعبنا و الجائمين على قلوبنا ، والمتلاعبين بمقدرات فرقنا ، والنهاية غالبا إخفاق وتسريح ودفع شرط جزائي ، يعني في كل الحالات رابح
يجب منح الثقة والفرصة كاملة للمدرب الوطني ، كما هي للأجنبي ، وأثق بان النتائج ستكون كما نريد ونتمنى ، فالمدرب الوطني لا يقل تاهيلا ولا خبرة عن بعض من نراهم في ملاعبنا ..

صباح الخير لكل الزعماء

اخوي الله يرضى عليك..الحين لا تنتقد..قسم بالله انها موب وقتها...اذا خلص الموسم ..قل اللي تبي..

الحين حنا نبي نكوون خلف فريقنا..ندعمه ونسانده...ولا بس وقت الفرح نسانده..؟؟!!

وبالعكس..اشوف هاسيك مدرب داهيه...وانتظر عليه..

مدرب بيخليك تصفق له في نهاية الموسم..واذكرك بالنهايه ان شاء الله..

نتمنى من جميع الزعماء انهم يتركون النقد إلى نهاية الموسم...لان هناك بعض المرتزقه .. تفرح اذا وضع موضوع مثل هذا..وتجي .. وتنبرش..وتدس السم بالعسل..

ودي لـ صاحب الموضوع.. واتمنى انك تبتعد عن هذي المواضيع إلى نهاية الموسم..

انت وش تبي بالظبط ايش رايك كمان نجيبلك مورينيو ولا جوارديولا وين المشرفين عن هذي المواضيع ياخي لو ما كتبت ازينلك المدرب ماله كم مباراه حطيتها براسه لا وتقولون سامي وسامي يدرب الفريق ترى مو عشان فاز الهلال مع سامي قبل لا يجي هاسك عالنصر اسمحلي جمهور الهلال لا يفقه شي في كورة القدم ونصفهم (مندسييييييين)

يا رجال الله يستر بس لا تتكرر ثلاثية الاتحاد العام الماضي هالسنة بعد

المدررب ماقاد الا كم مباراه

اسمح لي اذا انت تطالب باقالته فانت ماتفهم بالكوره شي

المدرب مشكلته يتأخر بالتبديل ومايملك جرأه

لكن مايصير نحكم عليه الحين

العزيز زيزو الجابر ، شرفت بمرورك وتعليقك ، واحيي فيك روح التفائل ، واتمنى ان يتحقق ما تفضلت به ،
عندما ننقد عمل المدرب فالهدف من ذلك هو معالجة الأخطاء ، وحتما دافعنا الأول في ذلك محبة الهلال ، والمنتدى يعتبر ساحة لرأي الجمهور ، نتفق أو نختلف ، ولكن الهدف بالتأكيد هو الحب الأزرق الذي جمعنا ، وندرك ونجزم أن للكيان إدارة واعية تدرك مصالحه وتسعى لأجلها ، لك كل الود والشكر

العزيز ابوسلطان الهلالي ، شرفت بمرورك وتعليقك ، احترم رأيك ، وشكرا لك

العزيز un happy boy ، شرفت بمرورك وتعليقك ، لا ان شاء الله ما تتكرر ، شكرا جزيلا

إقتباس الرسالة الأصلية كتبت بواسطة ابو عزوزي العزيز زيزو الجابر ، شرفت بمرورك وتعليقك ، واحيي فيك روح التفائل ، واتمنى ان يتحقق ما تفضلت به ، عندما ننقد عمل المدرب فالهدف من ذلك هو معالجة الأخطاء ، وحتما دافعنا الأول في ذلك محبة الهلال ، والمنتدى يعتبر ساحة لرأي الجمهور ، نتفق أو نختلف ، ولكن الهدف بالتأكيد هو الحب الأزرق الذي جمعنا ، وندرك ونجزم أن للكيان إدارة واعية تدرك مصالحه وتسعى لأجلها ، لك كل الود والشكر العزيز ابوسلطان الهلالي ، شرفت بمرورك وتعليقك ، احترم رأيك ، وشكرا لك العزيز un happy boy ، شرفت بمرورك وتعليقك ، لا ان شاء الله ما تتكرر ، شكرا جزيلا

أخوي معليش بوقف هنا ..

أي اخطاء تكلمت عنها في موضوعك ؟

انت ماقلت ليش مايلعب بالطريقة الفلانية أو يحسن من اداء الفريق بالعرضيات أو الرأسيات .. انت انتقدت دخول الفريدي في الدقيقه 87 !!

وهل هذا وقت نقيل في أو نقيم فيه مدرب الفريق ؟

الجواب بتلقاه بداخلك بالتأكيد ماهو وقت مناسب ..

ركزو على تحسين اداء الفريق مو تجي وتقولي المشكلة وبس ..

نبي حلول مانبي تعرض لي المشكلة ..

اتمنى وصلت الفكرة اخوي ..

الصبر الصبر

مثل ماصبرنا بالبداية على كوزمين وتخبطات كوزمين ببداية ايامه مع الهلال نصبر على هاسيك

التشيكي هاسيك مدرب مميّز جدا جدا جدا ولا نريد ان نخسره

العزيز فارس الحربي ، شرفت بمرورك وتعليقك ، واحترم رأيك
ما شاء الله عليك ، شخصت بعض الداء ، فما هو الدواء برأيك
انا لا أطالب بإقالة المدرب ، ولكن لابد من مناقشته وتعرية أخطائه ، لاصلاح الخلل ، وتدارك الأمور ، فالموسم على نهايته ولا يحتمل المزيد من الأخطاء التي قد يدفع ثمنها الفريق
ليس من طبعي ان أكون متشائما ، ولكن ليال العيد تبان من عصاريها ،، شكرا لك

العزيز عاجبني جنوني ، شرفت بمرورك وتعليقك ،
لكل منا رأيه ، واختلاف الراي شئ إيجابي ، ونؤكد احترامنا للمدرب القدير ناصر الجوهر وجميع المدربين الوطنيين ، والذين يحتاجون فقط للثقة ولا شئ غير ذلك ،، شكرا لك

العزيز نبض قلبي زعيم ، شرفت بمرورك وتعليقك
الله يصلح الحال ، وبعون الله ثم بوجود هذه الإدارة الواعية وبتضافر جهود رجال الهلال الأوفياء سيظل الهلال كما هو ساطعا في سماء المجد ،، شكرا لك

العزيز رائد ، شرفت بمرورك وتعليقك
ليس أمامنا الا الصبر ، اتمنى أن يكون ما ذكرته عن المدرب صحيحا ،
والله يصلح الحال ، شكرا لك

كلامك صحيح
ولكن نحن نحتاج لمدريب محنك وان من وجهة نظري مدرب الاولمبي
بس مباريتان اما الانصر والاتحاد لعبنا بمستوى ورح
وبعد بدون محترفين
من المفترض انهم يخلونه هوا مدرب الفريب الاول

لاهنت اخوي ع الموضوع المهم