السلام عليكم ورحمة الله

صباح هذا اليوم قابلت شايب هلالي جاء لموقع عملي لقضاء عمل خاص له بعد السؤال عن الاحباب والاصحاب
سألته يابوصالح وش توقعك اليوم للمباراة بين هلال2012 والفريق الآخر.

يابوسلطان فنيا الهلال على الورق افضل أماني: اول مرة في عمري اتمنى فوز النصر على فريق الهلال.

رددت عليه(أفا يابوصالح مهيب هي ليش لها الدرجة تتمنى فريقك ينهزم!!)

رد ابوصالح (مشكلة النادي حاليا ان الادارة لاتقوم بالتغيير الا بعد انتكاسة الفريق وحصول هزيمة او تعادلات)
لاحظ مدربهم السابق الالماني واللي قبله الارجنتيني كالديرون
دائما تحرك الادارة رد فعل على افعال او احداث سلبية وليس تخطيط وتقييم ثم مراقبة واصلاح

اعطيك مثال
طردوا كوزمين جابوا ليكنز قبله جربوا مساعد كوزمين كلهم ما نجحو ثمن في الصيف تعاقدوا مع جيريتس سحب
عليهم (مع ان ابومساعد قال :نحن سنقوم هالموسم بعمل خطط بديلة لكي لا يحصل كما حصل عند طرد كوزمين)
وش صار سحب عليهم وراح المغرب جابوا بداله كالديرون خبص في النهاية وطردوه مسك سامي مع ابواثنين

الصيف اللي راح تعاقدوا مع مطير حمام يدربي راسه قالوا اصبروا عليه عشر جولات صبرنا وتاليتها
اقتنعوا الربع انه ما بالحمض احد .

لاحظ ان الاخطاء من ناحية التعاقد مع المدربين كلهم متشابهة لحد كبير والنتيجة (كحت) ولم ينجح احد الا اللي
هبق عند المغربيات, مع الاخذ في الحساب ان كوزمين جاء مع ادارة محمد بن فيصل يعني التعاقد الناجح الوحيد
سحب على ام الفريق والادارة.

ولاحظ ان النهاية متشابهة ليكنز+دول+هاسيك (افلقني ان ما طيروه قبل نهاية عقده)
والحل
سالته وانت تبيهم ينهزمون عشان يطيرون هاسيك!!

رد وعينه مفنجلة :عشان مايطول راعي العك العالمي
مدرب شختك بختك كانك تذكرها وحن صغار التفافيخ والعلوك الله يعله علني في 5 مباريات.

قلتله وش الحل

قال موجود عندهم في الفريق مدرب الأولمبي بونان جيد بس مزمار الحي لا يطرب ولا مدرب جابلك بطولة وحط
كل لاعب بمركزه وغيره مدرب الاتفاق مضبوط ياشيخ والله لو يتعاقدون لك مع مدرب هجر الشايب
ياشيخ ان يجيبلك اسيا وهو مغمض.

رديت احلام يابوصالح اسيا تبيلها فريق البدلاء مثل الاساسين
نطل (حتسية) بعدها حسيت ان ابوصالح عنده نظرة ادارية وفنية.

ابوصالح:
شف يابوسلطان كان عندهم عبدالعزيز الخالد وعبداللطيف الحسيني وهذال الدوسري وحسين الحبشي
كلهم طيروهم الا هذال على ماعتقد لوجمعوا ذولي داخل مكتب وقالو لهم ابحثوا لنا عن مدرب
للمرحلة زايد لاعبين يفيدون الفريق من اندية اخرى وارائكم عند البحث عن المحترفين الاجانب
يعني لجنة استشارية .

وكلهم لاعبين ولديهم شهادات تدريبية وخاضوا في المجال التدريبي والاداري في الفئات ومع النادي
وبعضهم مع نادي الشباب وش رأيك نظرتهم احسن ولا نظرة اللي اختار لاعبين الفريق ومدربيه من
يوم مسك الفريق.

رديت قد ينجحون وقد يفشلون
ذب كلمه ينجح راعي الخبرة ويفشل راعي الشهادة
الا اذا كان الراجحي فاشل اقتصاديا!!!

هذي خذاريف ابوصالح الله لايقوله يفوز علينا الفريق الآخر
والسلام عليكم.

الله يطوول بعمرررةة والله كلامةة عين العقل
لكن ان شاء الله الزعيم يفوز الليلةة
ماانبي الجاار يستاانس ع حسااب سعادتنا
بتووفيق لززعيمنا الليلةةةة
يعطيك العاافيةةة ع المووضوع

نتمنى التوفيق من الله ..
وخلونا نركز على المباراه

راجعين لك يا ابو صالح بعد المباراه ان شاء الله
الله يطول بعمره على طاعته
ويوفقنا و يوفقكم

لله يطططططول بعمرّه يآرررررررررررب =))
كلآمه ف الصميم
* شششكله حليّو ,,
يعطيك الف عافيه ع نقلكك للحوآرر المصّغر ^_*

مثل ما قال ابو صالح مشكلة الهلال ان التغيير لا ياتي الا بعد الخسائر المؤله يعني المشكله اداريه اولا بالتعاقد مع مدربين غير مؤهلين وثانيا بالاصرار عليهم رغم فشلهم
هسيك في الطريق بعد كل من سبق والضحيه الهلال