22/03/2012, 11:14 AM
|
| زعيــم فعــال | | تاريخ التسجيل: 08/04/2008 المكان: الريــاض
مشاركات: 276
| |
|
الصلاة .. عمود الدين (ومن تركها فقد كفر) !
بسم الله الرحمن الرحيم
السلام عليكم ورحمة الله وبركاته
ياخوان والله العظيم اللي اشوفه من البعض الله يهديهم خلاني انزل هالموضوع !
يعني في ناس لاغين ( الصلاة ) من حياتهم .. وكأن مافي شي حدث !
ومكملين حياتهم عادي وعنده ثقه انه راح يموت في عمر معين ..
وفيه ناس اصلاً ما يدرون كيف يصلون ولا يعرفون وش هي الصلاة .. فقط يسمعون فيها !
واذا صلوا في المدارس يصلون مجامله والعياذ بالله ..
كلنا نسربت وكلنا نسمع اغاني وكلنا نفلها بحياتنا لكن الحمدالله ما نترك صلاتنا
هي عمود الدين يا خوان ومن تركها فهو ( كافر ) يحشر مع فرعون في يوم القيامه !
أي اللي يموت وهو كافر فأنه خالد مخلد في النار !
انا ماقلت لازم تلبس تحت الكعب ولازم تربي لحيه وتلازم البيت 24 ساعه وما تطلع !
صح ان هالشي غلط ولازم نطبقه وفق الشريعه الاسلاميه لكن نقول اقل حق نطبقه هو اننا نصلي ونذكر ربنا
والله سبحانه قال في كتابه الكريم ( ألا بِذِكْرِ اللَّهِ تَطْمَئِنُّ الْقُلُوبُ ) !
يعني مايمنع اذا كنت فاضي في وقت معين تذكر ربك وتستغفره
انا بكون صادق معكم .. انا امارس حياتي اليوميه عادي يعني مثلي مثل اي شاب سعودي . خليجي . عربي
ماتخلوا من الشتم والسب
ماتخلوا من المقالب
ماتخلوا من الفله والوناسه
ونعيش حياتنا بشكل طبيعي كباقي الناس !
وهذا غلط صح وان شاء الله في المستقبل نترك هالأشياء
لكن ولله الحمد ماترك صلاتي ودائماً اذكر ربي !
وفيه ناس عكسي تماماً ادشر مني ومع ذلك ما يصلي ولا حتى يصوم ولا حتى يذكر ربه !
يعني بالله قولولي شلون بيتوفق بحياته وهو ما يصلي ؟
بالدراسه كيف يتوفق الطالب اذا ما كان يصلي ويذكر ربه !
اصلاً الدعوه لا صارت لك وانت ما تصلي ماتقبل !
يعني مثلاً شايب قالك : الله يوفقك بدراستك وتاخذ نسبه فوق 95 .. آخر السنه ابو الشباب ماخذ 80
ليه ؟ عشانه ما يصلي وساحب على دينه !
والمشكله الصلاة الواحده ماتاخذ من وقتك الا خمس دقايق بالكثير !
يعني لاحق على الفله والطلعات والسربته !
للأسف في ناس نظرتهم مختلفه يعتقدون بأن اللي يصلي هو انسان ( مطوع )
والمطوع مافيه شي بالعكس احنا نحسده .. لكن ناس نظرتهم غير وهي بالتأكيد نظره خاطئه !
انا ما قلت رب لحيه والبس تحت الكعب !
لا انا عن نفسي ما اسوي هالشي وهذا غلط مني .. لكن اقل شي تسويه عشان ترضي
ربك هو انك تصلي وتذكر ربك !
وفيه ناس اهلهم ما يعرفون الصلاة ف نشوف النتيجه على ابنائهم
كلهم سرابيت مجمعه حقين مخدرات وخمور الله يكافينا وياكم شرهم !
وفيه ناس اهلهم متدينين ولكن يسحبون على عيالهم
وفيه ناس لو اقوله صل يقولي كيف ؟
ما يعرفون الصلاة ولا يعرفون وش يقولون في التحيات ولا حتى في السجود
والركوع ووالخ ..
وناس عندهم الدراسه اهم شي عشان يأمن مستقبله !
كيف تأمن مستقبلك وتسحب على صلاتك ؟
يعني انت متيقن انك راح تعيش لفتره زمنيه طويله ؟!
والله العظيم اني اتحمد على ناس لا شفت عقلياتهم كذا !
الحمدالله رب العالمين الله لا يبلانا بسس ..
رساله خاصه للي يسمع بالصلاة :-
اذا ما كنت تصلي انا اقولك انت غلطان واعتقادك غبي
ويمكن البعض يدخل على الموضوع يقول وخرر بس انت وصلاتك
لا تستبعدون هالشي لأن اللي ما يصلي طبيعي يصير ايمانه بالله ضعيف .. الشيطان لاعب بحسبته
العنوا الشيطان وتعوذوا منه وصلوا لأن المتعه والفله ما راح تفيدك بعدين
يوم القيامه راح تتحسف على ايام مضت وانت ما ذكرت ربك فيها !
الدال على الخير كفاعله ..
تمنياتي لكم بالتوفيق والنجاح
نعيم الجنه - بصوت ناصر القطامي |
الوضع الشجري
