|
يوجد لاعبين في الزعيم لايستحقون اللعب !!! بعد خروج الزعيم بالتعادل مع الغرافة القطري ارى أن الفريق بحاجة الى " غربلة " في خط الدفاع والوسط والحراسة فهل مستوى الحارس شراحيلي يؤهله للعب مع فريق بحجم الزعيم !!! هل يكلف على نفسه بتغطية المرمى او توجية زملائة او تشعر أن هناك أسد في المرمى !!! خيرات وما ادراك ما خيرات والله نفسي اشوفه ينبرش او يخلص كرة برأسه او يغطي رجل لرجل او فيه ذرة من العقل الكروي اتحداكم والله ما اسرحه في عشر من الغنم الزوري لم يعد الزوري قبل موسمين فهو شارد الذهن الدوسري في بداية المشوار وما نلومه سلمان احد نجوم الفريق لكن خربها في اخر 5 ثواني من المباراة الكوري خذ حركة لكن بركتة شوي وهذا اللاعب بدل مايكون مفيد للفريق سيصبح عبء على الفريق لاني بحاجة للاعب يسجل من انصاف الفرص الهرماش ( نجم كالعادة فهو دفاع ووسط وصانع ومهاجم ) ويستحق الشكر والثناء واستغرب من المدري تغييراته والله الفريق ايام مدرب الالمبي كان مستواه اكثر من رائع واخيراً الفريق بيتأهل كمركز ثاني في المجموعة ولكن المشكلة سوف نقابل الاتحاد في جدة وارقبوني بهذا المستوى نتأهل على حساب الاتحاد وفي جدة وفي بطولة يبدع فيها الاتحاد ويشرف فيها تحياتي |
اول شي خالد معاك حق والله مره مايستحق غير الدكه ويمقن كتيره عليه يمقن لا خيرات مستواه في تصاعد من وجهة نظري ونصبر عليه الزوري هدفه يشفعله سلمان ادى الاعب كتف من متى الكتف ياخد عليه اصفر ولا بلنتي ؟ وبصراحه سلمان من ابطال المباراة الكوري هوا يااحول ياانو يستهبل المدرب لاتعليق جالس يتفرج اما بالنسبة لمقابلة الاتحاد انسى تفوز عليه فاسيا وبس |
والله أنكم مافي روسكم كورة نص للاعبين سيئين وأولهم العربي والكوري وهرماش بمقارنه مع رادوي وعزيز افضل من هرماش والمحياني بس اذكر انه مازال في الهلال وانا احس الهلال مافيه خير |
ماجد المرشدي وينه ؟! ؛؛ ؛ اخوي حط النقاط على الحروف .. لا تقعد ترمي كلام وانت تدري الفريق ناقص .. لا كمل الفريق تعال وتفلسف على كيف كيفك .. المدرب اللي جاب العيد فينا !! مو اللاعبين |
والله الفريق اليوم كله سيء جدا ... بستثناء هرماش ... وطبعا كله كوووم و الكوري هذا الاعب كوم ثاني .. الله يصبرنا على ما بلانا .. والله مافيه اي فايدة للفريق .. لاكنترول .. لاسرعه .. لامهارات .. لا ذكاء .. الخ ... مافيه ميزة غير ان انه يسحب في سوالف شعره وبس .. قدام المرمى وهو مواجه له وعلى بعد امتار ويشوت برى ؟؟ ..هذا محترف ؟؟ .. هذا بيلعب اسيويه ؟؟ ... والمصيبه الاكبر ان الفريق معتمد عليه .. بالتوفيق ... |
كلهم نكبه و اولهم سلمان رادوي كان ساتر شي كثير |
الحمد لله ان الفريدي والمرشدي مالعبو اليوم ولكان حملوهم التعادل الغير عادل بختصار التعادل يتحمله عبدالرحمن بن مساعد لان سمح للبيشي بالاجازه ويتحملها المدرب لانه بختصار ركن المرشدي بالاحتياط والدوسري الظعيف ظهير ايمن لو انا المدرب كان ابقيت الزوري ظهير ايسر وماجد مع الغنام قلوب دفاع وخيرات ظهير ايمن بس وش نقول فلسفه زايده من المدرب والمدير |
بالفعل هناك من لآ يستحق ارتداء شعار الزعيم .. ومن جهة نظري الخاصة على رآس القائمة .. ماجد المرشدي + عبدالله الزوري + محمد نامي + حسن خيرات + عبداللطيف الغنام + خالد شراحيلي .. و لايهون المهاجم الكوري الجنوبي و يوسف العربي وويلي هامسون .. |
اغلب الجماهير اصبحت الان مشجعي الاعبين ويدافعون عنهم وكائنهم مقدسين لايمكن انتقادهم وانت مندس لو انتقدهم لانهم من المعجبين هذولي جيل الالفين الكوره في جهه وهم في جهه والله ايام التسعينات ماكانت تفرق معانه اي لاعب جمهور الكيان فقط الهلال يبيله تصفيه لاعبين وبعض الجماهير المطبله للاعبين يدافعون عنهم هم من اسباب نكبه الهلال الكيان يبيله تصفيه من الرئيس الى الاعبين لازم بندر بن محمد او احد يخلص للكيان مو للاستثمار والبهرجه في الصحف الاوربيه والخليجيه وصداقه الاعلامين وخاصه الي يهاجمون الكيان الهلالي وصفقات محليه لابو ريالين ابو يمشيني الين فتره رئاستي وتجديد عقود فلكيه لاشباه الاعبين واعطاهم اكبر من مايستحقون فنيا لابد من تصفيه المرشدي والزوري والغنام وبيع عقد ياسر والاستفاده من مبلغ بيعه وجلب يحيى الشهري وجلب ياسر الشهراني وتصعيد رضوان وفواز ومحمد القرني والصانع في التشكيله الاساسيه وجلب لاعب برازيلي صانع لعب ومهاجم لاتيني ماراح يكلف رئيس الهلال القادم اكثر من عشره مليون ريال والدوريات البرازيليه والارجتينيه مليانه نجوم وعدم تجديد للفريدي والهوساوي لانهم طالبين مبالغ فلكيه مايستحقون ربعها وخاصه الفريدي بدل ماتوقع للفريدي بعشرين مليون اجلب يحيى الشهري او حمد الحمد بعشرين مليون طبعا الاتفاق ماراح يرفض المبلغ الهلال الان يذكرني بهلال عبدالله بن مساعد قبل ثمانيه سنوات |
| الوقت المعتمد في المنتدى بتوقيت جرينتش +3.
الوقت الان » 02:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd