|
رئيس نادينا ... على خطى ... رئيس النصر رئيس النصر اصبح محل تهكم جماهير فريقه , بان الفريق كل سنة راح يتطور 30% والفريق بهبوط كل سنة 50% الى ان يهبط للدرجة الاولى والاسباب معروفه من جلب لاعبين منتهين بفرقهم , الى محترفين الواحد منهم يجي ويروح ما عرفنا اسمه و لا حتى شكله. رئيس الهلال يقول كل سنة باعدل في الفريق , وان الفريق فيه اخطاء و مدركها وسوف نعالجها . للاسف هذا الكلام يتكرر مع كل خروج مر من بطولة اسيا , ولازالت الاخطاء تتكرر والفريق الذي عجز عن تحقيق اسيا ايام رادوي , الدعيع , نيفيز , الظهير الرائع الكوري , ياسر القحطاني , وويلهامسون بافضل ايام تألقه , لا اظن ان بفريقه الحالي سيتجاوز الى ابعد من دور المجموعات. اذا وعودك ياريس لم توفي بها , وان الفريق مستواه من اسوأ الى اسوأ , سوف تقول ان الجميع ينتقد و يهاجم ولا يقدم النصح , وهذا ايضا غير صحيح لانك لا تريد ان تستمع للاخرين المعارضين لك. صدقني خذ من رأي ما يعارضك اكثر من القريبين لك , لانهم يقولون الحقيقة اكثر من الذين يجاملونك. نقاط من القلب..... اتمنى ان لاتسير على خطى رئيس النصر , والدليل ان الاتفاق لولا انتكاسته لاصبحنا بالمركز الرابع ونلعب على نصف مقعد في الموسم القادم اى كل سنه اردى من اللي قبلها. المحترف الكوري .. هل يلعب علشان تحللون الدراهم اللي صرفتوها عليه. هل تعتقد ان ب .... لن اذكر اسمائهم ( ابحث عنهم وابسط مشجع يعرفهم ) وعددهم ستة لاعبين ستحقق بهم بطولة اسيا ؟ يا شلهوب ( لاننا نحبك ) احترم تاريخك واعتزل ..... فالوقت قد حان. |
لاحول ولا قوة الا بالله وصلت نشبهه بحق النصر يكون بعلمك محترف واحد بالهلال قيمته محترفيين من الفقر خفوا على ابن مساعد والله تعضون اصابعكم ندم عليه |
لا أتفق معّك أببببببببببببدًا ,, ! واحد ف الشرق و الثآني غرب ! ,,, .. احترم وجهة نظرك آخووي ,, " بسس بصرآحة ! ليسّ الرئيس في حالة تغيرهّ سيتغير الحال .. ف فرضّا أن آبن مسآعد ما يقدر يعدل الوضع الحين .. هل تظّمن بأن من سيخلف بعده بيقدّر ! ,, وللمعلومية ,, ه الموآضيع ه الفترة لا تضرّ ألا بالهلال .. صحيح نحبّ الهلال .. ولكن لنظهّر الحب ب الطريقة الصحيحة ... فإنك تشجع وتقول نقدر نغير لو نسوي كذا بيتغير ,, ! .. إنك تجي تقول ي رئيس رح ويا مدرب تعال ,, ماراح يأثر إلى علينّا وعلى الفريق ,, وكلّ أولائك الأشخاص ماراح يأثر عليهم ,, ! |
لاعاد مو لها الدرجة سلاماات والله فيه فررق السما عن الارض |
أحلى مافي الموضوع صورة عبدالله بن سعد رحمه الله والا ابن مساعد ارجع محل ما جيت لدواوينك وشعرك اصرف لنا ولك وخل الكوره لأهلها |
هههههههههههههههههه شفيككم يّ عآآلم هذا وهو تعادل خخخخ يعني تبون نآخذ البطوآت كلهآآآآآآآآآ ككلهآآآ اكككيد بيكون لغيرنا نصيب فيهآ وّ بَّ آلنسبه تشبهه ابو فيصل بـ خبيلان تبطططي تبطططططي ههههههههههههههههههه |
آسسفه لـآتقآرن فيصل بعبدآلرحمن من آلظلم وآلمجحف آلمقآرنه بينهم على قوله آلـآخ وآحد بآلشرق وآلثآني بآلغرب ,,, آول شي مع آحترآمي لك آلشلهوب قدم وآعطى في آلمبآره ولـآتحآسبه على آخطآء آلدفآع وآلحآرس آفضل خط كآن آليوم خط آلوسط , مشكلتنآ مآنحآفظ على تقدمنآ ترى آلكوره آلسعوديه تعآني من هآلشي مو بس آلهـلـآل , آلكوري خلـآص مآنبغآه وربي محد رفع ضغطي اليوم غيره وجآبلي القولون , مآنبغى نضغط على آلفريق بس للـآسف مآعندي آمل ولو 50% آنه نتآهل ولو تآهلنآ في آلمركز آلثآني بنقآبل آلـآتحآد ويستحآل آلـآتحآد يفرط في بطولته آلمفضله ,,, نصيحه لـآيطلع علينآ سآمي وآلجآسر ويبررون آللي سآر آللي حصل مآينسكت عليه وآحنآ لمآ نغضب من حقنآ فريقنآ ونبغآه بآفضل آلمستويآت ومفروظ تجهز آلفريق زي آلعآلم وآلنآس من نآحيه آلـآجآنب آنت عآرف آنه بطوله آسيآ يبغآلهآ مهر ومهرهآ غأإأإأإأإأإألي , وآلله مآ آدري آيش آقول آلقولون تعبني من هآلمبآره آلله يسآمحهم آلجمهور حظر وآزرهم ورد آلدين تعآدل بطعم آلخسآره آلله يسآمح آللي كآن آلسبب .,,, معليش طلعت عن آلموضوع بس غصب عني آحنآ عشآن معصبين ومتضآيقين من آللي سآر ممكن نغلط ومو حآسين بهآلشي .,, |
إقتباس:
|
احترررم وجهة نظرررك ولكن مولهذي الدررجة تقارن ابوفيصل برئيس النصرررررررر ع الاقل انتووووياالهلالين كل سنة بطوولة تجيبووونها اماالنصررررررولابطوولة شكررررررياتي |
إقتباس:
|
ياسمو الرئيس ... انت صادق ولا تمزح؟ * عندما أعلنت أن هدفك بطولة آسيا... أنت صادق ولا تمزح؟ *وعندما أعلنت أن هذا الموسم سيصبح موسماً استثنائياً للفريق .... أنت صادق ولا تمزح؟ * و عندما جلبت مدرب مغمور ليس له انجازات معتمداً على مقابلة شخصية ... أنت صادق ولا تمزح؟ * وعندما تعاقدت مع أجانب اثنين منهم يلعبون في منتخب واحد ... أنت صادق ولا تمزح؟ * وعندما تعاقدت مع اثنين اجانب يلعبون في نفس المركز ... أنت صادق ولا تمزح؟ * وعندما تسمح لمدير الفريق وفي عز الموسم (بالتندح) مرة في اوروبا لحضور دورة ومرة في دبي إجازة عائلية... انت صادق ولا تمزح؟ * وعندما تخوض (معترك) كبطولة آسيا معتمداً على خيرات وشراحيلي والغنام وعبدالله الدوسري والزوري والمرشدي ... أنت صادق ولا تمزح؟ * وعندما تكون رئيس نادي كبير يساندك جيش من الفنيين والإداريين ولا تعرفون أن من أبجديات بناء أي فريق قوي يبدأ من الحراسة والدفاع.... أنت صادق ولا تمزح؟ * وعندما يمر على فترة رئاستك حوالي اربع سنوات لم تستطع خلالها جلب لاعب محلي عليه القيمة بينما الأندية الأخرى تسرح وتمرح في سوق اللاعبين ... أنت صادق ولا تمزح؟ * وعندما فرّطت في النجم عمر الغامدي والفريق في حاجته وأبقيت على صديق العيادة الدائم (الفلته) الغنام ... أنت صادق ولا تمزح؟ * وعندما تعاقدت مع الجمعان والحارثي والسنتر المنسق من القادسية (نسيت أسمه) ... انت صادق ولا تمزح؟ * وعندما تغض الطرف عن الحملة المبرمجة ضد ناديك وتدع من هب ودب ينال من الكيان ومن لاعبيه ومدربيه وإدارييه حتى يصل الأمر إلى التطفيش والترحيل والانتقال ... انت صادق ولا تمزح؟ * وعندما أزعجتنا أنت وأعضاء ادارتك بالصفقات الاستثمارية معتقداً أنك ترأس بنك أو مصنع ... انت صادق ولا تمزح؟ * وعندما تتقاعس عن مرافقة فريقك ومساندة لاعبيك في بطوله مهمة لكي تغرد مع مصطفى وغيره في التويتر ... أنت صادق ولا تمزح؟ * وعندما تتعجب من قلة حضور جمهور الزعيم خلال سنوات رئاستك وتستجدي حضورهم في كل مناسبة ... أنت صادق ولا تمزح؟ * وأخيراً عندما أعلنت مؤخراً النية بالاستمرار لفترة رئاسية ثانية فأنت بلا شك تمزح ؟ |
كل كلامك خاطئ وبخصوص تشبيهك شبيه الريح برئيس النصر فهذا من الغباء الأول محقق 6 بطولات لعب في نصف نهائي آسيا منذ قدومه للنادي وهو يحقق كأس ولي العهد مركزه بالدوري الأول أو الثاني برئيس لم يحقق ولا بطولة دوري أبطال آسيا خرج وبنتيجة كبيرة مركزة بالدوري متدني |
من جدك تقارن كحيلان كما يسميه الحالميون بولد مساعد ؟؟ ع الأقل لما يطلع بن مساعد ويصرح مايخرج من الموسم خالي اليدين كل موسم يحصد بطولة ع الأقل مو مثل الحالمي الي صار يحلم بنصف بطولة !! وبعدين كلامك عن الشلهوب فيه ظلم واجحاف لللاعب شكلك ماتشوفه زين بالملعب الله يهديك الشلهوب روح الفريق المتبقي منذ زمن وبغيابه راح الفريق وخاصة الوسط ملللح |
إقتباس:
|
رسالتي لأبو مساعد >>> كفيت ووفيت ,,, لن نححق آسيا الا مع بندر بن محمد لانه يضرب بيد من حديد ويجلب أفضل اللاعبين ( المحليين ) والاجانب ... لاحول ولا قوة الا بالله ... الله كريم .. . |
إقتباس:
ولا تزعل حبيبي تقدم لرئاسة نادي الهلال وانا بدعمك ماديآ ومعنويآ وبشوف انت بتجيب بطوله ((محليه)) للهلال بحنكتك والا كـ العاده لبعض كتاب هذا المنتدى واللذين تنطبق عليهم المقوله اللي مايلعب يقول الميدان وسيع |
كلامك كله صحيح مشكلت شبيه الريح الي ينتقدة يكون كاره للهلال والجماهير كذالك رئيس النادي صار يهتم في دخل النادي والمنشئات وعقود موبايلي وقبل المبارة بيوم يقول فيه شركات تريد ترعى النادي ونسى ان فيه لاعبين لايستحقون ارتدى شعار الزعيم اهتم بلاعبين الاجانب والمحليين والمدرب هاذى مايفرح الجماهير ياريس |
إقتباس:
|
الحل 1-مدرب عالمي ذو فكر و قدرة على القراءة و التغيير و حازم 2- طرد الكوري و بدلا عنه دفاع أسيوي قوي 3- تغيير الدفاع بالكااااااااااااااامل عدى البيشي يعطى فرصة 4- مهاجم برازيلي بدل العربي 5- صانع لعب بدل ولي هامسن و يفضل برازيلي 6- الابقاء على هرماش و اعطاء القرني الفرصة 7- ارجاع ياسر وأخال الجهني ضمن الاول و تسريح كلا من المحياني و الحارثي و الغنام و المرشدي و الزوري و نامي و ركن هوساوي بالاحتياط مع تواجد الدفاع الجديد اللي نحلم به 8- فية حارس ممكن أفضل من الباية شراحيلي أعتقد انه السديري او الدعيع الصغير شفت له مسكات حلوة ليش ما نعطيهم فرصة كلاها سهلة بس تحتاج رئيس شجاع يفعل ماهو يبربر وكل سنه أخطاءنا و نتحمل الخطاء وش استفدنا من تحمله للخطاء تهدئة أعصاب او آمال زائفة او حالنا حال الجار كل سنة يقولون السنة الجاية و لهم عشرين سنة على حالهم و كل سنه يصدقون |
كلامك عين العقل واللي يعترض عليه إنسان جاهل ومجامل لابن مساعد مجامله في غير محلها وعلى حساب الزعيم , وعود ابن مساعد جميعها وهميه وتعامله مع الجمهور الهلالي كأنهم اطفال يوعدهم بالعاب في نهايه اليوم وهو فعلا يخطو خطا خبيلان وانا متأكد واراهن ان جمهور الزعيم صبره وصل لنهايته واذا لم يستقيل ابن مساعد نهايه الموسم راح يواجه غضب جماهيري عارم وبصراحه يحزفي انه يغادر الهلال مكره ولا اتمنى انه يشوه سمعته وتاريخه الجميل |
موظوعك ابداع ويحكي مابداخلي واللي شاف تصريح عبدالرحمن بن مساعد اللي ينوي فيه برشيح نفسه للرئاسه مناقض لتصريحاته السابقة سواء هذا الموسم أو الموسم الفائت حينما أبدى إنزعاجه من الرئاسة والتي أخذت وقته وإهتماماته كما لوح بالرحيل أكثر من مرة اللي ابغى اعرفه الرئيس كان دايما مايردد هالكلام اللي فوق يوم جاء وقت الجد تغير الكلام وبان الحقيقه هذا يدل ايضا ان الرئيس يوم استقال عقب خروجنا من اسيا كان يتلاعب بأحاسيسنا فقط لاغير اللي اتمناه صراحتا ومن اجل مصلحة الهلال اتمنى تغير الاداره واكبر مسوغ لتغييرها فشلها الكبير اخر سنتين في جلب المدربين واللعيبه الاجانب واللي يقهر اكثر انهم بأرقام كبيره واخرتها ماينجح الا واحد من 4 هالموسم غير كذا طوال 4 سنين اللي راحت ماجلب ولا لاعب محلي عليه الكلام بالعكس فرطت بنجوم الهلال زي عمر الغامدي وياسر القحطاني غير كذا سكوتها العجيب والغريب عن اساءات الاعلام للهلال وكأنها مؤيده لهم !!! الله يجزاك الجمهور ياعبدالرحمن بن مساعد مايبيك استفل وريحنا وعن الفضاوه رح سولك نادي وسمه باسمك وخل المطبلين يجون معك وفكونا منكم ولاتنسى تاخذ معك الكوري سواق للنادي |
لاحول ولاقوه الابالله هذاجزاءشبيه الريح انك تشبهه باخبيلان الي ما حصل لناديه اي بطوله من سنين فرق كبيربين الثراءوالثريا وابن مساعد ماقصرقدم الغالي والنفيس لاجل نادي الهلال ومو ذنبه ان العيبه مو قدالمسئوليه ويختفو بالملعب بالعكس اداره ابن مساعد الكل يشيدبها وبحكمتها واتخاذ قراتها بحكمه :ga:وكل سنه تجلبلك بطوله فياخي الكريم اانقد بس بعيدن عن ابو فيصل فهوفخر الهلال ورمزه الكبيروماقصر:ba: سبحان الله وبحمده.......... سبحان الله العظيم:ba1::ba::ba1: |
إلا على طاري رئيس النصر , مافي نكت جديدة عليه ؟؟!! من زمان ماشفته عسى المانع خير |
والله ياخوى صدقت بكل كلمة انا وربي المصحف جانى الضغط من رئيس الهلال من وعودة ولا شفنا شى الله يرحم ايام الامير الشاب محمد الفيصل او الامير بندر بن محمد الله يذكرهم بالخير اه اه يالقهر والله حرام وربي بكيت من القهر اليوم بعد التعادل لا وبعد تبى اسيا !!! حسبيى الله ونعم الوكيل الله يعود الزعيم الى ايام مجدة اخوكم الحزين ماجد |
الجيل الكروي الحالي ينتهي مع امضاء اول عقد ! تبي تخسر موهبه واعده وقع معاها بعد بروزها لموسم او موسمين حتى يشعر اللاعب ان العقد جاء بصعوبة الاتحاد السعودي المفترض يسن قانون للاعب المحترف توقيع اول عقد بسن 23 سنه او ان يكون حاصل اللاعب على شهادة جامعيه او خريج من اكادمية تعليم كرة القدم اجتاز مناهجها بتقييم لا يقل عن جيد وتفرض ضرائب على مقدمات العقود فقط لتصرف هالمبالغ عليهم ان اعتزلوا بالمستقبل مدري وش اقول المشكلة عامة بكرتنا ولو كان في الهلال لاعب بمواصفات القائد الحقيقي كان ممكن يفوق اي لاعب مفهي ويصحي زملائه للعودة للمباراة الفريق البطل يثق فيه جمهوره لاخر لحظة حتى وان كان متأخر بفارق كبير وضد فرق كبيرة وعنيدة وهالصفة غير موجودة بالهلال حاليا لا نتقدم بفرق ثلاث اهداف ومن فرق اقل مستوى او تاريخ وايدنا على قلوبنا من الهفوات والتراخي والامبالاة وعدم احترام الفريق المقابل وتكررت كثير |
الشرهه ماهي عليه لأنه ما ينشره على خبلان والشرهه عليكم يالعاقلين اللي تردون عليه ولا ازود على الاخ ( الازرق يلعب ) يوم كتب أحلى مافي الموضوع صورة عبدالله بن سعد رحمه الله والا ابن مساعد ارجع محل ما جيت لدواوينك وشعرك اصرف لنا ولك وخل الكوره لأهلها |
الشلهـــِوبُ... لا لا لا مآني معـك في هذي النقطططةة .. ~ مو 6 لاعبين انت تجآمل بالاسسساس هم 10 او 9 لاعبييــن ما يستاهلون حتى يشجعون شي اسمةة هلال |
إقتباس:
ولا تزعل حبيبي قلي كم هو الشرط الجزائي وعطني رقم حسابك في اي بنك وفورآ تلقى المبلغ في حسابك منزل الله يصلحك. |
ياحليلهم اغلب الردود الاوليه للبنات والجنس النااعم لاتكفى يابن مساعد لاتروح لحد ينتقده نبي قصايدك الرومنسيه اقول والله ماضيعنا الا هالاشكال والعااااطفه بن مساعد كفيت ووفيت لكن اترك الهلااال ف رجاااله كثر والي تقول بنندم على بن مساعد بطولات الهلال ماوقفت عليه يااهانم ماننكر فترة بن مساااعد بس برضو مانعلق املنا 4 سنين قادمه والمستوى من اخس لاخس نبي اداره حااازمه مو مثاااليه ومجاامله ويالله اعرس وانت تمش بدبي بالمعسكر وانت قص سبايكي نبي بندر بن محمد وكفى وبالنسبه للشهلوب ماقصر والعمر له دووور بس ماننكر الاعب باقي ويقدم مستوى حلوو لكن ما اظن يقدر يكمل مباراه كامله اشوف شووط حلوو وبالتوفيق |
وربي. حرام. عليك. الحين. تقارن. شبية الريح. بي. خبيلان. الفقر. الحمدالله. علي. العقل. شبيه. الريح. بعيد. عنا خبيلان. الفقر. فرق بين. الشمس. والقمر. حتي. لو في. أخطاء شبية. ريح. بيصلحها. لأكن. خبيلان. النصر. هو من. دهور. فريقة. وكل أخطاء تتكرار. كل. سنة. كلنا معاك. ياشبيه. الريح. |
اقول ابن مساعد قاعد على قلبك ومراح يترك الهلال واجلس اكتب ارائك من هنا لبكره اجل مشترك من 2002 ومشاركاتك 175 اذا تبي المنطق الامير عبد الرحمن حقق كل سنه بطولتين ونافس على دوري الاربعه الاسيوي عطني رئيس هلال سوى الشي هذا خلال العشر سنوات الاخير شكلك تبي كل شي يجي بكيف الهلال ترى هذا الفريق هو الي كان فايز على بطل اسيا ثلاثه رايح وثلاثه جاي لكن حظوظ ناس تتعب وتشتغل وما تاخذ البطوله وناس بحتجاج وهدف من لعبة اوت المفروض يطلعونها برى عشان الروح الرياضيه يسجلون منها هدف لو الهلال جايب البطوله كذا كان نفس الي انت شايل همهم حقين العالميه صعبه قويه ويرفعون ضغطك بالجمله هذي قالو لك ايه اخذتها بغش انا علي بالفريق الفريق مافيه احد كبير بالسن اليوم الا الشلهوب والغنام اما الباقين فهم شباب الهلال لمى شباب الهلال يلعب ويمتع وبخطاء بدائيه يضيع المباره ما ازعل لني اعشق فريق مو اعشق اسامي تجي وتروح لو انت مشجع هلالي صدق ادعم فريقك وقف معه مو مع اول هزيمه تطلع تولو وتبكبك وتشبه رئيسنا برئيس النصر هذي سقطه بحقك وبحق كل من وافقك اجل من جاب الذهب مثل من كذب ونصب لا جد فيكم شي ع العموم في اشراف يفصل بالامور هذي اما بالنسبه لي صراحه انا اؤيد بقاء ابن مساعد الرجال عنده الكثير يقدمه ويكفيني صرفه الملاين وهذا وجهة نظري وانا من جمهور الهلال ويحقلي ابدئي رائي والا لا ؟؟؟؟؟ |
يا خوي حرام عليكِ وش ( جاب الصين للطين ) فيه فرق بين عبدالرحمن بن مساعد ورئيس النصر ،،، ايه نعم فيه فرق بينهم يكفي ان رئيس الهلال من رئاسته لليوم هذا كل سنة بطولة اما رئيس النصر قلي ايش سوى ( لنصره ) مع احترامي لك مقارنة ظالمة بغض النظر عن ( الاسيوية ) اذا كنت تقصد الاسيوية خلها على جنب ويكفينا فخر ان هلالنا متزعم الاسيوية ( بست بطولات ) واذا كانت على المسمى الجديد او نسختها الجيده برضو تأهل الزعيم ولا احد ينكر الشي هذاا بس ما الله كتب انها تكتمل والسبب افلاس الشركة الراعية هذا اللي نعرفه؟ ولا تخاف على الهلال يمرض بس ما يموت مو مثل غيره من الأندية اللي مرضت وطاحت ولا قامت لا الهلال غير بإذن الله ما ينخاف عليه لعشر سنوات جايه بس استغرب منك حاجة وحده ايش دخل محمد الشلهوب بموضوعك ياليت كل اللاعبين اللي في المعلب مثل فكر الشلهوب ،،وتاريخه محترم كله من اول لحظة لعب فيها للهلال لأخر لحظة لعب فيها مباراة اليوم امام الغرافة ولا اقول الا بيض الله وجهك يا الشلهوب رايتك بيضاء سواء اعتزلت الحين والا بعد سنوات تبقى بعيوننا محترم وخلوق |
....... اووووووه انت مندس هنا من 2002 :to: اقول تشبه فخر السعوديه < الى هو نادي الهلال ب حالمي السعويه ولا تشبه شبيه الريح ب خبيلان يابو 172 من عام 2002 :to: |
احترم وجهة نظرك ,., واعطيك الحق بكلامك لانك حر فيما تكتب لاكن اسمحلي انتقادك للرئيس وتشبيهه بكح كح ,., <<< سااااااامج بقوه |
ابن مساعد ارجع محل ما جيت لدواوينك وشعرك اصرف لنا ولك وخل الكوره لأهلها |
الله لايقول نوصل للي وصل له النصر بس إلى متى المثاليه يا ريييييييييييييييس |
خلوا الامير يتفرغ لتويتر لاتصجونه مهوب فاضي للنادي كل يوم ماينام الا بعد صلاة الفجر وش ترجون حتى من زود الفراغ صار يقول اشعار في مصطفى الله يرحم عبدالله بن سعد والايام الخوالي |
اهدأ اهدأ اهدأ يااخوي ارجو ان اي واحد لايكتب موضوع وهو منفعل صح المستوى مو مثل اول لكن لايصل لهالدرجة وجهة نظري واتمنى تتقبلها |
يامندسين ان شاء الله يقعد شبيه الريح على قلوبكم انتو لولا الله ثم شبيه الريح ماعرفتو الخمسات والفوز وطلعت لكم هيبه شر البليه مايضحك ~~ |
معك ياصاحب الموضوع من وجهة نظري البسيطة اغلب الي ردوا على الموضوع بالتهجم على صاحبه لا يخلو من حالتين 1- مشجع حكم على الموضوع من عنوانه ولا يدرك طرقواساليب الكتابة وذهب لسطح الموضوع وترك جوهره، ولهذا نجد من يغضب لماذا تقارن رئيس الهلال بالنصر !!! وهذه ناتج عن صغر سن المشجع ،، مع ان صاحب الموضوع لا يعنيها بالفعل. 2- مشجع مطبل للرئيس لمصلحة ما أو دور يقوم به في المنتدى الزعيم، هذا أمر اكتشفته من فترة لا تنتقد للرئيس لا تنتقد سام،ي لا تنتقد ياسر سابقاً ،لا تنتقد الانتقاد نفسه حتى المدرب لا تنتقده ،،. يكرس ن مفهوم الشيوخ ابخص. اتمنى من الرئيس ان يكون أكثر صرامة ويكون رئيس لكل النادي وليس كرة القدم للفريق الاول فقط فهاهي درجات الشباب والناشئين نحو مستقبل مجهول ،والطائرة مستوى مهزوز . |
كلامك عين العقل مشكلة بعض الجماهير يعتقدون ان الهلال درجة اولى قبل مايجي بن مساعد ياحبيبي الهلال حقق اسياء ومسخر الخصوم مسخره لايدركها الا من عاش ذلك الزمن الجميل بن مساعد : شكر الله سعيكم وجعل والديك في الجنه يكفي اربع سنين وياليتك تاخذ سامي معك نهاية الموسم وتفتح المجال لغيرك ترى الهلال بطل من قبلك وســ يظل بطل بإذن الله من بعدك بالنسبه للي معترضين على التشبيه : الرجال يقصد في وعوده التي ظلت حبر على ورق او حروف مبعثره في شاشات التلفزه ولم نشاهد شي منها على ارض الواقع . يعطيك العافيه وتسلم يمناك |
اتمنى حذف الموضوع من الإدارة |
نقاط من الردود :- * اشكر كل من عقب وحتى لو لم يوافقني الرأي , والله حسيب كل من اساء لي. * اعلم ان هناك بون شاسع بين ابن مساعد ورئيس النصر محليا فقط. * بعض الردود تذكرني بشبيحة الاسد ( يا ادارة احذفوا موضوعه ) وكأنه يقول لاتنتقد اى خطأ , فقط امدح , جامل , نافق , واكذب. * رد الفيلسوف كان يجب ان يكون موضوعا رئيسيا , واعجب حقيقة لماذا لم يفعل ذلك ( اقرأوه فهو يستحق ذلك ولن تندموا ) * بعض الردود وافقتني الرأي , وابدت ملاحظات اخرى كانت في الصميم. * واخرى خالفتني في بعض النقاط وبرهنت بالادلة . وربما اكون على خطأ وهم على حق والعكس صحيح. * هناك نقطة اخيرة كم واحد من الجماهير التي حضرت للمباراة خرج راضي والشاطر يفهم. |
تحياتي لك يالغالي الله يعينك على جمهور سامي والشلهوب وجمهور ابن مساعد بياكلونك اكل لأنك ما جاملت احد الكل يعرف ان كالديرون ودول وهاسيك هم اشكال وهميه والاداره الفنيه بقيادة سامي حبيب ابن مساعد والكل يعرف ان الشلهوب مستواه الحالي لا يأهله للعب في مباريات خيريه ومع ذلك هوا اساسي في اي مباراه انشاء الله اخر المباراه يجلس ويحط رجل على رجل المهم يلعب وبس لأنه حبيب سامي الاخوان الي يقولون البلا من الدفاع اقول لهم البلا والله من وسطك الي ما يغطي مع الدفاع مخلي الدرعا ترعى في الدفاع الفريدي انشاء الله نراك في اداره جدده تنصف النجوم الحقيقين لأن مالك اي قبول في اداره الوسايط |
لاحول ولا قوة الا بالله .. عآآد زودتوهآآ شوي عآآد ..؟؟؟ |
| الوقت المعتمد في المنتدى بتوقيت جرينتش +3.
الوقت الان » 12:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd