الادارة وش دخلها اذاكان عندك حارس مبنج ولاعب اسمة الزوري
 

سيكثر المندسون لتوجية اقلامهم بنقد الاداره وغير والابتعاد عن الاسباب الحقيقة
التي ارا انها تكمن في اشباه الاعبين الي حرقوا قلوبنا واعصابنا
(الزوري &شراحيلي)
للاسف مدري وش اقول اتمنا اشوفكم برا النادي
شراحلي حرقت قلوبنا جالس تتفرج علي الكورة في كل الاهداف
شي يقهر ياخي اذا مالك نفس تلعب لاتجلس تحرق اعصابنا انت
والزوري تتحملون الهدف الاول والثاني

ارجوا من المشرفين عدم حذف الموضوع
تعبنا وحنا نراعي نفسيات الاعبين
حرمقوا قلوبنا وللاسف مافية احد يحس
الادارة مالها دخل سوت الي عليها

اتفق معك الادراة ماله دخل في اخطاء يرتكبونها لاعبين
والاخ الي يقول ينسقونهم اقوله كم لاعب بتنسق ؟؟ اغلب الاعبين اليوم متهاونين بالمباراة الكوري يضيع هجمات والدفاع مدري وش اقول واخلي
مااقول الا انك ماقصرة

أعتقد التصعب هذا كله ما له داعي .
ما يحدث في سوريا هو من يستاهل ان يحترق القلب عليه
اللهم انصر اهل سوريا

الفريق يحتاج عبدالعزيز الدوسري والله وله فقده

والفريق اليوم يلعب بدون روح والدفاع للأسف شوارع

الحين نجي للأسطورة خالد شراحيلي ابي اعرف المدرب ليش يلعبه وعنده في الدكه حارس مثل السديري!!!

وطمنونا على إصابة هرماش

شراااااحيلي وما ادراك ما شرااااحيلي>>> انت شف كيف واقف قداام البلنتي بروووود ولا نقز ولا تحرك ولا شي ... وحنا عند التلفزيون تحركنا وهو ما تحرك


صراااحه الحاااارس مهم اقل شي اذا غاب دفاعك تلقى عندك حارس يخبي العيووووب
اه يالدعيع ايااامك ايااام

ترى غثيتوتا بكلمة مندسين يعني مانقول راينا ابد

والا اطلع مندس اذا ما ادح رئيس النادي ومدير الفريق،

الاداره جزء من الفريق وتتحمل مسؤلية اخفاقاته لانها هي من تعاقدت مع هالكديش

ومع مدربين سباكين ومع مدير فريق يتعاقد مع رجيع الانديه، وتبونا نبطل لهم

اخالفك الراي عزيزي وانا هلالي اب عن جد ,, الإدارة اخطئت في جلب المدرب في وقت متاخر واجلبت الاعبين بدون راي مدرب اخطئت اخطاء في هذا الموسم كلفت النادي الشيء الكثير والكثير بس ما نقول إلا الله يجب الخواتيم سليمه .

الأدآره مآتتحمل وش ذنبها في اللاعبين البآردين والمتخآذلين آمثآل الزوري وشراحيلي

الله يعووووض عليـنآ بسس ...

الحارس حالف ماينط بالثلاث اهداف يدعي يقول يارب ماتدخل طبعا اذا كان يدعي اصلا
ولاعبيننا مايعرفرن يضيعون الوقت ويعرفون يضيعون اهداف
على فكره هجمة سالم كانت بالدقيقه ٩٢وشات الكوره مستعجل تقل ملحوق
والزوري جته كوره على طبق من ذهب يقدر يضيع الوقت فيها ويطلعها آوت وهو ماعليه ضغط وجت منه جمة البلنتي
هذا غير مدربك اللي متقدم الدقيقه٧٢ وينزل القرني الدقيقه ٨١

الادارة هي من فرطت في عقيل بالغيث فالانقالات الشتوية ولا كان اليوم ماسك دفاعك .
الادارة هي من سمحت للبيشي يتزوج في نص الموسم .
الادارة كان بمكانها استبدال الداهية الكوري بمداف او ظهير اجنبي بدل المدافع الاوربي .
الذي يصرح يوميا بالرحيل.

عم اوافقك في شراحلي فقد كا الحجر على قلوبنا

اماالزوري فقد كان مميزا واخالفك فيه

المسألة فنية مو تخاذل انا اشوف ان المدرب مايتحمل اي شي
سامي الجابر مع احترامي اشوف هو سبب الاخفاق اليوم
معقولة القرني ظهير والزوري قلب والفرج لاعب وسط تحطه ظهير
انا اشوف جميع الي سجلو الاهداف للهلال هم السبب باستقبال الاهداف
الزوري لاتعليق العربي شوفو حركته بعد الهدف الثالث يتفنن
هرماش سبب الهدف الاول
ع الدوسري الفريدي المرشدي هوساوي البيشي لكم فقده