|
التحكيم الاَسيوي كالعادة ... واللاعب كالمتفرج ... والنتيجة سلبية ... السلام عليكم حياكم الله شباب اليوم الكل تابع مباراتنا مع الغرافة والنتيجة أنا أراها تعادل سلبي لمنافس على البطولة الاَسيوية لكن يكون التحكيم بها الطريقة اللي معليش أعذروني بالوصف (سخيفة) واللاعبين يسكتون على الأقل حسسوه أن قدامه لاعبين يدفون ويكسرون الكل شايف طريقة لاعبين الغرافة ومستواهم المتواضع وطريقة الاحتاج خصوصا اللاعب رقم عشرة يغمز للحكم مشي لي ولا عب ثاني يعد بصابع يديه شف التكسير والعنف ... أي تكسير وأي عنف أقول إذا اللاعبين مايحسسون الحكم بخطاه وأن لنا حق ماراح ننافس على البطولة كالأعوام السابقة إذا المباراة تكون على أرضك وبين جماهيرك يجي حكم يطقطق على كيفه وضربة مرمى واضحة للهلال يأمر بأن تكون زاوية والجمهور يتفاعل والمعلق يكاد يصاب بالجنون واللاعب دوره كالمتفرج ياخي ترى لك حق تطالب فيه وطلب الحق ليس بعيب ... مع إحترامي للتحكيم الاَسيوي ولاعبينا الساكتين عن حقهم ... |
الحين تركت دفاعنا الشوارع وسطنا الضايع وهجومنا العقيم ورحت تشتكي من الحكم والله لو الهلال يلاعب فريق غير الغرافه راح يخسر بكل سهوله |
ياخي لا نتحجج بالتحكيم الا لاعبينك اليوم وش زينوا ؟؟؟؟؟؟؟ مافيهم احد يفتح النفس ماعدا هرماش والباقي يخلف الله اجل نبغى الاسيويه وبهالمستوى والاداء |
إقتباس:
أتمنى أن تكوني قد قرأت الموضوع |
ههههههه قال ايش قال حكم والله أول سنة تمر علي الهلال بكل مباراه لازم يشتكي من التحكيم ياخي فريقك من جنبها الوسط شايل المباراه الا الدفاع تعبان والهجوم اليوم أضاع فوز سهل ولكن خيرها بغيرها شراحيلي اليوم عالم ثاني نفسي افهم ايش يحس فيه يوم تجي الاهداف وهو حتى محاولة مايحاول انه يصدها |
- ارى ان نقطة من ارض الخصم جيدهه ,, شكرآ لكك :smilie47: |
أوافقكم الرأي اقرأؤ الموضوع كاملا بارك الله فيكم |
حـــــــــــــتى لوقلنا تحكيم فريق بحجم الهلال متقدر تدافع يأخي واضح مافيه منهجية في المبارات |
خل الهلال يلعب وبعدين نشكي من التحكيم لا يصير التحكيم شماعة لنا مثل جماهير الفقر تحياتي |
إقتباس:
لكن التنبيه مهم ولازم اللاعبين يفهمون أن لهم حق يطالبون بحقهم |
الله يقلع بليسك ..تكفى احذف سالفة الحكم .. يعنبوا دار العدو ..دفاع الفريق سكة حديد ...تقول حكم ؟؟ بعدين الجزائية 100% صحيحه .... |
الحكم ماله ذنب اللاعبين استهتار استصغار الخصم انانيه زائده اللاعب تشوفه في كل مكان المدرب مافيه تنظيم تبديلات خاطئه عافس الفريق تبديلات في وقت خاطئ الله يصصبررررنا ان شاء الله ان يكون القادم افضل |
ي طويل آلعمر .. احترم وجهة نظررك جدا ! لكن ! التحكيم ماله آي دخل ّ! >< |
ودك تشوف التحكيم الا سيوي شف بلنتي الاهلي كيف حسبه وقبله بلنتي مصلع للايراني ويشوفه العميان ولكن هذا هم حكام الراشاوي الاسيوي |
وجهة نظركم وأحترمها 90% منها مقنع جداً |
لا للاعبين أي عذر والله العظيم الفريق يبي له فورماااااااااااااااااااات والمدرب ينقلع الله يغثه فقع كبدي ما فيه أي تكتيك فني نراه والله العظيم ما نشوف بطولة آسيا بهذا الفريق |
اللي قاعدين يتفلسفون خل الهلال يلعب اول بعدين تكلم عن الحكم الحكم جاي يحكم بالعدل ماله دخل يلعب الفريق زين والا شين حقنا عطنا اياه اليوم انواع التكسير من لاعبي الغرافه وماحرك ساكن واي احتكاك من لاعبينا فاول وين ياعمي طير من بعد غمزة فرهاد انقلب التحكيم ايراني يغمز لحكم الراية البحريني هذي تنحط عليها مية علامة استفهام !!! كل السنوات اللي فاتت خروجنا من الاسيويه واحده من اهم الاسباب التحكيم الفاشل نصيح من حكامنا السعوديين يجونك الاسيويين اخس الله يقلع كل حكم ظالم عند الايرانيين تجيهم ام الركب وامام الانديه القطريه معاهم وبالذات الغرافه وماننسى مبارات العام الماضي يعطيك العافيه |
ماخبصنا غير الدفاع التعبان الى متى بنصبر على هالدفاع تجي فينا اهداف ياخي ترفع الضغط لاهوساوي بمستواه ولا المرشدي الي اختفى من بطولة الخليج فمابالك بحتياطهم الي جالسين يخبصون في كل مباراه وانت جايني تحكيم وماتحكيم التحكيم حجة غيرنا لعبة غيرنا مو حجة ولعبة الهلال |
لن ينفع الكلام عن التحكيم واللاعبون إذا انجروا للاحتجاجات يمكن تكون العواقب وخيمة التركيز داخل الملعب والحضور الذهني مطلوب لتحقيق الفوز |
| الوقت المعتمد في المنتدى بتوقيت جرينتش +3.
الوقت الان » 04:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd