
21/03/2012, 08:40 PM
|
زعيــم مميــز | | تاريخ التسجيل: 15/06/2003 المكان: In My RoOm
مشاركات: 3,192
| |
فشلتونا الله يفشلكم. فريق يسود الوجه عندنا أفضل اللاعبين المحليين
شبابنا فيهم الخير
الفريق يحتاج إلى وقت وصبر
هذه كانت العبارات التافهة التي كانت تصدر من إدارة النادي لتبرير عجزها عن التعاقدات المحلية, اليوم شفنا شباب الفريق اللي حاسوا الدفاع حوس. خيرات, الرزوي, الدوسري (وإن كان يلعب في خانه جديدة). كل هذا حدث بسبب غياب قلب دفاع واحد (ما أحسب المرشدي لأنه ما ينحسب من اللاعبين أساسا).
طبعا ما ننسى الخبر المضحك وهو غياب سلطان البيشي بسبب الزواج, ويقولون حاولنا وما قدرنا.
يا ناس شئ غريب, عندنا اداره تحور كل الامور لصالحها:
أسامة جاته عروض خارجيه ونزل مستواه (طيب ليه ما يصير هالشئ للاعبين الفرق الثانية؟؟ ).
الفريدي زعلان وسحب على التمرين.
البيشي عرسه يوم مباراه مهمة في بطولة يحلم فيها الرئيس الهلالي.
سامي عنده دورة في منتصف الموسم.
إيمانا زعلان من المدرب ومشيناهم ثنينهم (حل خورافي).
نيفيز يبي يروح البرازيل (ما صارت مع أجانب في أندية ثانية).
جيريتس جاه عرض من المغرب.
مشاكل غير طبيعيه تحدث للنادي في عهد الإدارة الحالية, المشكلة ان هناك حلول كثيره منها استبقايه قبل حدوث المشكله ومنها حلول بعد المشكله للتخفيف منها على الأقل, دائما الاداره توعد ولا تنفذ, حاولنا وسوينا لكن ما قدرنا, دائما يحاولون البحث عن كلام يبرر عدم قدرتهم على حل المشاكل.
أقسم بالله الفريق منهار, بهكذا لاعبين انت تسوي بلاوي, فقط يحتاجون لتدعيم زي الناس, اليوم الفريق ظهرت حاجته الكبيره لظهير أيمن آخر غير البيشي, وقلب دفاع سواءا محلي أو أجنبي, وظهير أيسر زي العالم والناس عشان نخلي الفرج يلعب في خانته الأساسيه في النص بدال العاهة الغنام.
وش الفياده من مهاجمين أجانب وانت تلعب بمهاجم واحد؟ طيب انت جبت هاسيك وصار يبي يلعب براس حربه واحد, ياخي صرف الكوري اللي حده الانصار والقادسية وجيب قلب دفاع آسيوي زي العالم والناس.
الاتحاد على ضعفه الغير طبيعي يكفخ في آسيا تكفيخ, جاب 6 نقاط زي السلام عليكم, فريق يعد لاعبينه صح, يهيأهم نفسيا, لا يشنغلون بالاعلام.
والله ان الوضع يقهر والله يعينا على الايام القادمة السوداء. عن نفسي ما صار يفرق معي شئ حتى التأهل الآسيوي الموسم المقبل مش مهم لان الفريق ما راح يسوي شئ, اما هالسنه اتمنى الخروج من البطولة لأن لو بنتأهل بنتأهل في المركز الثاني وبنلعب مع الاتحاد وبيجلدون واليدنا. |