نادي الهلال السعودي - شبكة الزعيم - الموقع الرسمي - وزغرطي يا انشراح لللووولش... أمر ملكي : تغيير مدير جامعة طيبة .. أخييييرا

بسم الله الرحمن الرحيم

لا اجيد المقدمات بدخل على الموضوع سيده :s2: وادري بتقولون لي لاعاد تكتب شئ :d

صدر امر ملكي بتعيين الدكتور عدنان بن عبدالله بن سليمان المزروع مديراً لجامعة طيبة

وعم الفرح ارجاء الجامعه :d مهو فرحا بعدنان ( أصلا أول مره أسمع فيه ) لا بل فرح خروج النزهه مدير الجامعه

حتى المتخرجين من جامعتنا فرحوا بهالخبر لما عانوه :cry:

أول مادخلت هالجامعه كان فيه شوية فكر في راسي اني اخذ البكالوريوس ثم الماستر لكن بعد الدراسه ادور التخرج بس وبأي معدل :cry:

وش اقول بس لو وصفت الحال بالظلم فإني ظلمت كلمة الظلم :d لأن اللي يصير في الجامعه تضييع لمستقبل طلاب

سأحتاج لمستندات وكتب ودفاتر وجدران واي شئ قابل للكتابه عليه علشان اوصف لكم اللي صاير في الجامعه لكن بقول لكم حاله وحده وانا تضررت منها شخصيا

:::::::::

اول ماتخرجت من الثانوي وانا نيتي اتخصص حاسب :d:smilie47:

طبعا ابوي واخاوني حاولي في لكن ردي : حاسب :d:smilie47:

ويالله بسم الله وعلى بركة الله سجلنا في الجامعه قسم كلية العلوم التطبيقيه << وهذي فيها :

- هندسه
- كلية علوم وهندسة حاسبات
- كلية العلوم المالية والاداريه

طبعا تدرس السنة التحضيرية ثم تحدد وش تبي من اللي فوق وعلى حسب معدلك في السنة التحضيرية يدخلك ولا لا

اول اسبوع كان ملتقى رحت متحمس مع ان مافيه تحضير لكن تعرفون جديد وكذا :d:smilie47: واحضر سبت واحد واثنين وثلاثاء والاربعاء جينا وقالو فيه مؤتمر تجون الخميس قلنا قدام خخخخخخخخ وجينا الخميس :d

وكانو يقولون لنا ( للي بيدخل حاسب ) انتم اول دفعه راح تدرس هندسة حاسبات وحنا خششنا كذا :d مبسوطين :s2: لأن اغلب اللي تكلمت معهم وبيدخلون حاسب بيدخلون هندسة حاسبات :d

يالله درسنا تحضيري وكرفنا من 8 الى 5 يوميا وحاسبة سعرها 600 وانت طالع اجباري حتى فيه احد الدكاترة مايحضرك اذا ما اشتريتها

لكن الحمدلله اللي درسني واحد طيب وكان يمشينا بدون حاسبه :smilie47:

بالإضافه تشترك في دورة الآي سي دي ال اجباري بـ 850 الظاهر والزبدة عدينا والحمدلله ودخلت الحاسب :clap:

لكن !!!

وين تخصص هندسة حاسبات ؟! لسه مافتحو التخصص ؟! ياعيال وش الهرجه !!! ياشباب حنا داخلين هالجامعة علشان هالتخصص موجود ونبغاه وش ذا ؟!

طبعا تلاحظون انهم كاتبين كلية علوم وهندسة حاسبات

الا وواحد من الشباب كتب رد في منتدى الجامعة ان راح وسأل وقاله الموظف حنا كاتبينها من 3 مدري خمس سنوات !!!

لا ياشيخ !! يعني من سنوات وانتم تضحكون على الطلاب ان هالتخصص موجود عندكم !!!

ولاتشوفون النفسيه وقتها :cry:

طيب دخلنا الحاسب وعرفنا انك تختار التخصص من بعد المستوى الرابع قلنا حلو سنتين ان شاء الله يفتحون التخصص << لسه عندنا امل :s2:

طيب وصلنا الرابع ولا شئ جديد ومافيه قدامك غير تخصصين علوم حاسب ونظم معلومات

طيب انا وخوياي شفنا الانسب نظم معلومات ( واغلب الطلاب كمان يبغونه ) وطلبو منا نطبع ورقة التخصص ونكتب اللي نبيه والسبب :d

لما جينا المستوى الخامس وننظر !!!!!!!!!! تخصصي علوم حاسبات !!!! ادق على خويي علوم حاسبات وادق على الاخر علوم حاسبات !!!!! ياولد وش الهرجه !!

الاخوان وبدون سابق انذار وزعونا على حسب معدلاتنا :d مع ان كل الدفع اللي قبلنا على حسب رغبتهم :to:

طيب وش فايدة الورقة حقت التخصص اللي عبيناها ؟! ههههههههههههههههههههه

السالفه شكلها انهم شافو اغلب الطلاب رايحين لنظم المعلومات وقليل اللي يبغون علوم حاسب فقامو خلوها حسب المعدل علشان نتوزع !! طيب تخصصكم مانبغاه بدل ماتشوفون ليش الطلاب مايبغونه تخلونا ندرسه اجباري !!

وكالعادة بعد السؤال وحنا كتبنا كذا قالو تبي تغير تخصصك ادرس ترم في التخصص الجديد ثم اطلب التغيير !! ياحبيبي يعني كمان اضيع ترم !!

قلنا خيره ان شاء الله وهذا حنا جالسين ندرس والله يعين

ودي افضفض لكن قلت لكم يبغالي مجلدات وهذي سالفه وحده ( مع الاختصار ) شوفو قد ايش اخذت :s5s:

هذا من غير المكان الغير مؤهل دراسيا ابدا ابدا ابدا

حيث تستقبلك آلات تكسير الجبال ( جد اتكلم ) قاعدين يكسرون وتدرس تحت انغامها العذبه ( طق طق طق طق طق طق ) ( طقطقطقطقطقطقطق << هذا واحد شاد حيله خخخخخخخخخ ) ومكيفات خربانه مع ان المبنى جديد

على طاري المبنى الجديد تبغوني اقولكم قصته :d خفت اكتبها وتقولون وش ذا الموضوع الطويل :s2:

خلاص بختم الموضوع بسالفه بختصرها بسطرين :

سوا المدير ملتقى بالطلاب علشان يسمعهم ويتكلمون بصراحه وواحد تكلم بصراحه ثم قال الحل لازم يكون من رأس الهرم وهو انت ( يكلم المدير ) وبسبب هالصراحه حسب ماوصلني مؤخرا ان الطالب مفصول ترمين :d

حان وقت سكوتي والزبده حبيت انكم تعيشون معي الفرحه وكذا بذهابه

ملاحظة : قد ترون تكليجات فوق لكن ماطرى علي اراجع كل اللي كتبته لذلك لحد يدقق :d وشكرا :d

نراكم على خير :smilie47: