|
ياناس : إصابة نامي عاديه وتحصل .... بس زواج البيشي فضيحه بسم الله الرحمن الرحيم أسعد الله مسائكم بكل خير يازعماء :ba1::ba: تضاربت الأنباء خلال اليومين الماضيه حول إصابة نامي وإحتمالية غيابه عن لقاء الغرافه في ( دوري أبطال آسيا ) يوم الأربعاء المقبل مصاب ؟؟!! الله يقومه بالسلامه وعذره معه .. ماشاء الله عندنا كل ماطاح لاعب طاح على كتفه والا على كوعه المهم بديل نامي الأقل منه مستوى سلطان البيشي حدد يوم زواجه بنفس يوم مباراة الهلال مع الغرافه أو ( حدد ) بضم الحاء مع إنهم بكل صراحه حتى هذه اللحظه لم يصلا لمستوى طيب الذكر لي يونج بيو :smilie47: جدول مباريات الهلال محدد مسبقا .. والقرعه مسحوبه قبل 3 أو 4 أشهر ! يعني من المفترض على العريس سلطان بأن يفهم بأن يوم الأربعاء 21/3 فيه مباراه للهلال ضد الغرافه في قطر ! وحتى لو كان حاسب حسابه إنه ماراح يلعب فعلى الأقل راح يكون في الإحتياط! فمابالك إذا كان نامي مصاب ؟ !!! ولا يوجد بديل جاهز للظهير الأيمن سوى سلطان البيشي ؟؟؟ لكن الرجال عنده زواج !! كيف يترك زواجه ويروح يلعب للهلال ؟؟!! ههههههههههههه مجانين أنتوا ؟؟ ياناس سلطان البيشي لاعب محترف يعني وظيفته هي ( الهلال ) لذلك غصب عليك تلعب وأنت ماتشوف الدرب رزقك وراتبك على الله ثم على الهلال كيف يعتذر عن لقاء مهم بسبب الزواج ؟! كثير من المطبلين قالوا زواجه أهم وكثير من العاشقين للهلال قالوا الهلال أهم والحمد لله أنا واحد منهم لكن كيف هي طريقة تفكيرهم يوم يقولون الزواج أهم؟؟! ياناس هي ماحبكت الا يوم الأربعاء ؟؟؟؟!!!!!! أنا أبي أسأل أي مطبل لسلطان البيشي (بذمتكم ليوم الدين) عمركم شفتوا لاعب إعتذر عن مباراة فريقه ( القاريه ) بغرض زواجه ؟؟؟!!! أعتقد من المفترض على إدارة الهلال بأن تجبر سلطان البيشي على المغادره مع الفريق الهلال في مهمه رسميه قاريه والأخ يبي يعرس ؟؟!! بأي منطق هذا وبأي قانون طلع لنا سلطان فيه إذا تبون الروح اللي تتكلمون عليها وياما وياما طالبتوا الفريق فيها وخصوصا وابل النقد المنصب دائما على الفريدي بأنه لايعب بروح الهلال ودائما بعد أي خساره للهلال أو تعادل دائما نسمع لغة اللاعبين لم يلعبوا بروح الفريق! واللاعبين ماقدروا الشعار اللي هم لابسينه؟ طيب وين هالروح عن العريس سلطان البيشي ؟؟!! في نظري وبكل صراحه لو تغيب سلطان البيشي عن مباراة الغرافه لنفس هالسبب فصدقوني إنه راح يطيح من عين ( نصف الجمهور الهلالي ) واذا راح وحتى لو مالعب فقسم بالله إن راح نحطه على رؤوسنا كلنا سواء كنا مؤيدين لغيابه أو رافضين أما إذا غاب ولاسمح الله خسر الهلال فلا عاد تنتظرون من البيشي أي شيء يقدمه لكم وراح نطالب بتنسيقه إذا هو ماله شخصية على حرمته فكيف بيكون له شخصيه في الفريق! الفريق راح يغادر ظهر اليوم وحتى لو ماراح سلطان معاهم فيه طيارات ثانيه عل وعسى أن تصل أصواتنا للإداره بإذن الله ونتدارك الخطأ قبل وقوعه للعلم أقسم بمن رفع سبع ونزل سبع إني هلالي صميم ومتعصب بعد لأني عارف إن فيه ناس بيردون ويخالفوني الرأي ميه بالميه بس عشان تحطون هالنقطه قبل ماتنتقدوني ولكن حب الهلال وتصرفات بعض لاعبينه هي من دفعني لكتابة موضوعي هذا نقطه أخيره هذا ماقاله مدير المركز الإعلامي عبدالكريم الجاسر ليلة البارحه في تويتر http://www6.0zz0.com/2012/03/19/08/987309965.png http://www6.0zz0.com/2012/03/19/08/965898513.png بصراحه هذا ماسمح لي بعنونة هذا الموضوع إن أصبت فمن الله وإن أخطأت فمن نفسي ومن الشيطان في أمان الله :rose: |
آخوي ، سلطآن البيشي توه هآوي موب محترف ! تآگد من معلومآتگ قبل تلوم آلآدآرة وللآعب .. |
ياخوي سلاماااااااات ترا سلطان البيشي لاعب هاوي وهو عسكري بالقاعده الجوية , الرجال حاجز وانتهى من كل الترتيبات توها تطري على الاداراه ان العب عنده زواج ؟ الله يعين سلطان بس والف مبروك مقدما وحياه زوجيه سعيده اخوي سلطان |
يابن الحلال ادارة محترفه تقول نبي اسيا وبنركز في هالبطوله واولها البيشي يتزوج بيوم مباراه مهمه وماعندك بديل هههههه بيجونك الحين ناس كثيرين بيقولون اهم شي زواجه ومدري ايش شف وظيفته العسكريه قالو فيه مباراه الثلوث اذا مالعبت بتعاقب عليها شف شلون وهنا ادارتنا المثاليه فله حط زواجك متى ماتبي ويردون يقولون حاولنا يأجل ماقدرنا ههههههههه طيب من البدايه عندكم الجدوله لاهوساوي ولا البيشي يعني الجهه اليمنى اللي كانت قويه بالدفاع بتصير الحين مسخررره لأن الجهه اليسرى الزوري والمرشدي منتهين منها من زمان انها نقطه ضعف الله يستر بس من الدفاع والا الوسط والهجوم ماعليه خوف ان شاء الله لازم محورين هرماش والقرني وقدامهم العابد وسالم والشلهوب |
الحين تركتوا الموضوع كله وركزتوا على إنه لاعب هاوي !! حتى لو هاوي ... أعتقد الهلال بحاجته والمفروض بأن القرار يكون بيده مو بيد أهل العروس! والحمد لله إني كتبت آخر الموضوع إن أصبت فمن الله وإن أخطأت فمني ومن الشيطان :) مغزى الموضوع هو فكرة الزواج بحد ذاتها وليست إحترافية البيشي أو هوايته للعب الكره ! |
الفضيحهةة طإل عمرك هو مؤضوعك عندك إداره وإعيه يإ حبيبي وبخصوص موضوعك مع إحترإم إلشديد لكك فإشل ومإ إفإدنا بي إي شي |
اللاعب هاوي يا عزيزي وليس محترف !! وبعدين الأمير عبدالرحمن صرح وقال إنهم حاولوا يغيرون الموعد وييسرون أمور زواجه بموعد آخر ولكن ظروفه العائليه لا تسمح بذلك أبداً " الفريق ككل مستواهـ في دروب من بعد مباراة الإتحاد في جدهـ والآن بتربط خسارتنا ( لا سمح الله ) من الغرافه بزواج البيشي ؟! وتتكلم بإسم نصف جمهور الهلال بأن سلطان بيطيح من أعينهم في حال أقام زواجه وخسر الهلال !! يارباه إنت تعلم كم يصل عدد نصف جمهور الهلال حتى تتكلم بإسمهم ؟!! نصف كلامگ اجتهادات شخصيه !! لا أقصد التجريح " وتقبل مروري .. |
قسماً بالله صاحب الموضوع ماهو يم الكورة .......اللاعب حدد زواجه قبل 5 أشهر اللاعب حدد زواجه قبل قرعة آسيا وقبل مايصاب نامي ، علشان عنده زواج والإدارة تعلم بذلك تقوم انت وتزعل وتطالب الإدارة بعدم إحترافيتها ....الخ لمعلوميتك يالي تقول وين الإحتراف اللاعب ليس محترف وعسكري بالقاعدة الجوية وطالبينه مرجعه يلعب مباراة بكرة الثلاثاء والحين الرجال بمشكلة ...... ياخي كبروا عقولكم من هالمواضيع التافهة ..... |
إيه خله يروح يتزوج الرجال دام محدد الفتره من زمان لكن هل كان للاداره خبر قبل موعد زفافه بوقت كاف ؟ إذا توقع أي شي ولازم يكون البديل جاهز حمد لله عندك سلمان الفرج ممكن يلعب بهالمركز. |
مآ تبيه يطلقهآ مره وحده ؟ -- ومنك آلمآل ومنهآ آلعيآل ي سسلطآن |
سلطان البيشي هاوي ولو كان محترف يلعب غصب عليه لكن الحمدلله على كل حال واتمنى الفرج يلعب بداله |
قبل هياطك على خلق الله :) تتأكد من معلوماتك يا عزيزي :) بعدين اذا -لو قدر الله- خسرنا ليه نعترض على كتبة رب العالمين ربي لو كتب لنا الفوز -ان شاء الله - ما يردنا لا نامي و البيشي و توكل على الله سبحانه |
مع أحترامي لك يا صاحب الموضوع .. موضوعك يدل على مستوى تفكيرك المتدني .. وأنصحك بعدم الكتآبة في هذا المنتدى ..!! |
ياناس خلاص هاوي هاوي ماقلنا شي لكن فكروا بمغزى الموضوع مو بهاوي والا محترف ! الفكره هي كيف يتزوج بنفس يوم المباراه .. وبالنسبه للي يقول صاحب الموضوع ماهو يم الكوره ويبرر للاعب بأنه حدد زواجه قبل خمس أشهر وانت من قال لك ؟؟ أنت أخو العروس مثلا ؟؟ إقتباس:
هذا الواقع يالغالي واذا إنهزم الهلال لاسمح الله فأول المبررات اللي تتخذها الجماهير هو غياب البيشي سلطان وبتشوف كلامي عن نصف جمهور الهلال لايعني بأني عادهم عد ولكن التعبير مجازي فقط لاغير |
انا اعتبر ملف الكابتن سلطان البيشي اقفل تماماً .ووصل الى طريق مسدود بعد محاولات عديده . فلماذا نناقش في موضوع منتهي ,,, الحمد الله الخيره فيما كتبه الله لن نستفيد من هذا الحديث سواء الشحن النفسي والظغط على الاداره واللاعبين .لماذا نعاتب والمباره لم تبدأ والمستوى لم نشاهده . . الزعيم لا يقف على لاعب واحد . الزعيم شهد غيابات سابقه قبل مباريات مهمه ولعب بشكل مثالي فلماذا الاستعجال على الحكم ؟؟ ادارة الهلال اداره محترفه وواعيه وبإستطاعتها احتواء المشكله وايجاد البديل المناسب . لندعوا الله ان يوفق زملاءنا الكباتنه المستعدين حالياً خلال المعسكر ولغاية نهاية المبارة داخل الميدان فهم محتاجين لنا لنقف معهم بدلاً من هذا النقد . بالتوفيق للكابتن سلطان البيشي في زواجه وحفظه الله وستره من كل شر . |
| الوقت المعتمد في المنتدى بتوقيت جرينتش +3.
الوقت الان » 07:14 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd