|
مجرد سؤال الى متى ضياع الكرنر بالهلال ؟!!! الهلال النادي الاسيوي الاول الزعيم نادي القرن الى متى وعدم الاستفادة من الركنيات بالهلال عشسر ركنيات عشرين ركنيه اكثر او اقل لا تستثمر من الهلال من اسهل الاشياء امام الهلال من مدافعين الفرق اخراج الكرة كرنر لان النتيجة لاشي ضياعها او هجمة مرتده على الهلال وجهة نظر لاعبي الدفاع قصار الاقامة عدا اسامة لماذا لا يعمل الهلال على جلب لاعب الرائد المسلم لطوله وايجادة ضربات الراس امام المرمى بالكرنر او الفاولات |
اتوقع ان تمركز الاعبين وقت التنفيذ مو صحيح والتدريب اتوقع مافي تدريب كاافي ع الركنياات يعطيك العاافيه تقبل مروي |
انت شوف منو يشوت الركنيات ويلي اتمنا يشوت الركنيات عادل هرماش يعطيك العافيه |
من عرفت الهلال وهذا هو مايستفيد من الركنيات الا ناااااادرا .. |
اذا جاء نيفيز ورادوي ذاك الوقت نلعب العرضيات والركنيات ممتازه |
وجهات نظركم هي التي جعلتني افتح مثل هذا الموضوع فهو من زمان وليس الان زمان زمان نادرا ان تجد هدف من كرنر للهلال لكن عليه عد |
ايه والله انك صادق الهلال مايستفيد من الركنيه الانادر والأسباب يمكن قصر قامه بعض اللاعبين او التمركز الغير سليم اثناء تنفيذ الركنيه ربما هذه الأسباب يعطيك العافيه تحياتي |
هل شفت برشلونه يسجل من كورنر او ريال مدريد. الضربات الركنية اصبحت من غير فائدة لجميع الفرق |
يا اخي حطو واحد يشوت زين بس ! الهلال مافيه احد يعرف يشوت كورنر !! كلها في يد الحارسس .. ولا عندننا العربي والكوري ينتضرون الكوره بس وشفت ارتقاء الكوري في مباراة الانصآر |
سبق وكتبت هالكلام في احدى المواضيع بعد خسارة مبارا ة الرائد بالتعادل وهو ان ركنيات الهلال من يقوم بتنفيذها الشلهوب واسلوبه بدائي في التنفيذ وذكرت ان الشلهوب هالموسم سدد اكثر من سبعين ركله ركنيه لم يسجل الهلال منها ولا هدف .. تنفيذ الشلهوب ضعيف وبالكاد تصل الكره القائم الاول .. ميزة الركنيات التي تسجل اهداف في اوروبا او بعض الاندية المحلية التي تعتمد عالكرات الثابته انها تكون قويه وبعيده عن حارس المرمى بحيث تحتاج فقط للتحويل .. اضافه الى ان الشخص الاخر المنفذ الفريدي .. يلعب الركنيه باسلوب الكرات الساقطه من الاعلى للاسفل .. وهذي تاتي ضعيفه وعديمه الفائده وسهله الابعاد من المدافعين . فقط نواف العابد .. وعبدالعزيز الدوسري من يقوموا بتنفيذ الركلات الركنيه بقوه ولابد من التركيز على هذه النقطه .. فالركنيات حققت بطولة كأس العالم لفرنسا 98 م برأسيات زين الدين زيدان وفي الهلال تعتبر ضربة مرمى للخصم .. او انها تكون سبب في هدف في الهلال من هجمه مرتده كما حدث في لقاء الاهلي الدور الثاني بجده .. للاسف يأتي المحترفون .. ويذهبون ,,, ومن جاورهم ولعب معهم لم يستفد منهم في اي ميزه كانت تميزهم .. فلا احد استفاد من رادوي في تغطياته وتسديداته وتمريراته الطويله .. ولا احد استفاد من نيفيز والتائب في التمرير السريع ومن لمسه وبدون عك كروي .. ولا استفدنا من طريقة تنفيذهم للركنيات القويه المركزه والمتعبة لحراس المرمى .. |
والله ما دري إيش أقولك ؟؟؟؟؟؟؟؟؟؟؟؟؟؟؟؟؟؟؟؟ |
تكلموا كثير ف هالموضوع امس عضو اعطانا حلول لكن هل احد ليأخذ !؟ |
أتفق معك بمعق يالغالي. تنفيذ الركنية وجديه اللاعبين بالارتقاء تحسسك انهم مغصوبين عليه أفشل فريق يستغل الركنيات هو الهلال بكل أمانة يعافـــــــــيك ^_^ |
المشكله حبيبي مو من يطقها راس .. المشكله أكبر من كذا المشكله ما عندك أحد يعرف يرفع !!.. هل تصدق ؟!!.. نادي القرن وما فيه لاعب واحد يعرف يرفع رفعات خطييييييييره !!.. هذي مشكله واجهة نادي القرن تحديدا بعد ذهاب أحمد الدوخي اللي رفعاته على الأقل يجي منها .. لكن تقولي لاعب كل رفعاته خطيره او حتى 80% منها خطيره لا يوجد بنادي القرن والسبب هذا جعل نادي القرن لا يستفيد من أقرب الأخطاء لمنطقة الجزاء من جهة الأطراف ... اللاعب جونينهو البرازيلي لاعب الغرافه القطري كان أي فاول قريب بصراحه تحط يدك على قلبك لأنه يعرف يرفع رفعات خطييييييييييره مو مثل لاعبينك الرفعه رح جبها من التماس !!.. لا كرنر ولا فاول يستفيد منه نادي القرن ولا تقولي الشلهوب ولا الفريدي ولا أي واحد موجود الان بالتشكيله يقدر يرفع رفعه تشكل خطوره على الخصم .. ومتى ما وجد اللاعب اللي يعرف يرفع راح تستفيد من الأخطاء .. وش فايدة لاعب يجيد ضربات الرأس وما عنده أحد يرفع له أو بمعنى أصح يعرف يرفع .. أما إذا كان عندك لاعب صح يعرف يرفع تقدر تستفيد من الأخطاء حتى بعدم وجود لاعب يجيد ضربات الرأس لأن أغلب اللاعبين عنده المبادىء لضرب الكره بالرأس وإذا جت الرفعه على راسه بالمقاس راح يسكنها الشباك بكل سهوله .. |
أحسنت في إثارة هذي النقطه الركنيات والفاولات معدومه عندنا مانستفيد منها حق إستفاده السؤال موجه للمدرب ياترى هل يعمل تكتيك في فرص مثل هذي ؟ |
| الوقت المعتمد في المنتدى بتوقيت جرينتش +3.
الوقت الان » 11:31 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd