انها الاداره المثاليه ياحبيبي تبي اسيا وعندك اداره مثاليه مع اللاعبيين انواع الدلع والترف المالي والاستهتار بالفريق وفي الاخير اجازات للاعبيين بسبب تافه قال زواج يتزوج في الاجازة عنده 3 اشهر كامله وصدقني لو خسر الهلال راح تشوف انواع التبريرات منهم
لو تبي اسيا اكرف اللاعبيين صح رجع لهم روح الهلال مو لعب واستهتار في الملعب ولابرود الفريدي واجازة البيشي بس والله ماعمري شفتها في اي نادي في العالم لاعب يغيب عن اهم مبارة اسيوية بسبب زواج !!!! انه زمن الاحتراف الحقيقي ولاتتوقع يمكن يكون شهر العسل على حساب النادي ويغيب اللاعب شهر كامل مع ادارتنا توقع اي شي

بن مساعد أكثر كلمة يقولها ( الاحترافيه )
وآخرتها يغيب لاعب عن مباراة مهمه بسبب زواجه ..

فاهمين الاحترافيه غلط .. مايصبر إلى نهاية الموسم أو يؤجل يوم واحد

الف مبروك يا سلطان

ومنك المال ومنها العيال

وعسى الله يوفقك في دنياك ويرزقك الذريه الصالحه


بالتوفيق للهلال ماعمر الهلال وقف على لاعب

اشكر الاخ كاتب الموضوع وفعلا الهلال مو ناقص انه البيشى يتزوج هالوقت فى ظل اصابة نامى وطرد هوساوي وكلام الاخ فى محله موعد بطولة اسيا محدد من زمان والجدول معروف من كم شهر كان بإمكانه يحط الزواج فى اسبوع ما فيه مباراة اسيوية لكن هذا قدر الزعيم وخاصة بالاسيوية يكون ناقص دائما المباراة الاولى اصابة ويلهامسون ثم طرد هوساوي والحين البيشى ونامى مع هوساوي والله يستر من الباقي الله يوفق الزعيم ويتجاوز هالمباراة ويجب التركيز على الدفاع لأن الدفاع هو نقطة ضعف الهلال بوجود هوساوي فما بالكم بغيابه + غياب الظهير الايمن وانا هنا اقترح ان يلعب بالظهير الايمن فى حال لم يلعب نامى ان يكون القرني وشررايكم يا زعماء من تتوقعون الانسب للظهير الايمن

الله يووووفقه ويرزقه الذريه الصاااااالحه..........

أولا يأخي هذا زواج إكمال نصف الدين مولعبه الزواج محدد مسبقا من قبل جدول الآسيويه يعني
تبيه يأجله من أجل مباراة صارة الكره أهم من إكمال نصف الدين وإستقرار للشخص
وتقول مافيه إحترافيه هو تاركــ النادي من أجل نزهه
الرجال يبي يتزوج وش تبيه يسوي يقول لا خلو زواجي بعد ما ألعب مباراة الغرافه وش هالتفكير
العقيم عندنا إذا كنا نفكر بها التفكير اللي يخلي الكره أهم من إستقرار الشخص
ذا بدال مانقول الله يوفقه في حياته ويجمع بينهم بخير ويرزقهم الذريه الصالحه التي تملأ عليهم حياتهم
فرح وسعاده نقول ذا وقت الزواح حنا ورانا مباراة ولاحول ولاقوة إلا بالله أصبح الزواج في نظرنا
مصيبه وأعوذ بالله من زلة لسان غير محسوبه والرسول يقول (( من أستطاع منكم الباءة فليتزوج))
وقال في معنى((....وأنكح النساء ومن رغب عن ملتي فليس مني )) الزواج الله يهديك ويصلحكــ
جزء من الدين ماهو مصيبه كما تقول الله يصلح الشأن

ثانيا .. العرف والتقاليد تلزمنا بها الشئ وماهو زين بحق الزوج ولا أهل ولا أقاربه يقول عندي مباراة
ما أقدر أتزوج في اليوم اللي حددناه أجلوه ليوم آخر بأي وجه سيقابل غيره وأهل بيته هل رجل على
قدر المسئوليه أم لا ستمر عليكــ هذه الظروف وسترى بعينكــ أن الزواج مسئوليه ماهو لعب

حسااااااااافه على ادارة المنتدى السابقه
كيف يسمحون لعضو ينزل موضوع مثل هذا بدال مايدعون له بان الله يبارك له
والله اقول راحت الانسانيه
المفروض لمثل هذه المواضيع نسميه مواضيع (شبيحه)

والله اذا كانت الاسيويه


ماتجي الا عن طريق البيشي


فلا بارك الله فيها مانبيها


وترك الرجل يتزوج ويكمل نص دينه الله يبارك له


الهلال كيان لا يقف على احد

إقتباس الرسالة الأصلية كتبت بواسطة غازي الحبردي أولا يأخي هذا زواج إكمال نصف الدين مولعبه الزواج محدد مسبقا من قبل جدول الآسيويه يعني

إقتباس الرسالة الأصلية كتبت بواسطة غازي الحبردي تبيه يأجله من أجل مباراة صارة الكره أهم من إكمال نصف الدين وإستقرار للشخص وتقول مافيه إحترافيه هو تاركــ النادي من أجل نزهه الرجال يبي يتزوج وش تبيه يسوي يقول لا خلو زواجي بعد ما ألعب مباراة الغرافه وش هالتفكير العقيم عندنا إذا كنا نفكر بها التفكير اللي يخلي الكره أهم من إستقرار الشخص ذا بدال مانقول الله يوفقه في حياته ويجمع بينهم بخير ويرزقهم الذريه الصالحه التي تملأ عليهم حياتهم فرح وسعاده نقول ذا وقت الزواح حنا ورانا مباراة ولاحول ولاقوة إلا بالله أصبح الزواج في نظرنا مصيبه وأعوذ بالله من زلة لسان غير محسوبه والرسول يقول (( من أستطاع منكم الباءة فليتزوج)) وقال في معنى((....وأنكح النساء ومن رغب عن ملتي فليس مني )) الزواج الله يهديك ويصلحكــ جزء من الدين ماهو مصيبه كما تقول الله يصلح الشأن ثانيا .. العرف والتقاليد تلزمنا بها الشئ وماهو زين بحق الزوج ولا أهل ولا أقاربه يقول عندي مباراة ما أقدر أتزوج في اليوم اللي حددناه أجلوه ليوم آخر بأي وجه سيقابل غيره وأهل بيته هل رجل على قدر المسئوليه أم لا ستمر عليكــ هذه الظروف وسترى بعينكــ أن الزواج مسئوليه ماهو لعب

يي أبوي أعقل ،،
وش ذا ،..
معليش وش كبركك تقول كذا ،،
* ان بعض الظن إثم ،، !!
م بالُ قومٍ قد تركوا ظروف غيرهم ،، وظنوا ان العالم يدور من حولهم
# {عسى ان تكرهوا شيئا وهو خير لكم } ،، يمكن لو يلتئم يكتب له ربِ يلعب زين !!

ههههههههههههههههههههههههه

خلصت مباراة الرائد طلعو لنا بزواج البيشي ترى على فكره الزواج محدد من فتره

واللاعب كان يلعب بالاولمبي واللاعب الى الان ما كمل عشر مباريات مع الهلال

يعني اتوقع ماكان يدري لكن بعض الناس يبي اي شي عشان يسوي مشاكل

الله المستعان والهلال عمره ماوقف على للاعب الفرج يسد مكانه بالراحه

كان الجماهير بدت تتلقف في امور مالها دخل فيها ... وموضوع زواج البيشي الزواج محدد وقته من ثلاث اشهر وفي بيشه يعني مو بالرياض

الله يفكنا من امثال كاتب الموضوع
ي اخوي بالله وش تبي انت

يعني تبي الرجال يأجل زواجه عشان لا تزعل ولا تتضايق طال عمرك
قسم بالله انك تررررفع الضغط
انا مدري وشلون تفكر
يعني المبارة اهم من حياتة الشخصية ومستقبلة واهله
والله ما طفشششني وكرهني في الهلال الا انت واشكالك الله لا يبلانا

الحمدلله على نعمة العقل

انت تقول انك كبير بالسن الظاهر ان بدات فيك علامات التخريف الله يعينك

الله يبارك لاخونا ويرزقه الزوجه الصالحه

الفريق الي بيتوقف على البيشي ما يستحق الاسيوية اذا تفكر ببطوله يعني انت جاهز لاي نقص