بسم الله الرحمن الرحيم ..

اغلب الجمهور الهلالي في مبارايات الهلال القويه قدام الاتحاد والشباب مؤخراً وخاصة خاصة في آسيا
يحط يده على قلبه رغم وجود فوارق فنيه وماليه بينه وبين الخصوم ؟؟؟!!!

الجواب من وجهة نظري كالآتي :

الفريق رغم تحقيقه للبطولات المحليه وضربه بالخمسه خصوصاً قدام الصغار ورغم اسلوب المتعه والطقطقه ايام جريتس إلا ان الفريق فيه عيوب قويه هي سبب الخسائر والشعور بالخوف والقلق خصوصاً في آسيا ..

بالنسبة لآسيا فلها شروط من وجهة نظري على قد ما تحقق هالشروط راح تكون قريب من البطولة اما غير كذا فخلونا نحط يديننا على قلوبنا في كل مباراة وبالنهاية يستمر مسلل الخروج والصياح والنياح ..

الشروط هي وجود مواصفات معينه في التالي ذكره :

1- الخط الخلفي
2- خط الوسط
3- الخط الهجومي
4- الاستقرار الفني
5- الإدارة


نجي لرقم 1 الخط الخلفي :

من اهم شروط تحقيق آسيا وجود خط خلفي جيد جدا إلى ممتاز على مستوى الاربعة لاعبين المكونين للخط الخلفي
يعني قلبين دفاع ما يقلون عن مستوى هوساوي قبل موسمين + اسامه المولد كمثال
ظهيرين يتقنون الادوار الدفاعيه بشكل ممتاز + وجود احد الظهيرين يتقن الادوار والحلول الهجوميه وحسن التوغل ..

رقم 2 خط الوسط :

خط الوسط هو عصب الفريق وصاحب الحلول وهو ما يميل كفة فريق على فريق في حالة تقارب المستوى في الخط الخلفي والهجومي فهو من يساند الخط الهجومي فيزيد هجومك قوة على قوه ويساند الخط الخلفي فيزيد خطك الخلفي قوة على قوه وهو من يستحوذ عالكره ويسيطر على المباراة وهو من يعطي الحلول امام الفرق المتكتله وهو خط الدفاع الاول في حالة مهاجمة الخصم ولكي يؤدي هذه المهام بإتقان فلابد من وجود التوازن في هذا الخط ..
لكن في حالة ضعف الخط الخلفي او الهجومي فلا يكون اللوم الاكبر عليه لأنه بالاساس ادواره الدفاعيه او الهجوميه تعتبر مسانده او مساعده للخطين الخلفي والامامي اما مهمة الدفاع الاساسيه هي على الخط الخلفي ومهمة الهجوم الاساسيه هي على الخط الامامي ..

رقم 3 الخط الهجومي :

ايضاً من اهم شروط تحقيق آسيا ولو انه يأتي بعد الخط الخلفي كأهميه
يعني وجود رأس حربه لا لا لا يرحم ويسجل مو من انصاف الفرص ابغاه من لاشئ يصنع له فرصه وفي المبارايات القويه والمصيريه واللي ما يحصل فيها الفريق الا على فرصه تسجيل وحده او ثنتين بالكثير يستغلها صح + وجود مهاجم ثاني بمواصفات ( بثر ) يعني ما يوقف يشغل دفاع الخصم بكثرة التحرك والانتقال من جهه لأخرى وايضاً يملك الحس التهديفي العالي يعني من انصاف الفرص يسجل وهالشئ راح يتيح فك رقابه عن رأس الحربه او على الاقل ايجاد فرصه له بحكم حركته الدائمه وما انسى ضرورة تجانس المهاجمين مع بعض ..

رقم 4 جهاز فني محترم مع الاستقرار :

اتوقع هذه ما يبغالها شرح او كلام كثير لكن اشدد على اهمية الاستقرار على الجهاز الفني حتى في حالة انتهاء الموسم بدون بطوله لكن في حالة التأكد من قدرات الجهاز الفني التدريبيه ..

رقم 5 الإدارة :

كل ما سبق مبني على وجود إدارة تعرف ماذا تريد وتعرف كيف تحقق ما تريد
ايضاً يجب على الإدارة حسن التعامل من ظروف الموسم والبطولات فتهيئة اللاعبين النفسيه لمبارايات الدوري تختلف عن آسيا أيضاً يجب على الإداره ان تتقن كيف تبعد الضغوط عن اللاعبين خاصة الاعلاميه
ايضاً التعامل مع اللاعبين من ناحية الانضباطيه داخل وخارج الملعب + كيفية زرع الروح داخل اللاعبين بكل مبارايات الموسم وخاصة المصيريه + حسن اختيار اللاعبين الاجانب بالتنسيق مع الجهاز الفني ..

من وجهة نظري اي فريق بيحقق اي بطولة قاريه سواء آسيا او غيرها فلا بد له من تحقيق هذه الشروط بالمواصفات المذكوره فيها

واتمنى من كل شخص يقرأ الموضوع ان ينظر لحال فريقنا الهلالي في العشر سنوات الاخيره وخاصة الموسمين الاخيرين
وينظر لمستوى خطوط الفريق والاداره والاجهزه الفنيه المتعاقبه ويعطينا رأيه هل تنطبق على فريقنا او لا
او هل ينطبق جزء منها او لا
وانا متأكد بأن الجميع راح يعرف ليش ما اخذنا آسيا ومتأكد بأن الجميع راح يعرف متى بنأخذ آسيا إن شاء الله

ملاحظه :

ادري ان الاداره عارفه شغلها ان شاء الله ومو محتاجه واحد مثلي ينبهها لكن
اللي قريب من الادارة واقتنع ببعض او كل ما كتبت اتمنى ان ينقله لهم للفائده

آسف عالاطاله وشكراً

الرسالة الأصلية كتبت بواسطة كابتن كاريزما (مشاركة 19858232) السالفة مايبي لها شيء جيرتس:اظن انه معروف ومدرب ممتاز واتمنى من الادارة التعاقد مع مدرب لايقل عن جيرتس ويكون التعاقد من الان لمراقبة الفريق والتجهيز الصح سعره 5 مليون يورو هولمان:محور دفاعي قوي قوي جدا وافضل من رادوي وهرماش وسعره 4 مليون يورو ابراهيما ياتارا:جناح سريع ومهاري وهداف ويجيد الضربات الثابتة وسعره مليونين يورو ماتياس فرنانديز:صانع لعب خرافي مهاري وهداف وسريع كالصاروخ ويجيد الضربات الثابتة سعره 10 مليون يورو منير الحمداوي:مهاجم سريع ومهاري ويستغل من ارباع انصاف الفرص وعنده بنية مهاج متكامل البنية+ضربات الراس وسعره 3 مليون يورو يحيى المسلم رجوع ياسر التعاقد مع حسن معاذ هاذي الاسماء هلي الحلول للهلال ليصبح فريق قوي جدا بيجي واحد يقولي السالفة غالية الاجانب الي عندنا يجيبون 30 مليون يورو (180 مليون ريال) الي فوق مع المدرب جيرتس مع الاسماء المحلية 30 مليون يورو (180 مليون ريال) واذا قصر شي شبيه الريح والناقور ووجه السعد مايقصرون يعني في السنة القادمة اتمنى تكون التشكيلة كذا: حسن العتيبي سلمان الفرج-يحيى المسلم-اسامة هوساوي-حسن معاذ هولمان نواف العابد-ماتياس فرنانديز-ابراهيما ياتارا ياسر القحطاني-منير الحمداوي دفاع نار+وسط حريقة+هجوم حريقة=فريق متكامل يمديه الفوز بالاسيوية

الرسالة الأصلية كتبت بواسطة هلالي 100؟ (مشاركة 19858256) هم يعرفون كل شي بس ما همهم الا الترزز

الرسالة الأصلية كتبت بواسطة قشقوان (مشاركة 19863648) كلامك جداً جميل بخصوص خط الوسط والهجوم لكن في الدفاع اتفق معك على معاذ رغم تحفظي على ادواره الدفاعيه وبالنسبه للظهير الايسر فما اعتقد ان الفرج مناسب لهالمركز صحيح هو وقت الضيق يفك لك ازمه لكن وقت الجد او كموسم كامل ما يصلح يحيى المسلم ما تابعته لكن بالنسبه لي ما ابي اغامر في خانه اتعبتنا كثيييييير جيب لاعب قوي مثل اسامه هوساوي او المولد او اجنبي وريح راسك وصدقني لو كان الدفاع قوي قوي قوي حتى لو كانت الاسماء في باقي الخطوط اقل من الاسماء اللي ذكرتها فنيا ومادياً صدقني الهلال بيقدم مستوى افضل بكثيييير من المواسم الماضيه خصوصا في آسيا شاكر لك مداخلتك يا كابتن

الرسالة الأصلية كتبت بواسطة زعـــيم اسيآ (مشاركة 19863815) كل الكلام الي قلته أوك لكن هل منير الحمداوي و ماتياس فرناندز بيجون للزعيم

الرسالة الأصلية كتبت بواسطة wle-707 (مشاركة 19863851) اهم شي الدفاااع الوو يجيبون مدافع اجنبي قلب ويجيبون الشهراني وحسن معااذ ومحور زي رادوي وقتهاا الهلال مااينخااف عليه يااخي خلصو العيبه في الهجوم يجيبون العربي والكوري اذا تعدينااا ال 16 ان شاءلله مع الانتقالات الصيف حسن العتيبي ياسر الشهراني ------ مدافع اجنبي -------- اسامه هوساوي ------- حسن معااذ محور اجنبي عزوز الدوسري ----- هوندا اليبااني ------- العاابد ----- سالم الدوسري مهااجم اجنبي زي الخلق عشان نااخذ اسيااا اذا يبون واذا يبوون يقعدون شمااته والعالميه صعبه قويه يقعدون على هذا الحال ويستثمرون في الاجاانب ويتفقون مع البلطان وفروووهم واحد واحد