( صنيدح ومزنة ) … الحلقة الأولى

طبعاً يا أحبابي هذي قصة واقعية لشخصين عزيزين موجودين معنا بالمنتدى أول حرف من أسمهم الأسطورة وطلال …!! تقولون وشلون …!! أنا أقولكم السالفة من أولها لآخرها …

طبعاً مثل كل يوم شغلت الجهاز وسميت بالله ودخلت الانترنت … قلت ياولد خلني أشغل المسنجر ماني خسران شيء … خلني أتعرف على الوجية الطيبة … وبالفعل دخلت عليه … وأزين شيء أشوفه أسم طلال والأسطورة … قلت في بالي ياولد … وش تبي فيهم … طلال أبو الجرايد …!! والأسطورة الشايب …!! يالله حسن الخاتمة مواضيعة 1000 …!! ليه هو ساكن في المنتدى …!! المهم … قلت بعد تفكير خلني أسلم عليهم … وشوي مادريت إلا أنا معهم …
سفر : السلام عليكم
طلال : تصدق وأنا أتجمد ..!! ( وراه ما يرد السلام … قلت يمكن ما أنتبه ) .
الأسطورة : ايه كمل ياطلال يازين سوالفك ..!! ( حتى الثاني ما يسلم … أفااا ) .
سفر : ياولد ردوا السلام …!!
طلال : هلا سفر … ( قالها من غير نفس ) ايه يالأسطورة وأنا أنتظر الشمس ..!!
الأسطورة : سفر اسكت خلنا نشوف طلال فكنا منك … !! ( والله أنا تحمست )
سفر : طيب طلال قول القصة من الأول تكفى .
الأسطورة : سفر أنت دايم نكبة خله يخلص أول .
طلال : خلاص بأعيدها علشانك ياسفر …!! ( قلت تمام … شكلها سوالف زينة ) ..
وبعد لحظة من الصمت …..
بدا طلال يقول القصة العجيبة … وخلوني بأذكرها لكم كاملة …
طلال : والله ياسفر أنت والأسطورة هذي السالفة صارتلي قبل 10 سنين ( أففففف عشر مرة وحده …!! كم عمره هذا ) … كنت عسكري مظلي في تبوك … المهم كان عندنا قفز من الطيارة على الأرض … إختبار مظليات … المهم أنا وخوياي قمنا نقفز بالدور بس صدقوني أنا كنت الأول لأني أشجع واحد فيهم …!! وطمروا الشباب كلهم … وكلهم على طول فكوا مظلاتهم إلا أنا … أحب أستمتع بالجو … ( أي جو حسبي الله على بليسك …!! ) … المهم وأنا فجأة تطلعلي هذيك الغيمة وأنا أثبت عليها ما قدرت أتحرك ( أخس يا رامبو …!! ) … وأحاول أنزل ماقدرت ..!! أصحابي كلهم نزلوا إلا أنا جلست فوق الغيمة … وأنتظر ثلاثة أيام فوقها … والهواء يودينا من مكان لمكان …!! ( ياراسي راساه منك ياطلال …!! ) … وأنا أتجمد …!!!!!!! ( لالالالالالا قوية …!! ) … وطحت من فوق الغيمة على الأرض … وفجأة وأنا عند الإهرامات في مصر …!! ( وش خليت للنصابين يا طلال …!! ) … وكنت متجمد … الله لو تشوفون ياسفر والاسطورة العالم كيف كانت متجمعه علي ويصيحون الرجل الثلجي الرجل الثلجي …!! والأمريكان يصوروني والعالم تصوير …!! والحمد لله الشمس كانت قوية وبدأت أرجع لوضعي وبعد يومين صرت طبيعي … وجابولي أكل وموية … حتى صحصحت … ( والله اللي يبيله يصحصح مخك ..!! ) … وكان فيه بنت سعودية مع العالم واقفة تناظرني نظرة إعجاب …!! لكن المشكلة ما فضيت لها من الناس والصحافيين ( علشان كذا طلال دايم يجيب الأخبار متأثر بالصحافيين ..!! ) … ولقاءات على الهواء … وبعد ما خلصت … أدور البنت … ما أدري وين راحت …!! كلمت مصري كان جنبي … وقال لي معرفش ..!! … المهم أخذوني وسكنوني بفندق خمس نجوم في القاهرة … فندق إسمه فندق توحه المسطوحه …!! ( بالله ياطلال هذا فندق … هذا شكله مقهى ..!! ) … المهم يا سفر انت والأسطورة أنا ماكان معي فلوس لأنها خليتها في تبوك مع محفظتي ..!! ولكن الحمد لله السفارة ما قصرت … المهم قالولي قناة ام بي سي … وش رايك ياطلال بنسوي معك مقابلة …!! وبصراحة أنا وافقت بسرعة … تدري ليش يا سفر …
سفر : يمكن علشانك مشهور ( على نياتي أنا …!! )
طلال : طيب تدري ليه يالأسطورة ..!!
الأسطورة : أكيد علشان تدور البنت في هاليومين حقت المقابلة ..!!
طلال : والله كأنك معي يالأسطورة …!! ( حسبي الله على بليسكم …!! ) …
المهم يواصل طلال …
وأنا أوافق قلت لكن بعد العصر التصوير إلى المغرب ثلاث حلقات … قالوا أوكي … علشان أدور البنت … وأنا أطلع ألف عليها بالقاهرة … لكن ما أدري وش أقول للعالم …!! ما أعرف إسمها … لكن أعرف شكلها زين … ومن حسن حظي مرت من قدامي وحده … أنا قلت هي … وأجي طاير ألحقها أمشي ميتين … ولما تعديتها … طلعت تشبه صاحبتي … والله على طول ذكرت أغنية محمد عبده … يا شبيه صويحبي حسبي عليك …!! ( الرجال هذا نصاب محترف وعلني …!! ) … المهم ما يأست وحاولت … وفجأة وقت المقابلة العصر … شفتها … والله تذكرت الشاعر اللي يقول …
شفتها لا ماشفتها … بلمحه خاطفة فز الخفوق
وأعرفه لا فز يعني شفتها …
تصدق يا سفر قلبي خفق … وقلت للمذيع جورج قرداحي ( وش دخله هذا …!! شكلة ما يعرف إلا هو …!! ) … قلت ياجورج ممكن نأجل لبكرة … قال جورج فكر منيح …!! وقلت فكرت تكفى خله بكرة قال أوكي …!! المهم طلعت ورا البنت بسرعة زي الصاروخ …!! ( الصاروخ والله الأرانب اللي ذبحتنا فيها …!! ) … ومسكتها بيدها … ووقفت … وقلت لها … يازين هالعيون لأنها كانت متغطيه … قالت أنت أزين … قلت والله حبيتك من أول نظرة … ( أخس يالرومنسي …!! ) قالت حتى أنا … وسألتها وش إسمك … قالت مزنه … وسألتني وش إسمك وأنا بصراحة حسيت إسمها بدوي قلت خلني أغير طلال هذا قلت أنا صنيدح …!! قالت يازين إسمك … وقلت أنتي أزين … المهم قالت عن أذنك بأروح أهلي ينتظروني … وقلت أنا حبيتك وودي نتبادل هالشعور … قالت أنا حبيتك من قلبي … وبادلتك الشعور … أخطبني … قلت والله أخطبكي ونص … قالت خلاص … وأنا أروح لأهلها … وأول ما شافوني كلهم رحبوبي عرفوني من التلفزيونات … وقالوا أنت البطل طلال …!! والله أني أنفضحت … لكن عرفت أصرفهم … قلت طلال بالتلفزيون وإلا أنا صنيدح …!! ( كذب عيني عينك ..!! ) … المهم خطبت ووافقوا على طول … وتزوجتها هناك … ( أنت قبل شوي تقول ما معك فلوس ..!! ) ورجعنا مع بعض لتبوك … وأصحابي أغمى على أغلبهم يقولون أنت حي الحمد لله الحمد لله … حنا صلينا عليك صلاة الميت الغائب … قلت لا أبشركم أنا حي أرزق … وهذي قصة يا سفر أنت والأسطورة …
سفر : أقوووووول ( أبي أفضحه طبعاً … لكن قاطعني الأسطورة ..!! )
الأسطورة : طلال والله قصتك رهيبة ذكرتني بسالفة صارت علي … من زمان ( ياويلي ويلاه بدا الثاني …!! ) …
طلال : قلنا يالأسطورة …
الأسطورة : طيب القصة هي …………………

أنتظروا الحلقة الثانية<br><font size=1 color="#000080" face="tahoma">[عدلت بواسطة ســ9ــامــ9ــي التاريخ:02-03-2001 الساعة: 04:42 AM]</font>

سفر اجل تجمعت انت وطلال والاسطورة

ماكان ناقصكم الا عاشق نواف وتكمل شلة الفقش:)


-----

ترقبوا قريبا وقريبا جدا الكاسر وادغال افريقيا

ماذا فعل عندما هاجمه الاسد

ورطة الرمال المتحركه

ماذا فعل عندما هاجمه قطيع من الافارقه


الكاسر مربط عند نار الافارقه

كيف تمكن الكاسر من الهرب من الافارقه

كل ذلك قريبا في منتدى الزعيم العام

ترقبوا ...وماحتخسروشي:)

أخوي سفر شوي شوي حتى أبو سنه مايصدقها :) والله أن عدتها لأطب عليك مع الشاشه (والله من البكش) بس بتصدقها بطب عليك مع الشاشه و أن قابلتك في الملعب اليوم بأرميك من فوق الساعه .

طلال :تدري ليش ياسفر ابسوي مقابله

سفر : يمكن علشانك مشهور ( على نياتي أنا …!! )

طلال : طيب تدري ليه يالأسطورة ..!!

@ مانت شايف أن طلال هنا زهلك ,جحدك , نقزك , ماحسيت أنك زي علامة قف اللي تجي بالتقاطعات ولا احد يعبرها ولا يشوفها !!!؟؟؟

انا بصراحه الى الآن ماكملت الموضوع بس ماقدرت اتمالك نفسي من الرد يوم وصلت عند النقطه هذي ,,,

ابي اكمل الموضوع واذا لقيت شيء مثل كذا ابرد مره ثانيه ,,,

هلا إبراهيم ...

راجعلك شوية أرد عليك ...

ولك تحياتي ...

أخوك / سفر المرزوقي .<br><font size=1 color="#000080" face="tahoma">[عدلت بواسطة ســ9ــامــ9ــي التاريخ:01-03-2001 الساعة: 11:39 AM]</font>

بصراحه مالقيت شيء علشان ارد عليه ,,,

لأن بصراحه زي النقزه اللي نقزك اياها طلال مالقيت ,,,

بالرجوع الى موضوع النقزه هذيك تبي تقولي خلاص انتهت وعلقت عليها ابقولك معصي http://216.74.117.135/vb/images/icons/icon12.gif لأني بصراحه ماقد شفت نقزه مثلهااجل يوم قلتله علشانك مشهور قال وش رايك يالأسطوره هاه,,,,

الاابسألك سؤال ياسفر وش كان شعورك وقتها ماحسيت بشيء ماجاك شعور غريب ,يعني كذا ابيك تشرحلي كل اللي حسيت فيه بعد هذا الرد ولا عليك امر يمكن يكون وراء الأكمه ماورائها (يمديكم على هذي الكلمه أدري بتقولون لا ),,,

متى ماشفت نفسك فاضي علمني ماني مستعجل (الله من النصب وده لو يعرف لك درب علشان ينقز لك تعلمه بشعورك وقتها )

برايفت لطلال :

اجل قلتلها يازين هالعيون هاه ,,, ايييييييييييييييييه http://www.eqla3.com/file/ubb/icons/icon17.gif

:( كمل همن ===========> مصدق يحتري الجزء الثاني على احر من الجمر<br><font size=1 color="#000080" face="tahoma">[عدلت بواسطة الزئبق التاريخ:01-03-2001 الساعة: 11:24 AM]</font>

عزى الله السوق ما جاي فيه أزمة أرانب
ولكن على العموم قصة مكسيكية منيحة أويييييييييييييييييييييييييييييييييييييييييييي

الله لا يخلينا من قصصك يا اخوي سفر بس حلوه من طلال نصبه حلوه اوه اقصد قصه حلوه بس نبي منها واجد
نبي القصه الثانيه وبسرعه

الأخ النصاب سفر ( أبو ركبة ) :

أشكرك أخي الفاضل من الأعماق لكتابة قصة قصيرة من قصص المثيرة وتزين إسمي بها لأكون بطل القصة :):) وفي نفس الوقت أعتب عليك لأنك تقول هذه ( القصة ) أنا قائلها ... وفين في الماسنجر !!! أي ماسنجر يستطيع تلقي كل هذه الكلمات وأي شخص يستطيع أن يقول كل هذه الكلمات على الماسنجر اذا علمنا بأن الماسنجر لايأخذ الا سطر أو سطرين أو حتى عشرة !!! ومن متى أنا أتحدث معك على الماسنجر !!! عمري مالقيتك على الماسنجر ولا حدثتك!!! (( أهم شيء لا حد يشهد ويفشلني )) ولاتنسى يا أخي الفاضل طوال عمري لم أسافر الى تبوك أو مصر سفرياتي كلها على لندن ونيويوك وفرنسا وبعض المدن الأوروبية والآن أصبحت سفرياتي كلها الى ماليزيا ( سحر الشرق ).... أمس كنت ترشحني أكون مشرف على المنتدى ..... واليوم جالس تفتري علي !!!! ذكرتني (( بحمام القلاب )) كل شوي يقلب في جهه أخرى ...

وأخيراً أطالب ادارة الموقع برفع أقصى أنواع العقوبة عليك وأطالبهم ليس بحذف الموضوع ولكن بحذف إسمك كلياً من المنتدى ولو اني مشرف على المنتدى كنت حذفت اسمك من زمان تعرف ليه لأنك مبدع وفنان ومافي أحد مبدع زيك في المنتدى.

أخي العزيز الكاسر : حتى انت عاداك أبوركبة (( من عاشر قوماً أربعين يوماً صار منهم )) حلوة والله الكاسر وأدغال أفريقيا .... منتظرين (( ركب )) جديدة :):)

الأخ محمد mksa: صح لسانك حتى أبو سنة مايصدق سوالف أبو ركبة ,,, بس أقابل سفر وجهاً لوجه اوريك فيه .

الأخ ابراهيم النجيدي: شكراً رديت وكفيت ... وهو أصلاً ماكتب اسمي واسم الاسطورة الا علشان كل قصصه الماضية فاشله وحب تنجح القصص راح حط اسمنا في القصص (( هههههههههااا)).

الأخ الزئبق : لاتنتظر الجزء الثاني ولا الثالث كل كلامه (( أرانب × أرانب )).

الأخ azez: ماجاء في السوق أزمة أرانب لأن أبوركبه أخذ وكالة الاستيراد والتصدير لجميع الأرانب في العالم .

الأخ مسترج: على طول صدقت !!!!! والله ماقلت الكلام هذا وهذه نصبة من نصبات أبوركبه وكلكم عارفينه زييييين .


أخوكم صنيدح ,,, عفواً طلال.

طلال تراي عارف ان قصص سفر مثل صفقات ذولاك:)
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
النصراويين:)

حلوة
 

ههههههههههههههههههههههههههه الله يرجك يا سفر :) روعة ابداع لاتحرمنا من قصصك الحلوة :)

تشاو :):)

السلام عليكم :

من أجمل القصص
وأجمل مافيها أنها عفويه وصادقه

لو تكتب كذا

ننتظر الحلقه الثانيه

.....................................................

معليش هذا واحد غبي

أنتم تبون واحد ملكع

طيب انزل





















بعد














..............................................................................
...............................................................................
...................................................................................
..................................................................................
..................................................................................

إنتبه خلفك خمس مطبات


















بصراحه فقشه

حلوه منك يا صنيدح

أخوك صنهات

افا ياطلال
 

مادريت أن الدعوه نصب كذا ياطلال, لايصير تحليلك اليومي للجرايد كذا والله مصيبه:):)


حلوه منك ياسفر

حجز المساحة فقط ...

علشان أبيها لشيء خاص ...

مع تحيات ...

أخوكم / سفر المرزوقي .