بســم اللــه الرحمــن الرحيـــم


الســلام عليكــم ورحمــة اللــه وبركاتــه
أولا أقول هاردلكم على خسارة الدوري صحيح أن الدوري ماأنتهى بس هذا اللي الجميع يشوفه والدوري صار محسوم بين الراقي والليث والفايز نقوله مبروك وهذا من طبع الزعماء الحمدلله على كل حال كأس ولي العهد وأخذناه مانبي نصير
طماعين الحين نبي نفكر بكأس خادم الحرمين الشريفين إذا الله أراد أخذناه وإذا الهلال خسر الكأس قسمه ونصيب وان الله ماأكتبه لنا مايصير نلقي اللوم على الإداره والاعبين ماقصروا المهم نوقف معهم بالحلو والمر يفوزون نقولهم مبروك يخسرون نقولهم تبقون أبطال وهذي كبوة جواد مايصير نلقي اللوم على لاعب محدد ونقول انت سبب الخساره .......


المهم أدخل بعنوان الموضوع هل توافقوني الراي بأستبعاد يوسف العربي والكوري وجلب غيرهم ظهير أيمن كمستوى وسرعة ويليهامسون للأستفاده منه بصناعة اللعب ونجيب لاعب وسط يساند الشلهوب وسالم بصناعة اللعب والتسجيل خصوصا أن اللاعب عبدالعزيز الدوسري كثرت إصاباته صار يلعب مباراة ويغيب أكثر من مباراة صح أنه كبير وموهوب لكن الاصابات ماتخلي احد بحاله وصدقوني حتى نضمن البديل الجاهز وماهو حي الله بديل ولاتنسون أن ياسر راجع وسعد والمحياني موجودين يعني مهاجمين مانحتاج الا صناع لعب شوفوا ياسر مع العين ماشالله مبدع ليه معه صناع لعب هذي كانت مشكلة ياسر مع الهلال ينقصه صانع لعب والا الحين بتقنعوني أن العربي والكوري أفضل من ياسر لاوالله الفرق كبير بين لاعب يمتاز باالتسجيل والصناعه وأهداف حاسمه وبين لاعب تجيه الكوره على الباب ويسجلها ويفرح ويقولون عنه هداف هذا تحسب لصانع اللعب لان اللي سجلها ماتعب فيها ولنا باللاعب الكوري عبره أمام النصر والاتحاد كلها بفضل الله ثم صانع اللعب عبدالعزيز الدوسري ولاتنسون أن الأسيويه في بداياتها ويجب أن لانؤجل عمل اليوم إلى الغد بعد ماتطير الطيور بإرزاقها وتضيع علينا الأسيويه على العموم هذا كان مجرد رأي من يوافقني الرأي أعتبر نظرته مثل نظرتي ومن يخالفني الرأي هذا يبقى مجرد رأي وطرحته للأخوان........
وآخيراااااا ...
نتقبل الردود الإيجابيه والسلبيه بما فيها النقد