أنت مندس وتنتظر أي سقوط للهلال عشان تجي تتكلم !!!

أنت نسيت بكم جبنا نيفيز وبكم بعناه !!! هل تنكر هذا المنجز التاريخي للوطن والي جعل جماهير الزعيم تتفاخر من الشرق ألى الغرب !!!

أنت نسيت بكم جبنا يوسف العربي وكم قدم غلطه سراي عرضه !!!!

وبعدين تعال فيه أحد عنده نامي والزوري ويفاوض أظهره !!!!

وبعدين ليش تقول علتنا في خط الهجوم كأنه ماهو مالي عينك الموسم الماضي هداف نادي الحزم وليد الجيزاني ولا نجم الفتح فيصل الجمعان ولا الذابح !!!! الحين العين قاعد يحاول يكنسل أتفاقيه سندرلاند الأنجليزي بعد صفقه أعارة جيان أسمواه يقولون نستفيد من خانة الأعب الأجنبي بمركز غير الهجوم ونستشير الأداره الهلاليه بكيفية أختيار المهاجم المحلي أو الأجنبي الي كم بيجيب لنا بعد مانشتريه !!!! ولا السد المساكين توهقوا بعقود عبدالقادر كيتا ونيانغ جابوا لهم كأس آسيا وأصبحوا 3 العالم أنت شف كم اعمارهم وهل ينتظرهم مستقبل مشرق في الحياه أم لا بعدين أنتقد أدارتنا !!!!

وربي يضحكون علينا يعني هل يعقل أنسان عاقل بالغ يقدم عرض بـ8 مليوم يورو للعربي !!!! لاعب أحتياط في تشكيلة منتخب بلاده وينزل آخر ربع ساعة من كل مباراه باللهي هذا لاعب ينشد به الظهر !!!!

أخوي أن تأهلنا لدور الـ16 فهذا يعتبر أنجاز وأذا ماتأهلنا كمتصدرين فأتمنى أننا مانتأهل أساسا بصراحه ماعندنا أستعداد نطلع على يد الأتحاد مرتيين متتاليتين !!!

أستغرب خروج الأداره والي تعد بالتصحيح أي تصحيح وسط الموسم !!!!!!

عموما أنتظر أيقالة هاسيك وخروج الفريدي عن النص وأعلان نهايته مع الهلال قبل نهاية الموسم !!!

عبدالرحمن بن مساعد قدم كل شي للزعيم

عبدالرحمن بن مساعد له اربع سنوات ماحل مشكلت قلوب الدفاع
ولا جاب اجانب يصنعون الفرق عدا هرماش

عبدالرحمن بن مساعد قدم كل شي للزعيم

..........................................................

طيب والدوري راح وش بتسون اول شي انت وياه

اذا افاز الهلال وش راح تقول راح تخلي الهلال افضل فريق بالعالم

واذا انهزم كانه مركزه الاخير انا معكم بش واحد انه الهلال ماهو بالمستوى المعرف عنه

ولا هو بعيب يخسر الدوري مستحيل الفريق يحافظ على مستوى طول حياته

جاب بطوله والحمد لله

الله يبعد الهلال عن هالاشكال والله يوفقنا بقادم الايام

تحياتي لك اخوي

بشر الاداره بانها دخلت موسوعة جنس من حيث عدد المدربين اللذين دربوا الزعيم بعهد ادارتهم

اللذي وصل إلى تسعة مدربين وهذا مالم تفعله جميع ادارات النادي منذ تأسيسه فما حالنا امام الرائد الا ناتج عن هذا العمل الارتجالي بتغيير المدربين وكأنني اشاهد فريق حواري وليس من تزعم القارة باكملها او النادي اللذي انجب لنا الثنيان وسامي والتيماوي وخالد الرشيد والتمياط والمصيبيح

اصبح حقل تجارب لمدربين ومدارس مختلفه حتى وصل الحال بهلالنا ان يعجز ان يفوز ع اسهل الفرق او الوصول لدور 16 الاسيوي

والمدربين هم :

كوزمين ...كاتالين ... جريتس ..... كالديرون ..... توماس دول .... هاشيك ....بونان ....سامي الجابر مرحلتين نهايه العام الماضي وهذا العام

لكل مجتهد نصيب يا صاحبي

بالتوفيق للزعيم

الظاهر بعض الجمهور يعتبر عبدالرحمن بن مساعد نازل من السماء محد ينتقده ولو وش مايخطي يحطونها باللعيبه والمدربين
مدري من جابهم الظاهر هم جابو انفسهم

عبدالرحمن بن مساعد وينه والهلال طفران يعتمد على اعضاء الشرف
الحين يقول بجدد والله مو لعيون الهلال الا ملايين موبايلي
اذا عبدالرحمن بن مساعد يحب الهلال مو ملايين الهلال يغير اجانبة
يخسر شوي مو كل شوي طالع يقول استثمار وربحت
اذا هو شايف الهلال فاتح له باب بالاستثمار بالاعبين يفتح له وكالة لاعبين بعيد عن الهلال
الهلال يبي له رئيس يدفع عشانة مو رئيس يستربح من وراة

قلنالكم اخطاء إدارية بحته يعاني منها الهلال

آحترم وجهة نظرّك لكن ..
تقول آنتقدوا المدربين لكن لا تنتقدوا الي جآبهّم ..
صحيح لكّن .. يحق لنـا نلوّم الإدارة شويّ !,, لآن بآمآنه .. ! آنهم فشلّوا طيب ليش ما يقيلونه ؟ ليش نحتري لين مآ نخسر .. ؟!

يا جماعة الخير طولوا بالكم شوي !
اللي يشوف حالنا الحين يقول ان الهلال ينافس عالهبوط !
اتمنى تكون عندكم قناعة ولو لشيء بسيط ! ان الهلال على فكرة
مو كل موسم راح ينافس على بطولة !
وانا متيقن انه لو فريق الأهلي او الشباب او الاتحاد .. فاز بـ"ولي العهد "
لكانوا قد فرحوا وتباهو بها الى نهاية الموسم وشكروا اداراتهم وجمهورهم على كل ما قدموه وسيتعتبرونه موسم ناجح !
ولكن من ناحيتنا . مانبي بطولة ! نبي 5 بطولات بـموسم واحد !
ونبي ادارة تجيب لنا احسن محترفين .. ونبي ادارة تخليينا من اقوى الاندية اقتصاديا
ونبي ملعب ونبي نطبق نظام الإحتراف !
انا ابغى اعرف بس ! اي ادارة بتتحمل كل هذا !
حتى ولو كان فيه تخبط في هذا ! فمالمشكلة !
ادارة الهلال : تعمل عمل لم يعه الا القليل من الجماهير الواعية !
تنظر الى مدى ابعد من الذي ننظر اليه ..
تعمل على خلق فريق احترافي من الدرجة الأولى ..
فريق يملك قوة اقتصادية هائلة
تعمل على جميع مقومات الإحتراف
ومن قال ان الفرق تقدمت علينا !
لو جينا للشباب ولا الاهلي ولا الاتحاد : هل احد فكر فيهم بمشروع لملعب دولي خاص
او انه احد منهم تتنافس على رعايته اكبر الشركات الاقتصادية في البلد ..
نادي الهلال في آخر 4 سنوات فقط . اخرج لاعبين يعتبروا اساطير لكرتنا السعودية مستقبلا .
واستطاع ان يملك زمام الامور في تجديد لاعبي المنتخب بشكل كبير
والدليل على ذلك .. لو تنظر الى لاعبي الاتحاد او الشباب او الاهلي او النصر في المنتخب ستجدهم نفس الاسماء منذ اعوام ولكن اذا جئنا للهلال فقد اخرج الفريدي والعابد والدوسري والمرشدي والزوري وسالم الدوسري ! في فترات قليلة ..
واصبح لهؤلاء اللاعبين ثقلهم على ارضية الملعب وعلى تشكيلة المنتخب !

انا اتوقع انه مهما ادارة الهلال : خانتها بعض القرارات
الا انها ادارة واعية وتعمل على شيء كبير قد لا نستطيع استيعابه الا اذا عشناه .