10/03/2012, 07:13 PM
|
 | موقوف | | تاريخ التسجيل: 01/12/2007 المكان: جده
مشاركات: 469
| |
|
سامي خلك شجاع واستلم الفريق لأن الوضع ماش
يقول المثل ليالي العيد تبان من عصاريها وكلنا شايفين مستوى الفريق مع المدرب هاسيك ماهو المستوى اللي نعرفه عن فريقنا واللي علشانه اعطينا دول بطاقة مغادره نهائيه والله للمستوى مقنع ولا النتائج فتاكه وكل السالفه ان الفريق يلعب بهيبته واسمه حتى المستوى اللي كان قدام بيروزي لا يخدعكم لأن الفريق الايراني اصلا ضايع وهو في المركز الثامن بدوريهم .
يمكن البعض يقول اني متسرع في الحكم على المدرب ويقول الى الآن الفريق ماعرفوا خطة المدرب وماتأقلموا مع تفكيره التكتيكي ولكن اذكركم بمستوى الهلال الخرافي مع النجم الكبيرسامي الجابر في مبارياتنا ضد الاهلي والاتحاد والنصر وبالمناسبه مباراتنا ضد الاهلي كان المدرب الفعلي سامي وسيطرنا عليهم في ملعبهم ومايحتاج نذكر سبب الهزيمه الغير مستحقه ..اما مباراتنا مع الاتحاد والنصر مع بو عبدالله فكانت على باب واحد يعني بالعربي حشرناهم 90دقيقه ومزقنا شباكهم وانا متأكد والعلم عند الله لو درب الفريق قدام الشباب سامي الجابر كان النتيجه هلاليه .
مع الاسطوره رجع الفريق للعب الهجومي الضاغط واللعب بلمسه واحده سريعه والتحرك بكره وبدون كره وكان خصوم الهلال يخافون ان سامي يستمر مدرب للفريق لأن الاعب هذا سبب لهم قلق وهو لاعب وهو اداري وجاهم الهم الجديد وهو مدرب ولكن للأسف رجعنا للعك والبرود وع التشيكي هاسيك.
اتمنى من الاداره فيما لو لا سمح الله ماتوفق الفريق يوم الاربعاء امام الغرافه ان تسلم المسئوليه لسامي لأن اللعيبه يعرفونه ويعرفهم تكتيكيا ونفسيا واكبر مثال فرق شرق آسيا مدربيهم من نفس الجنسيه وسيطروا على البطوله.
البطوله الآسيويه مطلبنا الأول والاخير ومايحتاج نجلس نجرب ونعطي فرص والا نجامل فلان وعلان ويكفينا مستر دول اللي جلسنا نطبل له ونمدحه وطلع مقلب وما سلمنا من لسانه يعني رضينا بالهم والهم مارضي بنا.
***ملاحظه البعض شن هجوم على هوساوي علشان غلطه وليدة اللحظه وماكان عند الاعب فرصه يشاور نفسه ...يا عالم لا تحطمون النجوم علشان لحظة زعل . |
الوضع الشجري
