من قال آن هذا اللاعب .. آفضل لاعب وسط في العالم ؟ - نادي الهلال السعودي - شبكة الزعيم

مجنونك18 · #1 11/03/2012, 08:34 PM

السلام عليكم ورحمة الله وبركاته

بعض الجماهير الهلاليه الله يهداهم

معهم معهم < ؟ لاعبين نادي الهلال ؟ > عليهم عليهم

ابي اسالكم سؤال ومستغرب منه

من اللي قال آن هذا اللاعب العالمي آفضل لاعب وسط في العالم ؟

من ؟ - > زين الدين زيدان

.. آها اللي وصل فرنسا نهائي كاس العالم واللي لعب ضربة الجزاء كـ ( لعبة ) علي كريمي ضد الهلال لا لا لاعب ماينفع كورة هذا
( لاعب بارد فيه احد يلعب ضربة جزاء بالطريقة بنهائي وبطيء باللعب )

مستغرب من المنتخب الفرنسي سابقا يلعبونه ولا حتى يستاهل سابقاً كابتن منتخب فرنسا ولا حتى يستاهل يلعب كورة ؟؟

ياخي لاعب بطيء ماينفع .. مثله مثل تشافي .. وانيستا مثل اللاعب الايراني علي كريمي ناس بطيئه ماينفعون كورة .. مثلهم مثل اللاعبين المحليين محمد نور .. محمد الشلهوب .. مثل المحترفين البرازيلي نيفيز ماينفع كورة لانه بطيء وماعنده الا بس فاولات يشوت ومثل رادوي .. مثل هرماش لعبهم بطيء وماعندهم سبرنت ومثل هذا اللاعب الهلالي

اللي رقمه 15 احمد الفريدي ماينفع .. لعبه بطيء

^
اكيد كلكم بتقولون .. ( لايكثر ) انت انسان ماتفهم كورة اذا اللعيبه الكبار هذه
ماتعرف تلعب كورة

للإسف .. طلعوووا لنا جماهير

(( تنتقد اللاعب احمد الفريدي بنقد لو نفكر فيه آعتبره سخيف بكل صراحه )) ..

" لعبه بطيء "

انسان يلعب محور متقدم آو يلعب دائرة ويطالبون منه السرعه .. ماني فاهم السرعه في الركض آو في الباصات .. اذا قلنا في الركض " مكانه محور متقدم آو دائرة " مايحتاج للسبرنت والسرعه بالاساس ..

اذا على التمريرات ( الباصات ) الفريدي .. من افضل اللعيبه وكم بطولة ومباراة حاسمه .. حسمها لنا الفريدي ( بهدف او بتمريرة ) وكلنا نذكر هدف ياسر القحطاني ضد الاتحاد بتمريرة .. احمد الفريدي .. و ابداعات آبو عبدالعزيز محمد الدعيع ..

للإسف .. بعض الجماهير تقارن لعيبة وسط على الاطراف .. بلعيبة دائرة او محاور
عندكم يقارنون ،، نواف العابد + عبدالعزيز الدوسري + سالم الدوسري = احمد الفريدي .. ياعزيزي قبل آن تنتقد .. اعرف اين مركز اللاعب .. يقولون نبي عبدالعزيز الدوسري مكان الفريدي .. كيف او العابد ؟؟ تخيل عبدالعزيز الدوسري يلعب محور متقدم او دائرة .. لعيبة اطراف تقارنونهم بلعيبة محاور

**

انا متاكد .. واجزم ان الفريدي

( محارب من بعض الجماهير المتطرفة المندسة في المنتدى )

واللبيب بالاشارة يفهم

**

وبعض الجماهير الهلاليه الله يهداهم

معهم معهم < ؟ لاعبين نادي الهلال ؟ > عليهم عليهم

.. ياناس ما لقيتو شيء على الفريدي تحاربون فيه الا بجملة ( لعبه بطيء ) واللعيبه عالميين ومحترفين .. ومحليين لعبهم مثل لعب الفريدي لماذا التركيز على الفريدي وياليته وقفت على احمد .

البعض الجماهير تكتب وتطالب طرده برى النادي هو و آخوه عبدالوهاب لاعب اولمبي الهلال ؟؟ الى هذا الحال وصلنا آن بعض الجماهير تقف مع الشرمذة القليلة التي تسيء للكابتن الخلوق .. احمد الفريدي

الفريدي بمبارة بيروزي آكثر لاعب تحرك في الملعب .. والجماهير في الملعب تهتف بإسمه ؟؟ هل هذه الجماهير العاشقة للنادي والحاضره للمباراة ماتفهم كـورة ..

انا استغرب من المحترفين والمدربين اللي يحضرون للهلال
اذا سالهم صحفي ( ابرز اللعيبة في الهلال يذكرون الفريدي ) للأسف حتى محترفين ومدربين الهلال لا يفهمون كرة قدم ( عند بعض الجماهير )
بس انت اللي تفهم الكورة يا صاحب جملة ( لعبه بطيء مانبيه نبيه برى النادي ) ؟

تم اضافة صور من منتديات اعضاء الجماهير الاندية المنافسة للهلال
شوفوا وش يقولوا عن الفريدي

الاتحاد /

اكتفي بالصورتين .. لاني لو ببحث بسرد قائمة طويلة و اشادات باللاعب احمد الفريدي

ناتي .. للشباب

شوفو وش كاتبين

غير الفريدي من الهلال مانبــي !!

اكتفي بالصورتين .. طبعا الفرق الباقيه ما اعتبرها منافسه للهلال

يا شباب يكفي اساءة للاعب انا اجزم ان ماحصلتو شيء يعيبه غير هالكلمة
( لعبه بطيء ) ؟

*
*

مانبي نخسـره مثل ماخسرنا

( خميس العويران )

واللي لحق على ايام خميس العويران يعرف مين خميس
اللاعب الهادي
وصاحب الرتم البطيء في اللعب
هذا افضل محور مر على السعودية بل العرب

آتمنى من الجميع الوقوف مع اخوكم و ابن النادي احمد الفريدي
والمساندة ضد المحاربين لنجوم الهلال

# اتمنى الردود تاتي بعد قراءة الموضوع

هـــــدوووء · #2 11/03/2012, 08:42 PM

كـــــلام جــــداً رائــــــــع
الله يعطيك العافية
اخوووي: مجنونك 18

عيسى المحياني 16 · #3 11/03/2012, 08:44 PM

أبطأ لاعب بالعاالم هو الفريدي

ماتوا اللي ينهجون نهجه

الحين رتم الهلال سرييييييييييييع من طقه وحده

العابد - سالم الدوسري - الشلهوب - عزوز الدوسري

ويجي هالبارد يخرب رتم الفريق ويبطئه

عيسى المحياني 16 · #4 11/03/2012, 08:46 PM

نسيت لا أقولكم خبر حلو

قبل شوي الغرافه انهزم هزيمه تاريخيه من الريان 5 - 1

وان شاء الله الهلال يجهز عليه بعد

هلالي مجنون بحب سامي · #5 11/03/2012, 08:48 PM

كلام في الصميم بنظرة فاهم بمعنى الكلمة

QADAH 19 20 · #6 11/03/2012, 08:50 PM

إقتباس

الرسالة الأصلية كتبت بواسطة مجنونك18


	انسان يلعب محور متقدم آو يلعب دائرة ويطالبون منه السرعه .. ماني فاهم السرعه في الركض آو في الباصات .. اذا قلنا في الركض " مكانه محور متقدم آو دائرة " مايحتاج للسبرنت والسرعه بالاساس ..

كتبت وابدعت اشكرك اخوي على الموضوع المتميز

loly alhilal · #7 11/03/2012, 09:04 PM

يعني بالله عليك تقارن تشافي وانيستا وزيدان ؟؟ بالفريدي

يا شيييخ والله حرام علييييك

صمتي وقاري · #8 11/03/2012, 09:11 PM

مشكور أخوي كلام سليم
والفريدي لاعب عنده موهبه
وإن شاء الله الجماهير تتغيير

عـاصـم · #9 11/03/2012, 09:15 PM

مقدمة رائعة ولكن عندما تكلمت عن الفريدي ............ ؟؟؟؟؟

الفريدي لا يختلف اثنان على موهبته ولكن أتمنى أن يحس فينا حين نحترق في حال تعطيل الهجمة

هلاليه بجنون 20 · #10 11/03/2012, 09:23 PM

الفريدي زماااااااااااااااااااان كان يعجبني

بس الحين خلاص ~~وربي ~اني هلاليه

والحمد لله مااكذب باللي اقوله الحين صااار يرفع ضغطي

انا انسانه ماحب رفعه الضغط فمابالك ~بشخص يقطع قلبي بالمباريات

ويضيع ويضحك ~~ويستهتر ويتميع بالملعب ~~~~ اه بس

خلاص راحت عليه ~~يايرجع نفس ماكان يايدور لروحه حل ~~

QADAH 19 20 · #11 11/03/2012, 09:29 PM

إقتباس

الرسالة الأصلية كتبت بواسطة loly alhilal


	يعني بالله عليك تقارن تشافي وانيستا وزيدان ؟؟ بالفريدي يا شيييخ والله حرام علييييك

الحين كاتب الموضوع ما قارن وضح لك انه لعبهم بطئ
ومستحيل انه الفريدي يجي زي زيدان

الرعــب الهلالي · #12 11/03/2012, 09:33 PM

انت شخص فاهم الكورة مو مثل بعض الجماهير الله لايبلنا

هلالي مـووت · #13 11/03/2012, 09:37 PM

- آلفريدي من سآلفة آلولآء , وآلآعب منتهي مآدري آذ هذآ بـ 25 مليون آو آكثر , !
- لآعب ف هآلوقت " يتنرفز , بآرد , كل آلصفآت آلسيءه موجودهه فيه , !
- صرآحه آلآعب ب هآلوقت ععآلة كثير كثير على نآدينآ " آلزعيمِِ " , !
- آلي فخر ل آلجميع ب آرتدآء آلشـعآر , !

مجنونك18 · #14 11/03/2012, 10:18 PM

اللي يقول تبي عبدالعزيز الدوسري وتبي نواف العابد طيب وانا ابيهم بعد

بس انت تعرف وين يلعبون وين مركزهم هاللعيبه وين مركز .. اللاعب احمد الفريدي

اذا عرفت تبي تعرف آنك غلطان بمطالبة هاللاعبين الاطراف بلاعب محـور الله يجزاك خيـر

..

واللي يقول على قبايل وان اللاعب قبلي .. اللي بيكون محاربته بالشكل هذا للفريدي علشان قبيلته
هذا اعتبره احد الجماهير المريضه وحالته مستعصيه واتمنى انه ماتصيب حالته الجماهير المتبقيه

..

واتمنى محاربته يخليها للي من هم يحاربونه ويحاربون السعوديه بكبرها والمقصود معروف

مساحه حره · #15 11/03/2012, 10:24 PM

جماهير معاهم معاهم جماهير عاطفيه اللي في المدرج يتفرج ..!!

اولا : لولا الله ثم جماهير الزعيم لما حقق النادي ولا بطوله

ثانيا : تشافي يفك كوره ولا يمسكها اكثر من خمس ثواني وانيستا لاعب سريع ويلعب على اللمسه وزيدان مايأخر هجمه ويقتل اللاعب ويوقف ربع ساعه يمين ولا يفتح زيدان حرك فرنسا كلها

واما عن رادوي ياليت الفريدي لو يلعب بروحه فقط مانبيه يلعب مثله وهرماش لاعب غبي اعطي اكبر من حجمه فيه اللي افضل منه ومن الظلم وجود القرني بالاحتياط وهالمغربي اساسي

واما عن كم مباراة حسمها الفريدي لنا .. عطني مباراة كأس حققها لنا غير المناوله اللي كلنا نقدر نسويها في 2008 ..!! مافيه ولا بطوله

بديت اسمع الحين اصوات نشاز تطلع من بعض الجماهير وبعض المسؤولين في النادي

اذا لم تحترموا جماهير الزعيم اتمنى ترحلون لاننا نحن الباقين وانتم الراحلين