يالشيخ كيف ماجد جايب لنا آسيا مرتين !!!
84 عدد اهدافه (هدفين) 88 عدد اهدافه (1)
الانجاز اللي ينسب لماجد مساهمه فيه هو تأهلنا للوس انجلس 84

وبعدين في رايك الاسطورة لازم يصير هداف !!!
اجل باتيستوتا اسطورة الارجنتين بدلاً من مارادونا

الاسطورة معرووف ومابه جدال ..

ماجد عبدالله من افضل الاعبين التي ان جبتهم الكره السعودية وهذا راية بس يعرف ماجد الوضع الحين تغير افضل الاعبين يوجدون في الزعيم بلا منازع

فكونا من المنتخب الفاشل وخلونا بدورينا

الله يهديك من عام 2008 وانت مسجل في الشبكه لاجل هذي الكلمات المتعصبه لناديك ولماجدك تاتي لتسقط على لاعب كبير واسطوره اسيا سامي الجابر حتى سامي جاب بطوله اسيا وجاب بطولة الخليج مرتين وتاهل لكاس العالم اربع مرات لا انت ولا اسطورتك راح يحصل على هالانجاز كذب وافتراء .. عاصرت ماجد وسامي والثنيان والمصيبيح وغيرهم الكثير من عمالقه الكره السعوديه لكن الثنيان اسطوره الفن والمتعه وايضاً البطولات وسامي اسطوره التاريخ والفن والمتعه يسجل يصنع مقاتل حماسي انجازاته تشهد على ذلك لا انت ولا غيرك راح تأثر على المشجع الهلالي او العاقل من الانديه الاخرى تحياتي لمن سجل في كؤس العالم 94-98-2006-

عوافي على الموضوع ياخوي


ماجد يبي يشتهر على حساب الهلال

هههههه

يا أخوي افهم

انت جاي ومدرعم وماتدري وش السالفة

افهم الكلام وبعدين تكلم ، أنا ماتكلمت عن يوسف الحين ، وأنا قلت لك إن سامي مهاجم ثاني مو هداف عشان تقارن بينهم

وأنا قلت له يازين أيام المنتخب أيامه لأنه هو أسطورة
واللي معه كانوا ناس في التوب وفيه أساطير

98 و2002 و 2006 ، إذا كنت فخور إنك متأهل فيهم ف إن طموحك محدود

مافيه منتخب يتأهل وكل بطولة يصير أسوء

والتأهل في آسيا أبسط من البسيط ، لكن أستراليا جت وأخذت المقعد حقنا لأن إحنا زلايب ، والناس ماخذهـ مقلب ب المنتخب

_______________________________________________________

وقفطاتك إني نصراوي رجاء خلها لك ، وحاول ماتستذيب كثير

وبالتوفيق

يا حبيبي اذا على الواسطات وش نقول عن ماجد اللي هو نفسه استخدم الواسطه عشان يشارك في كأس العالم 94 وهو مصاب و مالعب الا شوط عشان يتسجل اسمه .

وسالم اللي تقول عنه جاب هدف تحلم تشوفه في ناديك اللي انت جاي منه , و سالم سوى اللي عليه و هو لاعب وسط .

ماجدك هذا شارك مع المنتخب في اكثر من 20 بطولة و ما حقق منها الا اربع بطولات ,
و البطولات الأربع التي ساهم ماجد عبدالله في تحقيقها مع المنتخب سجل من خلالها ماجد (11) هدفاً.. وهذه البطولات هي (تصفيات ونهائيات لوس أنجلوس 84م - أمم آسيا 84م- أمم آسيا 88م- تصفيات مونديال 94م)..

بينما سامي شارك في 14 بطولة مع المنتخب و حقق 7 بطولات فيها
اما البطولات السبع التي ساهم سامي الجابر في حصول منتخبنا عليها فقد سجل من خلالها (15) هدفاً.. وهذه البطولات هي (دورة الخليج 12 - دورة الخليج 15- أمم آسيا 96م - أربع مرات تصفيات ونهائيات المونديال)..

المسأله مو في احراز الاهداف , فالاهداف انجازات شخصية للاعب , اما الانجازات الحقيقيه فهي البطولات .

والله الكابتن ماجد اختار من يفضل ان يلعب معهم

وهو اختيار لماجد وليس منتخب للمملكة

لذلك ارى ان لا ننجرف خلف اشياء لاتهمنا كجمهور هلالي

لدينا مباريات مفصلية في دوري زين والبطولة الاسيوية

يجب ان نهتم فيها ونترك سفاسف الامور



تحياتي واحتراماتي لك اخي كاتب الموضوع

اتركم الرجل بحاله ترى ماهي عادت الهلالييين التقليل من الاخرين هذه عاتهم هم حنا غيرترى الخصران يقطع المصراان

الحين أنت تقولي فرق بين الانجازات الشخصية والجماعية

لو تقارن بين أهداف سامي وماجد ب المنتخب ب جميع البطولات ، راح تلقى ماجد أكثر

إذا المشكلة مو من ماجد ، المشكلة ب مجموعة اللاعبين اللي معه ، جاب أهداف أكثر لكن مايجيب بطولات ، خلاص اللاعب سوى اللي عليه لكن ناقص اللي ورا يسوون اللي عليهم

ولما تكلمت عن سالم أنا ، ماقلت إنه لاعب سيء ، ب العكس موهوب وفنان وأنا أعرفه زين من قبل الهلال

لكن يحيى كان أحق ب المكان , سالم فنان لكن يحيى أفضل

و بالنسبة ل ضمة ماجد وهو مصاب ، اقدر أقولك إن محمد الدعيع إنضم 2002 وهو كان مصاب بعد

اللاعب كان كويس ب التصفيات ف ليش تروح وتجيب أحد غيرهـ
خاصه إنه لعب كويس ب الشوط اللي لعبه ، وغلط من المدرب إنه تنزل لاعب أساسي وهو فيه إصابه , ممكن تدخله ك لاعب بديل في اخرالوقت لان عندهـ خبرهـ

اخي الكريم ماجد له انجازات كبيره لااستطيع لاانا ولاانت انكارها ولاعب بهرالخليج والعرب بمستوياته ابدع ابداعات مع مجموعه كان هو الابرز والاميز ........وسامي لاعب كبير لكن سامي لعب مع لاعبين في مستواه وبعضهم افضل منه كالثنيان ...وماجد مخلوق هداف يعني راس حربه يتمناه اي فريق في العالم ...اما سامي يبدع في صنع الكرات الطوليه ............هذا الفرق بينهم