|
متجر الزعيم .. إلى متى بسم الله الرحمن الرحيم والسلام عليكم ورحمة الله وبركاته .. بداية اتمنى التوفيق للزعيم من خلال مشواره الاسيوي والمحلي .. ولعدم رغبتي في الاطاله عليكم .. حبيت أطرح عليك موضوع جداً مهم يخص متجر الهلال . المتجر في مجمله ممتاز . وفيه من إثلاج الصدر الكثير من خلال ما يتم طرحه من خلاله . موضوعي هو ما يختص بـ الطقم الرسمي ( الأزرق الغامق ) لموسم 2011- 2012 م بدون مبالغه من بداية الموسم وكل مره نزور المتجر للحصول على هذا الطقم تتم ( زحلقتنا ) بنفس الطريقه اترك رقمك وراح نتصل عليك .. إلى متى .. يتم الرد عليك متى ما وصلنا شي ولا تدري بعد عشرة ايام راح تجينا كميه كبيره .. طيب .. وهذا هو الحوار اللي نواجهه في كل مره .. يعني إلى متى .. إلى ما ينتهي الموسم .. وبعدين ؟؟؟ نروح نشتريه وكم شهر ويتم تغييره .. ؟؟ واللي يرفع ضغطك تقوم تحضر اي مباراة للهلال .. وتشوف من هذا الطقم الكثير الكثير .. وكللللللللها مقلده .. والله شي يقهر .. والله اوقات اقول ما ادري اروح عند ابو هنووود واخذ ارعه منه بخمسين ؟؟؟ لكن القصد هو دعم الزعيم ومو غيره .. انا اطلعت على الموضوع المثبت للمتجر .. والمسؤلين عن المتجر مشكورين لكن انا اشوف ان اكبر النواقص هي : الطقم الأساسي ( الأزرق ) اطقم التدريب للفريق كل ما قد يراه المشجع من اطقم يستعملها الفريق والجهاز الفني بصراحه جدا رائعه ولازم نشوفها في المتجر كذلك جاكيتات عليها شعار الزعيم خصوصا في فترة الشتاء.. وشفناها لفترات كثيره مع الفريق .. بالنهايه .. انهي كما بدأت .. يالله توفق الزعيم والسلام عليكم ورحمة الله وبركاته |
كلامك 100% يااا زعيم نصف الارض . من جد شي يقهر لازم يشفوون حل .. |
بصراحه هذا اكبر عيب في المتجر وانا زيك كل مار اورح الرياض ما احصل الطقم والله حراموايضا الطقم الكامل زي اللي لبسه ابو عبد الله الاطراف ازرق وفي النص ابيض والله اني احلم فيه هذا الطقم الجاكييت والبنطلونولكن اتمنى من الادارة اتخذ حل سريع لنا .المغترب |
ههههههههههههههههههههههههههه خلها على ربك بس تدري انا مثلك بعد اجي من الشرقية ويقول لي للاسف ما فيه وكله كذا واخر شيء قلت حق واحد من اصحابي يشتريها من متجر اديداس بالخارج وخلاص |
وكمان ازيدك اخوي انا اشتركت في بطاقة عضوية نادي الهلال ورحت استلمتها من عندهم وقالو لي خلاص تم تفعيل الاشتراك وتقدر تدخل في اي وقت وتقدر تستخدم اميل خاص بالهلال ولاكن محد عبرنا ولا فعلو لنا شي ابد وكل ما ارسلنا لهم يتجاهلون ؟؟؟؟ بعني لازم اروح مشوار للمتجر عشان اتفاهم معهم والله شي يقهر نتمنى الاهتمام شوي فينا |
وأنا والله بعد نفس الشي رحت ما حصلته وقالولي يومين وتجي << ما عندك أحد وأجيهم بعد يوومين وما حصلت والله روحت لـ adidas واشتريت الطقم وحطيت الرقم والإسم من المتجر لا وبعد أول مرة قالولي ما في حرف M ولا A ولا S بس هذي جابوها بعد يومين :) أتمنى الإلتفات لهذه ... |
والله شي يقهر يا شباب. يعني انا مثلا في كندا حاليا ونزلاتي قليله ومحدوده للرياض. وكل مره انزل أجازه لازم امر المتجر وكل مره يقولون لي خل رقمك ونبلغك خلال يومين. وش دعوه مقدم على وظيفه. وش الحل من جد اغيثونا. |
كلام سليم 100% يعطيك العافيه أتمنى يصل للإدارة |
اشكركم جميعا على التفاعل .. في احد الردود احد الزعماء تطرق لطلب الطقم الاساسي من الخارج .. من وين بالضبط هل احد عنده علم ؟؟ |
شباب في احد يعرف من المسؤل عن المتجر ؟ |
| الوقت المعتمد في المنتدى بتوقيت جرينتش +3.
الوقت الان » 10:21 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd