|
قصتي مع النصراوي. والله مدري شيحسون فيه كل هذا حقد يعني بسم الله الرحمن الرحيم حبيت اطرح عليكم فكر اخوانا في النادي الجار وحقدهم على الهلال لو يلعب مع اسرائيل نسو اننا مسلمين وسنه بالتحديد. القصه:. كنت جالس اتفرج على مباراة الهلال وبيروزي الي الحمدلله انها انتهت تعادل بعد توهق الهلال بالطرد والهدف ولبعنا على العرضيات وهم لاعبين طوال المهم كنت جالس ودخل على النصراوي في الاستراحه وانا ماحبهم يجون بس قاطين بالاستراحه شسوي إلا اشوف الولد يتكلم على الفريدي وينتقد المدرب انتقاد قلت هذا شكله اليوم يشجع الهلال شي طيب واول مره ويتكلم على الزوري طلعه لاينكبنا ويقول ليش يلعبون سالم توه صغير وليش مايلعب الحارثي ومن هالقبيل على العموم ازعجنا وقت المباراه. الا ويجي بلنتي ويقوم فرحان مبسوط ويصرخ ويجيه اتصال يهنيه على البلنتي من نصراوي حاقد مثله ويقول اشوا جاء بلنتي وتجيه اتصالات من اخوياه يستهزأون يقولون ودنا نشجع لو مره مانقدر واشوفه مبسوط مع ان بداياته تقول هذا عنده وطنيه طلع لا وطنيه ولا شي وجالس ينتظر مبسوط قلت تعرف ذا الي يلعب قال مين قلت عمك الهلال انتظر بيجي والله تعادل وانشاء الله بيفوز الا ويجي التعادل ويضيق صدره ومره يقوم ومره يقعه وكل شوي يقول بمشي يبيها تنتهي تعادل اقل شي المسكين كسر خاطري. ويوم ثاني يوم مباراتهم مع الشباب قسم بالله في قمة الحقاره طبعاً مايحضرون المباراه مع جمهور الهلال لو وش مايصير خاصه في الاستراحات تلقاهم في بيوتهم مثل ماني قايل المهم وانهزم فريقهم كالعاده ويجي يقول الحمدلله انه فاز الشباب مع انه نصراوي متعصب قلت له ليش يقول اهم شي الهلال ماياخذ الدوري قلت طيب الهلال مل من البطولات وانت من شجعت النصر ماعمرك فرحت قال عادي اهم شي الهلال وانا قلت اتركوا الهلال بحاله والله بتحققون شي. فيا أخوان خبروني شيحسون فيه:. هل كل هذا حقد على الهلال لو يلعب وش مايلعب مايحبونه. ام رفع ضغطهم الهلال بكثرة بطولاته وانجازاته. بالله عطوني رايكم فيهم وهل احنا نسوي مثلهم او لا |
هههههههههههههههههههه ماجبت شىى جديد ذا حال جمهور نادي النصر من يوم عرفت شى اسمه نصر لاكن ماراح يتعدل حال فريقهم الا اذا ابتعدو عن الهلال وعن مبارياته |
لا تشره عليهم تراهم مرض وبعدين كلمة ان شاءالله تنكتب كذا مو كذا انشاء الله ؟ |
تعقيباً على ماذكر أخي الشاويش أذكر في مباراة أم صلال كان صديقي النصراوي موجود عندي ويشجع أم صلال وكان مبسوط جداً بتأهلهم وخروج الهلال ( رغم انها بالبلنتيات ) وأزعجنا بنتيجة المباراة لمدة سنتين كاملة وهناك أمثلة وشواهد كثيرة لا يتسع لها المجال لذكرها هنا لكن اذا فتشنا عن السبب الحقيقي نكتشف أن هناك في الطرف الآخر من ينفخ في التعصب الرياضي وهم معروفين من اعلاميين واداريين وأعضاء شرف نصراويين كلهم نتاج ما افرزته حقبة الامير عبد الرحمن بن سعود رحمه الله الذي يعتبر أول من أدخل التعصب الى الكرة السعودية وكلنا نتذكر تصريحاته ومواقفه جيداً من الهلال سامحه الله وفي الختام تقبلوا تحياتي ومروري وتحية خاصة لكاتب المقال وشكراً. |
جعلوا من انفسهم اضحوكه للهلاليين خاصه وللرياضيين عامه |
والله ماودي أتشمت فيهم للآسف هذا حالهم والنصر مثل بيوت الطين القديمه الأغلبيه يهجرونه الحمد أني هلالي لاجاك مره ثانيه قله تعرررف سالم |
اخي الفاضل نعم من غير المجدي مناقشتهم بالعقل فهم مساكين تعودو على تحريف الحقائق كما حرفو الأسماء هل تصدق ان اكثر من نصراوي ارسل لي بعد نهايه الشوط الأول من مباره بيروزي الأخيره يقول الإتحاد الآسيوي يقرر ان اخر مدافع يكون حارس ورددت عليه بعد المباراه بأنه احتسب بلنتي وطرد اللاعب المتسبب بلمس الكره وسجل الهدف ولعبنا افضل من الشوط الأول وتعادلنا وكدنا نفوز ولم يقتنع,,,,,,, الخلاصه لاتتعب نفسك بمناقشه جماهير الأصفر الصغير. |
هههههههههههههه والله استمتعت باالقرراءة لان الجماهيررر النصراوية تضحكني كثيررررا لان عقوولهم ع قدهم يعني الهلال هززيمتة من اي فرريق تفررحهم اكثررر من فررحهم اذافاز فرريقهم شكررررررررياتي |
انا اقولك ليش حاقدين على الهلال لان الهلال في التسعينات والثمانينات والسبعينات كان الهلال يحقق بطولات وهم كذلك يحققون وكان بينا وبينهم تنافس وكنا حنا افضل منهم بعدد البطولات والبطولات الخارجيه كذلك وبعد التسعينات انتها النصر والهلال لازال يحقق بطولات فشي طبيعي انه بيكره الهلال لان اول كان بينا وبينهم تنافس وكان يقدر يجاري الهلالي اما الحين مايقدرر اببد ابد يعني تخيل 15 سنه بدون بطوله يعني الهلالي يقدر يحجر للنصراوي بأي طريقه اما النصراوي ماعنده الا العالميه صعبه قويه ههههههههههههههههههههههههههههههههه الحمد لله والشكر ومع هذا الهلال تأهل للعالميه وانلغت البطوله لاكن الفرق اننا حنا تأهلنا لها بشرف وهم لا تأهلو لها بالترشيح وحب الخشوم فيعني شيء طبيعي انه يتمنى الهلال ما يحقق اي بطوله عشان مانتعداهم زياده وزياده وزياده اكثر بالبطولات لان حنا متعدينهم بكثيييييييير بالبطولات حنا 53 وهم 21 ههههههههههههههههههههههههههههههههههه شف الفرق بس ويتمنون اننا مانحقق اي بطوله عشان مانتعداهم زياده عموما الله يشفيهم يا رب وجميع مرضا المسلمين |
اللهـ يشفيهمـ .......... |
ههههههههههههه كل هالاتصالات علشان البلنتي ي نععععمة العقل بسسس أي مستانسين بخسارتهم مع الشباب علشان الهلال الله يخخلف على حاالهم بسس :d لبى قلب الزعييم :smilie47::smilie47::smilie47: |
يامالك من العينات انت شوف عينات اعلامهم وبعدين تعرف ضحالة تفكيرهم بما ان الصرامي وطارق بن طالب يعدون من ضمن طاقم اعلامهم ويتغنون فيه فعلا الدنيا السلام |
ههههههههههههههههههههههههههههههههههههههه والله فريقهم خايس ويقلك هزيمة الهلال او تعادل الهلال بطولة لكل الاندية تـــــقـــــــبــل مــــــــروري |
الزعيم حارق دمهم وقاهرهم خلهم يقولون اللي يقولونه |
بارك الله فيك أخي لكريم وتمنى لاتضع كل الاهتمام بهذه النوعية لئن مجرد الرد عليهم يعتبر لديهم شي كثير بل يتغنون فيه لعدت أيام كأن ناديهم حاصل على بطولات كأس العالم التي من لمفترض يخجل كل نصروي بتسمية ناديهم بالعالمي لئن إذا حققت البطولة العالمية وقتها يحق لهم التسمية 0 أخي الكريم سبق وحدث بين شخص أعرفه وبين مشجعين منهم بتعصب شد ورد بالكلام وكان رده عليهم مختصر وأعجبني حينما قال لهم لو إدارة ناديكم تعي وضعكم لم تسعي لتغير مسمي دار المسنين إلى أكاديمية نادي النصر للمسنين !!! ويبقي ( أصحاب العقول براحة ) بحفظ الله |
| الوقت المعتمد في المنتدى بتوقيت جرينتش +3.
الوقت الان » 07:12 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd