|
جماهير الزعيم في مناطق الدوله تترك المدرجات بسبب جماهير منطقه الرياض..! - صور بسم الله الرحمن الرحيم مساء الزعامه ,, انا اليوم صار نقاش بيني وبين واحد من الشباب على البلاك بيري وسألته عن مباراه الهلال والرائد وهل هو يبي يحضر ولا لا ,, لاننا من سكان القصيم فرد علي رد غريب ولا الومه على الرد صراحه شوفوا وش كان رده هذا الشخص حضرت انا واياه آخر مباراه للهلال اللي كانت مع بيروزي الايراني جايين من القصيم خصوصا للمباراه وطالعين متأخرين من الجامعه الساعه 4 وعلى طول مسكنا الخط ,, بس يوم وصلنا لا ووصلنا متأخرين وباديه المباراه لها 5 دقايق .. وربي اننا انصدمنا من الحضور الجماهيري اللي ما ادري وش اقول عنه..! مباراه مهمه وببطوله مستعصيه علينا واول المشوار ويوم اربعاء والحضور 9 الاف وشوي ..!! اي رقم صعب نتكلم عنه والله عيب ان اداره الهلال تطالب تكون مبارياته على الملز ومن المهزله ان الملعب لا يكتمل :ranting: وبكل استخفاف نطالب ببطولات ونعاتب الاداره ..!! اول ما اتكلم عنه هو جمهور منطقه الرياض ,, اين انتم وليس الكل فمنهم من اتى وساند والاخر اكتفى بالبيت وخلف التي في ..!! معروف من جميع جماهير الزعيم في جميع مناطق المملكه ان جماهير الرياض لا تساند الفريق الا ما قل منهم والاخراذا كانت مباراه ديربي او نهائي وليس لك الفخر في هذا لانك لو لم تحضر لهذه المبارايات ايضا فهلاليتك مزيفه..! اقسم بالله ان عتابي لكم عتاب شخص محب ولا اريد ان يحدث احباط من الجماهير الاخرى في المناطق الاخرى بسببكم هذا كل ما لدي ,, وصاحب المحادثه بيحضر بس حبيت اوريكم ردة الفعل لا اقل ولا اكثر وبالتوفيق لزعيمنا :ba1: |
ططيب مغطي نكه ليش :D صحيح المعدل الجمااهيري بالدوري بإنخفاض واضح جدا الناس الحيين حولو مقاهي واستراحات وبكل صراحه مالومهمم .. سوء تنظيم بالملاعب وحاجات كثيره تمنع .. |
بس صراحه الجمهور كان نار في المباره الاخيره على الرغم من قلتهم بس الفاعليه كانت اكثر |
انشاء الله نشوف الملعب ممتلئ يوم الاثنين |
اقسم بالله اتمنى اتمنى الهلال يلعب نص مبارياته بـ حآيل << والله نخيم بالملعب هههههه |
اخوي انا ما قلت ان مافيه حماس .. بس العدد مو اللي بالبال والمطلوب والمتوقع ,, ههههه وش بغيت بالنك |
نحضر عشان يحرق اعصابنا واحد زي الفريدي اتابعها في البيت احسن مع اني حضرت المباراة وراح احضر كل مباريات الهلال في الاسيوية |
عزيزي ملاعبنا ما تشجع على الحضور أضف إلى ذلك النقل التلفزيوني له تأثير كبير على الحضور لكل الأندية ياخي الماء يمنعونك تدخل فيه ولجة وصجة وما فيه إعادة للأهداف واللقطات ماش تعودنا على التلفزيون . وسأحاول إن شاء الله اني أحضر بجيب الصغار معي يشوفون الهلال عن كثب وأخليهم يعيشون جو. |
المشكله مو في قله الحضور المشكله انهم يطالبو ببطولات بدون مايدعمو النادي هنا المشكله جمهور عجيب غريب |
ي حبيبي اذا ع الراحه اجلس فبيتنا احسن لي ولا اضرب 400 كيلو من القصيم هذا لو نبغى الراحه على كلامك .. بس انا جاي اساند الفريق مو جاي دور راحتي |
الفريدي يمنعك من الحضور..! انت جاي علشان الفريدي ولا علشان الهلال |
خلاص قلت لكم من زمان حنا وعين وشينين وياليت ينقلون النادي بره الرياض لاننا مانحظر وبعدها ..؟؟ حظرنا 70 الف وطلعنا من اسيا وحظرنا 60 الف وخسرنا من الاتحاد وحظرنا امام الكويت الكويتي وام صلال ونفس الحكايه خلك واقعي حنا نحظر مبكر وننقهر ونموت جوع وعطش والصلاة تفوتنا وتفتيش كأني داخل سجن وكراسي وصخه واذا شربنا لقينا ببسي طاقته الشمس شاهي مو ببسي واذا شرينا صامولي لقيناه معفن ومنتهيه صلاحيته غير الوصخين اللي يدخلون بين الشوطين اشخاص من العصر الحجري كل عباراتهم قذره مثل ملابسهم اشخاص محنطين اخر تحديث لهم كان في 1410 احظر ليه ...؟؟ احظر ليه ابي جواب لهذي المهزله ..! اجلس بالمقهى او بالبيت او بالاستراحه جنبي شاهي وجنبي عشاي وسواليف مع رجال مثلكم وشرواكم اعلوم زينه واجواء نقيه بدون دخان وفصفص عبدالرحمن بن مساعد انقلوا النادي خلاص زعلت انا اتمنى تنقلونه لضيده عند اخوياي او الخرمه عن خويي الثاني يقول هناك تقدر تسوي ثلاث ملاعب وست انديه والا المجمعه ممتازه ومافيها زحمه انا من سكان منطقة الرياض لن احظر اكتبوا وتكلموا وسووا اللي تبغون اذا مافيه تطور حقيقي ي الملاعب السعوديه ومنع القذرين من الدخول بين الشوطين ووضع مكان للمدخنين واشرب على كيفي ببسي بارد سفن اب دافي على كيفي لو ابي شاهي ثلج اللقاه والا مع نفسكم جميعا |
جات على سفن وبيبسي .. طيب لاحد ينتقد الفريق حتى تتعدل الملاعب والأرضيه وغرف تبديل الملابس .. بعدين ننتقد الفريق .. مو بس انتم ياجمهور الريآض اللي لكم اسبابكم حتى الفريق له اسبآب .. ولاتنتقدوون وانتو ماتحضرون |
انا اقول الاينتقد الفريق ولا يحضر مايستحي على وجه والله اذا مايحقق الهلال نتائج اجابيه لاتجلسون تتطالبون بطوله وانتم ماتحضرون لو فيه مجال البنات يحضرون |
مالوم الجمهور اذا ما حضر اللحين موجود مقاهي واستراحات وتلفزيونات صح بالمقابل ملاعب سيئه وعدم احترام من رجال الامن للمشجعين وعدم تنظيم وعدم وجود الخدمات اذا الجمهور 10 الاف بهذه الخدمات انا متأكد لو خدمات السعوديه مثل قطر كان الحضور 50 الف |
| الوقت المعتمد في المنتدى بتوقيت جرينتش +3.
الوقت الان » 12:37 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd